ភ្នំពេញ៖ពេជ្រ សូលីកា បានព្យាយាមលាក់បាំងគូស្នេហ៍ថ្មីរយៈពេល២ឆ្នាំ បន្ទាប់ពីនាងនិងអតីតគូដណ្ដឹងចែកផ្លូវគ្នាអស់រយៈពេលជាង២ឆ្នាំមកហើយ ដែលធ្វើឲ្យតារាហង្សមាសរូបនេះក្លាយខ្លួនជាមេមាយកូន១ទាំងវ័យក្មេង។អ្នកមេម៉ាយកូន១ស្រួយដូចដូងដុតនាងស្រីពេជ្រ ហៅសូលីកា បានបង្ហាញសញ្ញាមានស្នេហ៍ថ្មីមួយឆាវតាមIG ហើយពេលនេះក៍លែងហ៊ានបញ្ចេញមុខបុរសនោះទៀត ខណៈដែលប្រុសៗកាន់តែច្រើនទាំងក្នុងនិងក្រៅស្រុកនៅតែជ្រួលជ្រើម ចង់ចូលខ្លួនទៅស្អំរបួសបេះដូងនាង។ប្រភពបានឲ្យដឹងថាសូលីកា និងបុរសកាត់ចិនដែលនាងបង្ហាញលើIG នោះមិនទាន់ច្បាស់លាស់និងគ្នា ហេតុនេះហើយបានជានាងឈប់កៀកកើយគ្នាតទៅទៀត ។ទោះជាយ៉ាងណានៅលើបណ្ដាញសង្គមគេឃើញមានបុរសខ្លះសារភាព ស្នេហ៍នាងជាសាធារណៈតែម្ដងនៅពេលដែលនាងគ្រាន់តែផុសរូបថ្មីៗ តែមេម៉ាយរូបស្រស់ហាក់មិនមែនចិត្តងាយនោះទេ ព្រោះតាមដំណឹងថានាងនៅតែអាលោះអាល័យអតីតគូណ្ដឹងរបស់ខ្លួនលោកគឹម ហាន បើទោះជាចែកផ្លូវគ្នាជាង២ឆ្នាំនេះបុរសអាណិកជនខ្មែរអូស្រា្ដលីរូបនោះមានគូស្នេហ៍ថ្មីទៀតហើយ និងពេលខ្លះថែមទាំងបណ្ដើរសង្សារថ្មីទៅមើលការច្រៀងសម្ដែងរបស់នាងក្ដី ។ប្រភពបានឲ្យដឹងថាប្រសិនបើសូលីកា ចង់បានគូស្នេហ៍ថ្មីជាមន្រ្ដីធំវ័យចំណាស់ គឺងាយដូចវបកចេក ព្រោះឲ្យតែនាងOK គឺមិនចាំបាច់ច្រៀងសម្ដែងរកលុយចិញ្ចឹមកូននិងប្អូនក៍មានលុយចាយមិនចេះអស់ឡើយ ។ប៉ុន្ដែគេជឿរថាអ្នកមេម៉ាយអាចនឹងជ្រើសស្នេហ៍ប្រុសថ្មីជាបុរសដែលមានរូបរាងសង្ហារមិនចាញ់អតីតគូដណ្ដឹងរបស់នាងឡើយ ហើយអាណិកជនខ្មែរនៅបរទេសជាជម្រើសរបស់តារាហង្សមាសរូបនេះច្រើនជាងប្រុសក្នុងស្រុក ។
ពេជ្រ សូលីកា មិនសូវមានសកម្មភាពសិល្បៈលេចធ្លោនោះទេ នារយៈពេលចុងក្រោយនេះ ខណៈដែលការចាប់ដៃគូជាមួយលោកថុល សុភិទិ និងនីកូ ក៍មិនមានច្រើនដូចមុនដែរ ប៉ុន្ដែនាងបានព្យាយាមចេញបទចម្រៀងនៅខាងក្រៅផលិតកម្មជាមួយប្អូនស្រីរបស់ខ្លួនឈ្មោះនាងជេលី ជីង ដែលនោះគឺជាការត្រួសត្រាយផ្លូវមួយសម្រាប់ប្អូនឲ្យដើរតាមគន្លងរបស់ខ្លួនក្នុងវិថីចម្រៀង ។ចំណែកផលិតកម្មរស្មីហង្សមាសវិញនៅតែបើកដៃឲ្យសូលីកា មានឱកាសថតភាពយន្ដជាបន្ដបន្ទាប់ទៀត បន្ថែមពីលើចម្រៀង ប៉ុន្ដែគ្មានសញ្ញាបើកភ្លើងខៀវឲ្យប្អូនស្រីនាងចូលហង្សមាសដែរនោះទេ ។
ពេជ្រ សូលីកា ស្ថិតក្នុងចំណោមតារាដែលមានសម្រស់លេចធ្លោនៅហង្សមាសទើបធ្វើឲ្យនាងនៅមានទីផ្សារចម្រៀង និងស្ពតពាណិជ្ជកម្មជាបន្ដបន្ទាប់ បើទោះជាថៅកែមិនទាន់លើកនាងឲ្យធ្វើជាតួឯកក្នុងការឈានទៅប្រជែងតំណែងតារាចម្រៀងស្រីលំដាប់ជូរមុខក៍ដោយ។អតីតតារាចម្រៀងនៅហាងបៀរហ្គាឌិនបុប្ផាជាយដែន និងផលិតកម្មM រូបនេះមានចំ ណុចពិសេគឺនាងមិនបណ្ដោយខ្លួនឲ្យឡើងគីឡូជ្រុល ឬបែកសាច់ ក្រោយមានប្ដីនិងកូននោះទេ គឺនៅតែស្វែល ទើបខាងAgency មិនអាចមើលរំលងនាងបាន។ទោះជាយ៉ាងណាស្រីពេជ្រ ក៍ពិបាក ទប់ទល់ទីផ្សារតារារួមទ្រនុំដែលលេងសម្រស់ដូចនាងដែរនោះគឺនាងរ៉េត ស៊ូហ្សាណា និង នាងSK ដែលពួកគេនៅមិនទាន់មានកូនដូចនាងឡើយ ។
ក្រៅពីពេជ្រ សូលីកា តារាមេម៉ាយដែលលាក់ស្នេហ៍ថ្មីនៅឆ្នាំ២០២៤ នេះមានដូចជានាងសុខ សោសោម៉ាវត្តី និងអឿន ស្រីមុំ ជាដើម ហើយក្នុងនោះមានតែនាងស្រីពេជ្រ ទេ ដែលនៅតែឆើតឆាយជិះរថយន្ដទំនើបៗ និងប្រើអ៊ឺវ៉ាន់ម៉ាកប្រេន ប្រេន ព្រមទាំងមានជីវិតរស់នៅលើខុនដូយ៉ាងប្រណិត ពោលគឺមិនមែនធ្លាក់ខ្លួនក្រោយចែកផ្លូវពីគូដណ្ដឹងដូចគេម៉ៃ នោះឡើយ ។តែសូលីកា អាចរីករាយតែនៅលើឆាកតន្ដ្រីប៉ុណ្ណោះ ព្រោះរឿងដែលនាងឈឺចាប់ជាងបែកបាក់គូដណ្ដឹងទៀតនោះគឺម្ដាយនាងអ្នកស្រីស៊ិន ស្រីនាង ដែលបានសម្លាប់គូស្នេហ៍ភេទដូចគ្នា កាលពីយប់ថ្ងៃទី១១ ខែមករា ឆ្នាំ២០២០ ត្រូវតុលាការកាត់ទោសឲ្យជាប់គុករយៈពេល១២ឆ្នាំ ដែលមានន័យថាទាល់តែនៅឆ្នាំ២០៣២ ទើបសូលីកា អាចរស់នៅជាមួយម្ដាយដូចដើមវិញ ៕
