ភ្នំពេញ៖ស្រីស្រស់តន់ ច័ន្ទសីម៉ា បានប្រារពខួបកំណើតគម្រប់អាយុ២៦ឆ្នាំ កាលពីថ្ងៃទី១៤ កក្កដា ដែលខួបឆ្នាំនេះក៍មិនខុសពីឆ្នាំមុនៗដែរគឺនាងធ្វើជាលក្ខណៈគ្រួសារមិនមានការជប់លៀងទ្រង់ទ្រាយធំ ហៅភ្ញៀវរាប់រយនាក់ឲ្យចូលរួមឡើយ ។តែនាងសីម៉ា ទទួលបានសារជូនពរលើកទឹកចិត្តច្រើន ពីFan បើទោះជាកាលពីចុងឆ្នាំ២០២២ សីម៉ា ធ្លាប់មានបញ្ហាខ្វែងគំនិតគ្នាជាមួយអ្នកគាំទ្ររឿងនាងចេញមុខការពារថៅកែស្ទួនៗ ធ្វើឲ្យអ្នកនិយម ស្ដាប់បទចម្រៀងនាងមួយចំនួនព្រមានធ្វើពហិការ លែងស្ដាប់ចម្រៀងនាងតទៅទៀតក្ដី ។នៅថ្ងៃខួបកំណើតឆ្នាំនេះនាងច័ន្ទសីម៉ា ថានៅពេលដែលអាយុកាន់តែកើន ទទួលបានបទពិសោធន៍ក្នុងជីវិតកាន់តែច្រើន តែនាងថាមិនដឹងជា១០ឆ្នាំមានប៉ុន្មានដងនោះទេក្នុងជីវិតមួយនេះ។សីម៉ា សង្កត់ថានាងគិតថាអ្វីក៍អាចកើតមានឡើងដែរ នៅថ្ងៃស្អែក ដោយនឹកស្មានមិនដល់ …។
![](https://norkorthom.com/wp-content/uploads/2024/07/x1-28.jpg)
![](https://norkorthom.com/wp-content/uploads/2024/07/x3-20.jpg)
នៅអាយុ២៦ឆ្នាំនេះគេកត់សម្គាល់ថានាងតន់ ច័ន្ទសីម៉ា បានជោគជ័យច្រើនក្នុងជីវិតជាតារាចម្រៀងម្នាក់ដែលវិវត្តន៍ខ្លួនពីអ្នកស្មូតជាប់លេខ១ ប្រចាំខេត្តតាកែវ ក្លាយទៅជាតារាចម្រៀងសម័យ ហើយមុនល្បីឈ្មោះនាងច្រៀង នៅហាងមួយជារៀងរាល់រាត្រីដោយទទួលបានប្រាក់ខែត្រឹមតែ៤៥០ដុល្លារ ប៉ុន្ដែពេលឡើងកូដខ្លាំងចុង ក្រោយជាង៥ឆ្នាំនេះនាងសីម៉ា ត្រូវផលិតកម្មដាក់តម្លៃខ្លួននាងច្រៀង១កម្មវិធីស៊ីថ្លៃ៥ពាន់ដុល្លារ ធ្វើឲ្យនាងអារកប្រាក់ចំណូលពីសិល្បៈបានជាច្រើនម៉ឺនដុល្លារក្នុង១ឆ្នាំៗ រហូតមានលទ្ធភាពទិញបានផ្ទះរស់នៅផ្ទាល់ខ្លួន និងជិះរថយន្ដទំនើបៗ ដែលផ្ទុយពីមុននាងរស់នៅបន្ទប់ជួលក្នុង១ខែ៦០ដុល្លារ នៅម្ដុំស្ដុបDN ហើយជិះម៉ូតូទៅច្រៀងនៅពេលយប់ ។
![](https://norkorthom.com/wp-content/uploads/2024/07/x2-20.jpg)
![](https://norkorthom.com/wp-content/uploads/2024/07/x5-13.jpg)
អ្វីដែលគួរឲ្យកត់សម្គាល់នាងតន់ ច័ន្ទសីម៉ា ត្រូវបានថៅកែGalaxy ទុកចិត្តដោយទិញតារាប្រុសៗចូលជាបន្ដ បន្ទាប់ តែមិនទិញតារាស្រីជើងខ្លាំងរូបណាទៅប្រជែងនាងនោះទេ បើទោះជារយៈពេលចុងក្រោយនេះគេសង្កេតឃើញថាសីម៉ា គ្មានបទផ្ទុះខ្លាំងដូចមុនទៀតក៍ដោយ។ ប៉ុន្ដែការលើកឡើងថា១០ឆ្នាំ មានប៉ុន្មានដង និងថាថ្ងៃស្អែក អាចមានរឿងដែលនឹកស្មានមិនដល់នោះមានន័យថានាងសីម៉ា បានត្រៀមចិត្តកាយរួចជាស្រេចទៅហើយថាអាជីពចម្រៀងរបស់នាងអាចនឹងមានការប្រែប្រួលគ្រប់ពេលវេលាទាំងអស់ បើទោះជាបច្ចុប្បន្ននាងជាតារាស្រីតែម្នាក់គត់ដែលមានដៃគូល្អបំផុតព្រោះព្រាប សុវត្ថិ ,ខេមរៈ សិរីមន្ដ និងខេម នៅតែគ្មានជម្រើសផ្សេងក្រៅពីបន្ដចាប់ដៃគូជាមួយនាងក៍ដោយ។ដោយឡែកអ្នកជំនាញសិល្បៈបានលើកឡើងថានាងច័ន្ទសីម៉ា ទើបតែអាយុ២៦ឆ្នាំ ដូចច្នេះនាងមានពេលប្រជែងទីផ្សារចម្រៀងពេញទំហ៊ឹងបានដល់ទៅ១០ឆ្នាំទៅទៀត ពោលគឺនៅឆ្នាំ២០៣៤ ដែលពេលនោះនាងមានអាយុ៣៦ឆ្នាំ ខណៈដែលឱក សុគន្ធកញ្ញា នឹងមានអាយុ៤៧ឆ្នាំ ,មាស សុខសោភា នឹងមានអាយុ៥៣ឆ្នាំ ហើយពេជ្រ សោភា និងសុគន្ធ និសា នឹងមានអាយុ៥១ឆ្នាំ ។ប៉ុន្ដែនៅថ្ងៃពិសេសរបស់នាងនេះ គេមិនឃើញសីម៉ា បង្ហាញមុខគូស្នេហ៍ជូនកាដូ ឬបង្ហាញការយកចិត្តទុកដាក់ចំពោះនាងដូចគូស្នេហ៍ដ៍ទៃទៀតទេ ខណៈដែលជាញឹកញាប់នាងសីម៉ា តែងតែត្អូញត្អែថានាងអត់សង្សារ ឬរកតែក្ដិបសង្សារ១ធ្វើថ្នាំមិនបានផង ។ការវាចាបែបនេះមិនសូវមានគេជឿរជាក់លើសីម៉ា ច្រើនទេ ព្រោះគេគិតថានោះគ្រាន់តែជាDrama ប៉ុណ្ណោះ ព្រោះនាងល្បី និងរូបស្រស់ប៉ុណ្ណឹងដែរ រឿងអីដែលគ្មានប្រុសតាមស្រលាញ់?តែតាមព័តមានថាលោកឧកញ៉ាពោះម៉ាយម្នាក់ដែលធ្លាប់តែស្និតស្នេហ៍នាងនោះពេលនេះបានងាកទៅភ្ជាប់ស្នេហ៍ជាមួយអ្នកមេម៉ាយម្នាក់បាត់ទៅហើយ ។
![](https://norkorthom.com/wp-content/uploads/2024/07/x6-11.jpg)
![](https://norkorthom.com/wp-content/uploads/2024/07/x7-11.jpg)
តន់ ច័ន្ទសីម៉ា ជាតារាម្នាក់ដែលហ៊ានទទួលស្គាល់ថានាងកែសម្រស់ដល់ទៅ៣កន្លែងគឺធ្វើច្រមុះ ,ចាក់ចង្ការ និងពត់ធ្មេញ ដែលខុសពីតារាផ្សេងៗទៀតទោះជាពួកគេបានកែសម្រស់ច្រើនកន្លែងជាងនាងយ៉ាងណាក៍មិនដែលទទួលស្គាល់ការពិតឡើយ គឺមានតែប្រឹងប្រកែកទៅវិញ ។សម្រាប់នាងសីម៉ា វិញអំឡុងពេលដែលនាងលែងសូវមានបទផ្ទុះដូចមុនទៀតនោះ គូប្រជែងទីផ្សារចម្រៀងផ្នែកយុវវ័យក៍ស្ងប់ស្ងាត់ដែរ ហេតុនេះហើយបើថៅកែGalaxy នៅតែមិនទិញពេជ្រ សោភា ឬមាស សុខសោភា ធ្វើជាដៃគូតារាប្រុសរបស់ខ្លួនទេ នោះស្រីស្រស់តូចតន់រូបនេះនៅតែធ្វើព្យុះភ្លៀងនៅផលិតកម្មនេះតទៅទៀត ព្រោះនាងមានឧកញ៉ាដល់ទៅ៣រូបចាំរុញនាងទៅមុខគឺព្រាប សុវត្ថិ ,ខេមសៈ សិរីមន្ដ និងឡេង ណាវ៉ាត់ត្រា ៕
![](https://norkorthom.com/wp-content/uploads/2024/07/x4-21.jpg)