ភ្នំពេញ៖ចំណងស្នេហាពេជ្រ សោភា និងលោកឆឹម សក្កដា បានឈានទៅដល់កម្រិតប្រឈមហានិភ័យមែនទែនហើយ ព្រោះអំឡុងពេលដែលសោភា កាន់តែស្អិតល្មូតជាមួយលោកឆន សុវណ្ណារាជ នោះលោកសក្កដា បែជាដេកមិនលក់ រហូតត្រូវលេបថ្នាំជាប្រចាំទៀតផង ។អ្វីដែលគួរឲ្យចាប់អារម្មណ៍សោភា បានលេង១ក្បាច់ទៀត តបទៅលោកសក្កដា គឺនាងចេញមុខសរសើរបុរសរោមទ្រូងច្រើនលោករាជ ថាអ្នកណាបានធ្វើជាគូរជីវិតរបស់លោក ពិតជាមានសំណាងធំ ។ការលើកឡើងបែបនេះបញ្ជាក់ថាសោភា ចង់បានគូស្នេហ៍ជាបុរសមានគុណសម្បត្តិដូចលោករាជ ហើយនាងអត់បានលើកពីគុណសម្បត្តិរបស់លោកសក្កដា សូម្បីតែបន្ដិច ។ចំណែកលោកសក្កដា វិញក្រោយឃើញសោភា ប្រកាសបែបនោះលោកបាននិយាយដៀមដាមទៅគូដណ្ដឹងរបស់ខ្លួនវិញថា”អត់គេងមិនមែនចាំចាក់បាល់ទេ តែគេងមិនលក់ លទ្ធផលពូកែទ្រាំអត់ធន់ ទោះគេធ្វើឲ្យប៉ះពាល់ផ្លូវចិត្ត យ៉ាងណាក៍ទ្រាំ !ចូហ្វេនកុំដូចពូអី “។
![](https://norkorthom.com/wp-content/uploads/2024/07/x1-31.jpg)
![](https://norkorthom.com/wp-content/uploads/2024/07/x2-23.jpg)
តាមរយៈការស៊កសំដីតបទៅពេជ្រ សោភា របស់លោកសក្កដា នាពេលនេះបង្ហាញថាលោកជាមនុស្សចិត្តធ្ងន់ណាស់សុខចិត្តទ្រាំ ប៉ុន្ដែជាមួយគ្នានេះដែរគេឃើញសោភា ក៍សុខចិត្តខាំមាត់សង្កត់ចិត្តព្រោះតែលោកដែរ ដោយសារតែមុននេះគូដណ្ដឹងរបស់នាងបានដាស់តឿននារីទាំងឡាយថាកុំខ្មើតខ្លាំងពេកតែអាយុលើសពី៣៥ឆ្នាំ ពិបាកហើយ តែលោកបែជាភ្លេចថាសោភា ឆ្នាំនេះអាយុ៤១ឆ្នាំទៅវិញ ។សោភា ដែលប្រកាសថាបានភ្ជាប់ពាក្យជាមួយលោកសក្កដា កាលពីថ្ងៃទី១១ ខែ១១ ឆ្នាំ២០២២ និងលុបចោលមង្គលការឆ្នាំ២០២៣ ដោយមិនដឹងមូលហេតុនោះស្រាប់តែពេលនេះនាងបែជាថានាងអត់សង្សារទៅវិញ ដែលការវាចាបែបនេះនាំឲ្យលោកសក្កដា គ្មានវាចាថ្លែងក្រៅពីត្រូវលេបថ្នាំជារៀងរាប់យប់ ព្រោះជំងឺវិបត្តិផ្លូវចិត្តជាបន្ដទៀត។
![](https://norkorthom.com/wp-content/uploads/2024/07/x7-13.jpg)
គួរបញ្ជាក់ថាចំណងស្នេហាពេជ្រ សោភា -ឆឹម សក្កដា ស្ថិតក្នុងតំណាក់កាលស្រពិចស្រពិលនៅឡើយ ព្រោះសូម្បីតែមុននេះលោកសក្កដា ព្រមានបញ្ចប់ជីវិតតាមរយៈការធ្វើអត្តឃាត តែសោភា បែជាថានាងមិនបានដឹងរឿងរ៉ាវទាំងនោះទេ ព្រោះនាងលេងហ្វេសបុកសម្រាប់តែទាក់ទងការងារសិល្បៈ ។អ្វីដែលកាន់តែសង្ស័យថាសោភា និងលោកសក្កដា មិនអាចបន្ដកាន់ដៃគ្នាតទៅមុខទៀតនោះគឺថ្មីៗនេះគេឃើញនាងទៅថតសំអាងការតែងខ្លួនជាកូនក្រមុំតែម្នាក់ឯងដោយគ្មានកូនកំលោះសក្កដា ថតជាមួយ ឬជូននាងទៅទេ ដែលនេះបញ្ជាក់ថាទំនាក់ទំនងរវាងនាងលោកគូដណ្ដឹងកាន់តែសោះកក្រោះឡើងៗ ព្រោះនាងធ្វើអ្វីក៍តាមចិត្តអត់ពាក់ព័ន្ធលោកសក្កដា ទៀតឡើយ ។Fan ជាច្រើនបារម្ភខ្លាចសោភា បរាជ័យស្នេហាជាលើកទី៣ ព្រោះការផ្ដាច់ពាក្យពីអតីតគូដណ្ដឹងអាណិកជនខ្មែរនៅអាមេរិក និងលែងប្ដីលោកឡៅ ឆលី ទាហានអាកាសអាមេរិកកាលពីឆ្នាំ២០១៦ ធ្វើឲ្យនាងព្យាយាមមិនចង់ដើរជាន់ដានស្នេហ៍ចាស់ជាថ្មីម្ដងទៀតឡើយ ។
![](https://norkorthom.com/wp-content/uploads/2024/07/x8-12.jpg)
គេកត់សម្គាល់ថាពេជ្រ សោភា ជាអ្នកមេម៉ាយទ្រព្យស្ដុកម្នាក់ដែលមានទ្រព្យដោយសម្ងាត់ ព្រោះនាងមិនចេះអួតអាងឬសម្ញែងលុយឲ្យគេដឹងដូចគេទេ ហើយតាមអ្នកស្និតនាងបង្ហើបថាតារាហង្សមាសរូបនេះមានផ្ទះ២ទៅ៣កន្លែងផ្សេងគ្នា ព្រមទាំងមានរថយន្ដទំនើបៗជាច្រើនគ្រឿងជិះឆ្លាស់គ្នាទៀតផង ។ម្យាងទោះជាឆ្នាំនេះនាងមានវ័យ៤១ឆ្នាំទៅហើយក្ដី តែសោភា នៅរក្សារូបសម្រស់បានក្មេងជាងវ័យ ហេតុនេះហើយបើលោកសក្កដា នៅតែពូកែផ្លែផ្កាឲ្យនាងបែបនេះទៀតនោះនាងកាន់តែស្អិតល្មូតជាមួយលោកសុវណ្ណារាជ រឹតតែខ្លាំងជាងនេះជាមិនខាន ដែលពេលនោះលោកដា ចូលចិត្តតែញោះសង្សារឲ្យក្ដៅនោះអាចនឹងដេកលែងលក់ជាងពេលនេះទៅទៀត ។
![](https://norkorthom.com/wp-content/uploads/2024/07/x6-13.jpg)
ពេជ្រ សោភា បានប្រើជីវិតជាស្រ្ដីមេម៉ាយអស់រយៈពេល៩ឆ្នាំមកហើយ និងពេលនេះនាងកំពុងទប់ទល់ជំងឺឈាមស ស៊ីឈាមក្រហម តាមរយៈការលេបថ្នាំជាប្រចាំ ហើយបន្ដនៅឡើងច្រៀងសម្ដែងតាមឆាកជាធម្មតា បើទោះជាពេលខ្លះសុខភាពនាងមិនអំណោយផលក្ដី ។សកម្មភាពរបស់សោភា បែបនេះគឺដូចគ្នាទៅនិងនាងវី ឌីណែត ដែលមានជំងឺពកក ត្រូវលេបថ្នាំអស់១ជីវិត និងនាងសួស វីសា មានជំងឺរលាកបំពង់កកម្រិតធ្ងន់ ទើបបានធូស្រាលបន្ដិចឡើងច្រៀងទាំងឈឺ ដែរ ។ប៉ុន្ដែសោភា វិញនាងនៅតែតាំងចិត្តថារឿងស្នេហាជាជម្រើសទី២ ការងារ និងគ្រួសារជាជម្រើសទី១ ហេតុនេះហើយបានជាធ្វើឲ្យគូដណ្ដឹងនាងលោកសក្កដា មិនសប្បាយចិត្ដ ព្រោះលោកធ្លាប់រំអុកនាងរៀបការជាច្រើនលើកច្រើនសារ មកហើយ តែសោភា នៅតែធ្វើព្រងើយកន្ដើយនិងប្រាប់អ្នកយកព័តមានថាពេលគិតដល់រឿងរៀបការជាមួយលោកសក្កដា នាងបែជាភ័យ ទៅវិញ ៕
![](https://norkorthom.com/wp-content/uploads/2024/07/x5-15.jpg)
![](https://norkorthom.com/wp-content/uploads/2024/07/x4-23.jpg)
![](https://norkorthom.com/wp-content/uploads/2024/07/x3-22.jpg)