ភ្នំពេញ៖រយៈពេល៨ឆ្នាំ ជ្រកនៅក្រោមដំបូលហង្សមាសនាងឈិន ម៉ានិច្ច ត្រូវបានគេមើលឃើញពីសម្ថភាពរបស់នាងថាជាតារាម្នាក់ដែលមានទឹកដមសម្លេងសាកសមជាម្ចាស់ពាន ។ប៉ុន្ដែភាពលេចធ្លោរបស់នាងម៉ានិច្ច បែជានៅមានកម្រិតទៅវិញ បើប្រៀបធៀបជាមួយតារាស្រីផ្សេងទៀតដែលលេងសម្រស់ដូចជានាងរ៉េត ស៊ូហ្សាណា ,ពេជ្រ សូលីកា និងSK ជាដើម បើទោះជាពួកគេមិនអាចប្រៀបធៀបសម្លេងជាមួយនាងម៉ានិច្ច ក្ដី ។
![](https://norkorthom.com/wp-content/uploads/2024/07/v1-2.jpg)
តារាចម្រៀងល្បីរបស់ហង្សមាសម្នាក់និយាយដោយស្នើសុំមិនឲ្យដាក់ឈ្មោះថាឈិន ម៉ានិច្ច តាមគេមិនទាន់ ព្រោះតែនាងមិនវិវត្តន៍ខ្លួន ប្ដូរពីច្រៀងភាគច្រើនជាបទស្លូវ ទៅជាបទញាក់ដែលមានក្រុមរាំអមដូចគេ ទើបទីផ្សារចម្រៀងមិនទៅមុខបែបនេះ ។ទោះជាយ៉ាងណាការច្រៀងបទមរតកដើមបានយ៉ាងពិរោះនោះនាំឲ្យនាងម៉ានិច្ច មានទីផ្សារល្អនៅក្រៅស្រុកជាងក្នុងស្រុក ។
![](https://norkorthom.com/wp-content/uploads/2024/07/v5-1.jpg)
ឈិន ម៉ានិច្ច (ឈិន ស្រីនិច្ច )មិនអាចទាក់ទងបានទេ កាលពីពេលថ្មីៗនេះ ព្រោះជាទម្លាប់នាងមិនសម្ភាសន៍ជាមួយអ្នកកាសែតទេ ដែលចំណុចនេះជាផ្នែកមួយធ្វើឲ្យនាងគ្មានមុខលើសារព័តមានដូចតារាផ្សេងទៀត ហើយពិបាកលេចធ្លោជាងនេះ ។ចំណែកFan របស់ស្រីស្រស់រូបនេះវិញលើកឡើងថានាងម៉ានិច្ច ច្រៀងសម្ដែងសាកសមគ្នាខ្លាំងជាមួយលោកដួង វីរៈសិទ្ធ តែតាំងពីលោកសិទ្ធ ចេញពីហង្សមាសទៅនាងកាន់តែពិបាករកដៃគូដែលយល់ចិត្ត ហេតុនេះហើយបានជាពិបាកពង្រីកទីផ្សារចម្រៀង បើទោះជាសម្លេងនាងស៊ីគ្នាជាមួយលោកនី រតនា ក៍ដោយ ប៉ុន្ដែផលិតកម្មមិនតម្រូវពួកគេជាដៃគូគ្នាជាប្រចាំឡើយ ។
![](https://norkorthom.com/wp-content/uploads/2024/07/v3-2.jpg)
ឈិន ម៉ានិច្ច លើកពាន Cambodian Idol រដូវកាលទី២ ក្រោយនាងបរាជ័យប្រលងចម្រៀងThe Voice Cambodia ហើយនាងបានកែប្រែមុខមាត់និងជីវភាពច្រើនយ៉ាងរហ័ស្ស ព្រោះពីមុនធ្លាប់តែជិះម៉ូតូឌុបទៅច្រៀង តែឥឡូវមានរយន្ដទំនើបម៉ាកJeep Rubicon តម្លៃជិត១០ម៉ឺនដុល្លារ និងមានផ្ទះ១ល្វែងផ្ទាល់ខ្លួនទៀតផង ។យ៉ាងណានាងម៉ានិច្ច ដែលធ្លាប់តែមានគូស្នេហ៍ដើរតាមឆាកតន្រ្ដីពេលនាងមិនទាន់ល្បីនោះពេលនេះគេមិនដែលឃើញបុរសនោះតាមនាងដូចមុនទៀតទេ ក្រោយបែកធ្លាយថានៅថ្ងៃឡើងផ្ទះនាងកាលពីឆ្នាំមុន មានមន្រ្ដីធំម្នាក់បានចងដៃនាងនូវលុយដុល្លារ១បាច់។សម្រាប់នាងម៉ានិច្ច វិញពេលនេះទោះជាមិនសម្រុកខ្លាំងជាមួយអាជីពចម្រៀងមែន តែហង្សមាសបានផ្ដល់ឱកាសឲ្យនាងឡើងច្រៀងសម្ដែងនៅឆាកតន្រ្ដីStudio ទូរទស្សន៍ជាញឹកញាប់ ខណៈដែលកាលពីខែ៤នាង ក៍បានដឹកដៃលោកឆន សុវណ្ណារាជ ទៅច្រៀងសម្ដែងនៅកាណាដាជាមួយអ្នកនាងឡាយ លក្ខិណា ផងដែរ ។
![](https://norkorthom.com/wp-content/uploads/2024/07/v2-1.jpg)
ក្រៅពីឈិន ម៉ានិច្ច តារាដែលមានសម្លេងក្រអួនក្រអៅ តែមិនសូវលេចធ្លោដូចអ្នកលេងសម្រស់ឆើតឆាយ នៅហង្សមាសមានដូចជានាងឈីន រតនៈ ,ម៉ង់ ច័ន្ទកញ្ញា និងចំរើន សុភ័ក្រ្ដ ជាដើម ។ប៉ុន្ដែនាងម៉ានិច្ច ដែលធ្លាប់តែច្រៀងតាមហាងពីមុនបានតម្លៃខ្លួនតែជាង១០ដុល្លារ ក្នុង១យប់នោះឥឡូបនាងអាចរកប្រាក់ចំណូលពីអាជីពចម្រៀងបានរាប់ម៉ឺនដុល្លារ ក្រោយពីនាងបានឈ្នះពានកាលពីឆ្នាំ២០១៦ ។
![](https://norkorthom.com/wp-content/uploads/2024/07/v8.jpg)
គួរបញ្ជាក់ថាហង្សមាសបានរកឃើញម្ចាស់ពានCambodian Idol ៤រូបមកហើយគឺនី រតនា ,ឈិន ម៉ានិច្ច ,គ្រី ថៃពៅ និងលីម តិចម៉េង ហើយក្នុងចំណោមនោះលោករតនា លេចធ្លោជាងគេ តែបានចុះខ្សោយទៅវិញពេលមានប្រពន្ធនិងកូន៣នាក់ ។សម្រាប់នាងម៉ានិច្ច វិញអំឡុងពេលទៅច្រៀងសម្ដែងនៅកាណាដាជាង១ខែនាងត្រូវបានអាណិកជនខ្មែរនៅទីនោះមិនតិចនាក់ទេ ចង់ធ្វើជាម្ចាស់ចិត្តនាង តែគេជឿរថាស្រីស្រស់រូបនេះអាចនឹងជ្រើសផ្លូវស្នេហ៍”ជួញជិត ប្រសើរជាងជួញឆ្ងាយ “ ព្រោះទោះជាពេលនេះនាងមិនដែលបង្ហាញគូស្នេហ៍ជាចំហ មែន ប៉ុន្ដែគេជឿរថានាងមិនមែនទុកបេះដូងឲ្យនៅទំនេរឡើយ ។អ្វីដែលគួរឲ្យកត់សម្គាល់នោះ នៅពេលដែលនាងម៉ានិច្ច មិនទាន់អាចក្លាយទៅជាតួឯក នោះនៅឆ្នាំ២០២៤ តារាស្រីហង្សមាសបន្ដឈរលំដាប់ជូរមុខនៅតែឱក សុគន្ធកញ្ញា ,ពេជ្រ សោភា ,សុគន្ធ និសា និងសួស វីសា ដដែល បើទោះជាតារា៤ដួងខាងលើនេះប៉ុន្មានឆ្នាំចុងក្រោយអត់បទផ្ទុះក្ដី ៕
![](https://norkorthom.com/wp-content/uploads/2024/07/v7.jpg)
![](https://norkorthom.com/wp-content/uploads/2024/07/v6-1.jpg)