ភ្នំពេញ៖តារាសម្ដែងណាវ៉ាត់ត្រា បានឲ្យដឹងថាបទចម្រៀង”ក្រធ្វើអ្វីក៍ខុស “ដែលច្រៀងដោយតារាថោន លោកសិទ្ធិ ធ្វើឲ្យលោកស្រក់ទឹកភ្នែកដោយមិនដឹងខ្លួន ព្រោះតែចម្រៀងមួយបទនេះត្រូវនិងជីវិតពិតរបស់លោកចុងក្រោយដែលធ្លាក់ខ្លួនហើយត្រូវមនុស្សខ្លះមើលងាយលោក។ជាមួយគ្នានេះដែរលោកណាវ៉ាត់ត្រា ដែលសម្ដែងជាតួឯកMV បទនេះក៍បានអរគុណទៅដល់អ្នកដឹកនាំសម្ដែងលោកយ៉ាត់ ជាតិ និងក្រុមការងារថោន ដែលតែងតែផ្ដល់ឱកាសឲ្យលោកបានថតMV បទថ្មីៗ រួមទាំងទស្សនិកជនទាំងអស់ដែលគាំទ្រ បទនេះទើបធ្វើឲ្យត្រឹមតែ២ថ្ងៃសោះមានViews ដល់ទៅជាង1M ។
![](https://norkorthom.com/wp-content/uploads/2024/07/z30.jpg)
![](https://norkorthom.com/wp-content/uploads/2024/07/z11.jpg)
លោកណាវ៉ាត់ត្រា តាំងចិត្តថាលោកនឹងបន្ដក្តីស្រម៉ៃក្នុងអាជីពសិល្បៈតទៅទៀត ហើយលោកក៍មិនភ្លេចអរ គុណដល់ដល់មេនិងក្រុមការងារលោកនៅកន្លែងធ្វើការក្រៅពីសិល្បៈនោះគឺGold Palace KTV ដែលលោកបានបម្រើការងារជាមេការខារ៉ាអូខេនៅទីនោះរយៈពេល១ឆ្នាំកន្លះមកហើយ។
![](https://norkorthom.com/wp-content/uploads/2024/07/c1-86.jpg)
លោកយ៉ាត់ ជាតិ អ្នកដឹកនាំសម្ដែងបទ”ក្រធ្វើអ្វីក៍ខុស “
លោកណាវ៉ាត់ត្រា ថ្លែងថា”ជីវិតពិតខ្ញុំគ្មានឪពុក មានតែម្ដាយ និងជីវិតក្រខ្សត់ត្រូវគេមើលងាយ ប្រឹងប្រែងរៀនចប់បានធ្វើការងារល្អទើបមានគេស្គាល់។ប៉ុន្ដែ៣ឆ្នាំចុងក្រោយនេះ ខ្ញុំធ្លាក់ខ្លួនភាពរើសអើងកើតមានម្ដងទៀត តែខ្ញុំមិនតូចចិត្តនិងវាសនាទេ មានតែប្រឹងញញឹមតទៅទៀត ។ខ្ញុំអរគុណអ្នកដឹកនាំផលិតកម្មថោន ដែលតែងតែផ្ដល់ឱកាសឲ្យខ្ញុំថតMV បទថ្មីៗ រួមទាំងក្រុមការងារនិងមេខ្ញុំនៅGold Palace Ktv “។
![](https://norkorthom.com/wp-content/uploads/2024/07/c4-37.jpg)
![](https://norkorthom.com/wp-content/uploads/2024/07/c9-4.jpg)
តាមព័តមានថាលោកណាវ៉ាត់ត្រា ត្រូវគេមើលស្រាលថាលោកមានរូបរាងនិងសម្ថភាពប៉ុណ្ណឹងដែរ តែបែជាមកធ្វើជាមេការខារ៉ាអូខេទៅវិញ ។ប៉ុន្ដែលោកថាការងារអ្វីក៍ថ្លៃថ្នូរដែរឲ្យតែស្របច្បាប់ ហើយលោកពេញចិត្តព្រោះការងារនេះជួយសម្រួលដល់ជីវភាពលោកបានមួយកម្រិត និងធ្វើឲ្យលោកបានជួបមនុស្សល្អៗច្រើនជាងអ្នកចាំ តែមើលស្រាលលើលោក។
![](https://norkorthom.com/wp-content/uploads/2024/07/c5-26.jpg)
![](https://norkorthom.com/wp-content/uploads/2024/07/c6-21.jpg)
គួររំលឹកថាលោកណាវ៉ាត់ត្រា បានរៀនចប់ថ្នាក់បរិញ្ញប័ត្រផ្នែកធនាគារ និងបានធ្វើការនៅធនាគារអេស៊ីលីដា នៅខេត្តមួយ ក្នុងតួនាទីជាជំនួយការបំរើរអតិថិជននៅឆ្នាំ២០១២។នៅឆ្នាំ២០១៥ លោកធ្វើជាភ្នាក់ងារឥណទាន និងបានឈប់នៅចុងឆ្នាំ២០១៩ ។លោកមានប្រវតិ្តកម្សត់ព្រោះបែកឪពុកតាំងពីនៅតូច ហើយថែមទាំងធ្លាប់ទួលនំលក់នៅតាមបេនឡានទៀតផង ទើបពេលMV បទ”ក្រធ្វើអ្វីក៍ខុស “ចេញ លោកស្រក់ទឹកផ្នែកព្រោះបទនេះត្រូវជីវិតពិតរបស់លោកនៅក្រៅឆាកច្រើន។លោកណាវ៉ាត់ត្រា ថានៅឆ្នាំ២០២៤ នេះលោកមានសកម្មភាពសិល្បៈច្រើនជាងឆ្នាំមុនៗទាំងការថតរឿងអប់រំខ្លីៗ ,MV , និងស្ពត ជាដើម ៕
![](https://norkorthom.com/wp-content/uploads/2024/07/c3-56.jpg)
![](https://norkorthom.com/wp-content/uploads/2024/07/c8-9.jpg)
![](https://norkorthom.com/wp-content/uploads/2024/07/c7-19.jpg)
![](https://norkorthom.com/wp-content/uploads/2024/07/c2-70.jpg)