ភ្នំពេញ៖តារាសម្ដែងនៅ សុនិតា ដែលមានតួនាទីជាប្រធានផ្នែកពិធីការរបស់សមាគមសិល្បករខ្មែរអាណត្តិទី៦ នោះកាលពីថ្ងៃទី១៦ ខែកក្កដា នៅលើផេករបស់សមាគមមួយនេះបានប្រកាសជាផ្លូវការថាសុនិតា ត្រូវបានតែង តាំងនូវមុខតំណែងថ្មីមួយទៀតនោះគឺជាអនុប្រធានសមាគមសិល្បករខ្មែរ និងជាតំណាងរបស់លោកជំទាវអ្នកឧកញ៉ាម៉ៅ ចំណាន ប្រធានសមាគមសិល្បករខ្មែរ ផងដែរ ។តាមរយៈសេចក្ដីប្រកាសនេះបញ្ជាក់ថាសុនិតា ត្រូវបានផ្ដល់ទំនុកចិត្តបន្ថែមពីអ្នកឧកញ៉ាម៉ៅ ចំណាន ហើយពេលនេះនាងបានដើរតួនាទីជំនួសប្រធានសមា គមតាមវេទិការផ្សេងៗ នៅពេលដែលប្រធានសមាគមសិល្បករខ្មែរ ជាប់រវល់។សេចក្ដីប្រកាសរបស់សមាគមក៍បានហៅអ្នកនាងនៅ សុនិតា ថាជា”ជំទាវ”ផងដែរ ដែលធ្វើឲ្យឥទ្ធិពលរបស់នាងកាន់តែមានទម្ងន់ ខណៈដែលតារាប្រុសស្រីខ្លះមានអាយុបង ខ្លះប្អូននាងក៍បានគោរពទៅតាមតួនាទីរបស់នាងហើយហៅតារាកូន១រូបនេះថាជាជំទាវៗសឹងទាំងអស់គ្នា ។ដោយឡែកស្វាមីរបស់នៅ សុនិតា លោកទឹត ថាវរិទ្ធ បច្ចុប្បន្នមានតួនាទីជារដ្ឋ លេខាធិការក្រសួងវប្បធ័ម និងវិចិត្រសិល្បៈ ដែលបង្ហាញថាទាំងរូបនាងនិងស្វាមីមានឥទ្ធិពលលើអ្នកសិល្បៈដូចគ្នា ទើបនាំឲ្យតារាៗគោរពទាំងនាងផង ប្ដីនាងផង។
![](https://norkorthom.com/wp-content/uploads/2024/07/x1-34.jpg)
![](https://norkorthom.com/wp-content/uploads/2024/07/x2-28.jpg)
សូមបញ្ជាក់ថានៅ សុនិតា បានដកខ្លួនពីអាជីពសម្ដែងតាំងពីនាងសាងស្នេហាជាមួយលោកទឹត ថាវរិទ្ធ កាលពីឆ្នាំ២០១៧និងមានព័តមានថានាងបានភ្ជាប់ពាក្យជាមួយមន្រ្ដីធំរូបនេះកាលពីថ្ងៃទី៥ ខែកញ្ញា ឆ្នាំ២០១៨ ស្រប ពេលដែលនៅថ្ងៃទី២០ ខែកក្កដា ឆ្នាំ២០១៩ នាងសម្រាលបានកូនប្រុស១ ។ប៉ុន្ដែនៅឆ្នាំ២០២២ មានព័តមានថាស្នេហាសុនិតា និងលោកថាវរិទ្ធ បានឈានដល់តំណាក់កាលរង្គោះរង្គើរ ហើយនិតា បានវិលមកធ្វើMC តាមកម្មវិធីមួយចំនួនជាមួយលោកប៉ែន ចំរ៉ុង ទៀតផង ។តែស្នេហាសុនិតា និងលោកថាវរិទ្ធ បានវិលមករកភាពផ្អែមវិញកាលពីខែឧសភា ឆ្នាំ២០២៣ ហើយមានដំណឹងថានាងចង់បានកូនភ្លោះទៀតផង ខណៈដែលនៅថ្ងៃខួបកំ ណើតគម្រប់៣៤ឆ្នាំ កាលពីថ្ងៃទី៣០ ខែមិថុនា នោះសុនិតា ក៍ទទួលបានសារជូនពរជូនពរច្រើនជាងគេនោះគឺមិត្តភក្ដិចង់ឲ្យនាងសម្រេចបានការពពោះកូនម្ដងពីរនេះ ច្រើនជាងសារផ្សេងទៀត ។ចំណែកដំណឹងសុនិតា គ្រោងគ្រងឈុតកូនក្រមុំកូន១ ឲ្យពិតប្រាកដពេលណាជាក់លាក់នោះគឺនៅតែស្ងាត់សូន្យឈឹងជាបន្ដទៀត។
![](https://norkorthom.com/wp-content/uploads/2024/07/x3-26.jpg)
![](https://norkorthom.com/wp-content/uploads/2024/07/x8-15.jpg)
យ៉ាងណាជុំវិញការមានតួនាទីដល់ទៅ២របស់នៅ សុនិតា នៅសមាគមសិល្បករខ្មែរអាណត្តិថ្មីគឺជាអនុប្រធាន និងជាប្រធានសមាគមសិល្បករខ្មែរអាណត្តិទី៦ នេះ តារាខ្លះថានោះគឺជាឥទ្ធិពលរបស់ស្វាមីនាងដែលលោកទឹត ថាវរិទ្ធ ចង់ឲ្យភរិយាលោកមានតួនាទីសំខាន់នៅសមាគមមួយនេះ តែខ្លះទៀតថាមកពីលោកជំទាវអ្នកឧកញ៉ា ម៉ៅ ចំណាន ពេញចិត្តនូវសម្ថភាពរបស់នាងដែលអាចធ្វើកិច្ចការងារមួយចំនួនជំនួសនាងបានទើបភរិយាមហាសេដ្ឋីឧកញ៉ាគិត ម៉េង រូបនេះមិនស្ទាក់ស្ទើក្នុងការប្រើប្រាស់នាងរ៉ាប់រងជំនួសកិច្ចការលោកស្រីពេលដែលលោកជំទាវមានការរវល់។តែគេមិនឃើញបេក្ខភាព២រូបផ្សេងទៀតក្នុងតំណែងប្រធានសមាគមសិល្បករខ្មែរ អាណត្តិទី៦ ដែលមិនបានជាប់គឺលោកគួច ខេវិន លោកនិងលោកផាត់ តារារ័ត្ន ត្រូវបានតែងតាំងជាតួនាទីអ្វីសំខាន់ក្នុងរចនាសម្ព័ន្ធថ្មីដែលដឹកនាំដោយលោកជំទាវអ្នកឧកញ៉ាម៉ៅ ចំណាន នោះទេ ហើយបើអាណត្តិនេះនៅ សុនិតា ជាអនុប្រធាន អីចឹងនៅឆ្នាំ២០២៩ សម្រាប់ការបោះឆ្នោតប្រធានសិល្បករខ្មែរអាណត្តិទី៧ នោះសុនិតា អាចឈរឈ្មោះក៍ថាបានដែរ ។
![](https://norkorthom.com/wp-content/uploads/2024/07/q15-1024x771.jpg)
![](https://norkorthom.com/wp-content/uploads/2024/07/q13-2.jpg)
គួរកត់សម្គាល់ថានៅ សុនិតា ក្រោយពីភ្ជាប់ស្នេហ៍ជាមួយលោកទឹត ថាវរិទ្ធ ជាង៧ឆ្នាំនេះនាងរស់នៅផ្ទះវីឡារ យ៉ាប្រណិត នៅបុរីប៉េង ហួត (បឹងស្នោរ) និងជិះរថយន្ដទំនើបៗដូចជាRange Rover ,Alphard និងFord Raptor ជាដើម ។សុនិតា ស្ថិតក្នុងចំណោមតារាដែលទើបក្លាយទៅជាជំទាវដូចជាអ្នកនាងចន ចន័្ទលក្ខិណា ,ស៊ឹម សូលិកា ,ផាន់ ម៉ូនីកា និងហង្ស ម៉ារីនី ជាដើម ។
![](https://norkorthom.com/wp-content/uploads/2024/07/q14-1-1024x682.jpg)
មហាជនចាំមើលថាតើនៅ សុនិតា ចង់យកកកូនភ្លោះ ឬរៀបការ មុន ?
![](https://norkorthom.com/wp-content/uploads/2024/07/q5-3-1024x682.jpg)
![](https://norkorthom.com/wp-content/uploads/2024/07/x7-16.jpg)