ភ្នំពេញ៖ស្រីស្រស់ហ្វា ហ្វា បានក្លាយជាថៅកែហាង”តៀមណងហ្វា “ដែលលក់គុយទាវទឹកខ្មៅ ហ៊ុនគ្នាជាមួយប្រុសសង្ហារម្នាក់កាលពីចុងឆ្នាំ២០២៣ តែនាងមិនប្រាប់ថាចំណាយទុនអស់ប្រាក់ប៉ុន្មានទេ ។ប៉ុន្ដែនៅឆ្នាំ២០២៤ នេះហ្វា ហ្វា បានបិទហាងសាខាដើមរបស់ខ្លួននៅក្បែផ្សារទួលទំពួង មួយនេះទៅវិញ បន្ទាប់ពីនាងមានភាពចម្រូងចម្រាសជាមួយអ្នកលេងហ្វេសបុកម្នាក់យ៉ាងក្ដៅគគុកដោយស្រ្ដីរូបនោះចោទជាសំណួរទៅស្រីយី ថាតើនាងលក់គុយទាវទឹកខ្មៅមែន ឬលក់ដោះ បន្ទាប់ពីស្រីយី ថតឃោសនាឲ្យហាងខ្លួនឯងតាមរយៈការស្លៀកពាក់ស៊ិចស៊ី បញ្ចេញគល់សុដន់យ៉ាងទ្រលុកទ្រលន់។
អ្នកយកព័តមានយើងព្យាយាមទាក់ទងទៅហ្វា ហ្វា ហៅស្រីយី តាមទូរស័ព្ទតែតេមិនចូល ខណៈដែលឆាតតាមហ្វេសបុកនាងមិនទាន់ឆ្លើយតបជាច្រើនថ្ងៃមកហើយ។យ៉ាងណាហាងរបស់ស្រីយី កន្លងមកធ្លាប់មានតារារួមអាជីពនិងFan របស់នាងទៅភ្លក្សរសជាតិគុយទាវទឹកខ្មៅនោះជាបន្ដបន្ទាប់ ប៉ុន្ដែតាមព័តមានថាការចំណាយទៅលើផ្ទះជួល និងបុគ្គលិក ហើយលក់ដាច់ដោយថ្ងៃនោះនាំឲ្យស្រីយី ពិបាកទប់ទល់និងសេដ្ឋកិច្ចនាពេលបច្ចុប្បន្ន។តារាជាច្រើនបានលើកទឹកចិត្តនិងសរសើរតារាស៊ិចស៊ីរូបនេះថានាងមានគំនិតរកស៊ី បង្កើតមុខរបរក្រៅសិល្បៈ មិនយកលុយទៅលេងម៉ូដឡាន ព្រោះនាងដឹងថាអាជីពសិល្បៈគ្មានអ្វីថិតថេឡើយ ។ប៉ុន្ដែអ្នកខ្លះថាហ្វា ហ្វា អាចមានគូស្នេហ៍នៅក្រោយខ្នងចាំជ្រោមជ្រែង ហេតុនេះទោះជាខាតដុល្លារប៉ុន្មានក៍នាងមិនប្រឈមវិបត្តិសេដ្ឋកិច្ចឡើយ ។
ហ្វា ហ្វា នៅតែមានសកម្មភាពសិល្បៈតាមរយៈការធ្វើជាBA ឲ្យក្រុមហ៊ុនឡេមួយចំនួន ប៉ុន្ដែតាំងពីនាងចែកផ្លូវជាមួយនាយចឺម កាលពីដើមឆ្នាំ២០២២ នោះពេលនេះតារាលេងសម្រស់ដើមទ្រូងមិនដែលបង្ហាញស្នេហ៍ថ្មីជាសាធារណៈនោះទេ ខណៈដែលស្នេហាតាមOnline មួយប្រាវរបស់នាងជាមួយទាហានអាមេរិកលោកSanan Sithadin ត្រូវប្រេះឆាកណ្ដាលទី បន្ទាប់ពីស្រីយី ហ៊ានលេងរឿង”ស្នេហ៍ ល្ងង់ + ល្ងង់ “ដែលលេងឈុតស្នេហាស្រើបស្រាលកាលពីចុងឆ្នាំ២០២២ នាំឲ្យលោកSithadin ឆេះដុំ រហូតលុបចោលគម្រោងលោកចុះមកជួបនាងនៅខែ៤ ឆ្នាំ២០២៣ ។តែហ្វា ហ្វា ដែលរងបរាជ័យស្នេហា២លើកស្ទួនៗគ្នានោះនាងមិនដែលបង្ហាញទុក្ខសោករឿងបែកបាក់ស្នេហាទេ ហើយរយៈពេលចុងក្រោយនេះនាងលេងខ្លួនស៊ិចស៊ីកាន់តែខ្លាំងបន្ទាប់ពីបានវះកាត់កែពង្រីកសុដន់ និងធ្វើច្រមុះ ខណៈដែលកាលពីថ្ងៃទី២៦ កក្កដា ស្រីយី បានទៅកែសម្រស់ថែមដោយចាក់ថ្នាំសម្លប់នៅគ្លីនិកមួយអស់រយៈពេលដល់ទៅ៣ម៉ោងឯណ្ណោះ តែនាងមិនប្រាប់ទេថាកែពង្រីកសុដន់ឲ្យកាន់តែរីកធំថែមទៀត ឬធ្វើកន្លែងផ្សេងនោះទេ ប៉ុន្ដែនាងនិយាយខ្លីថា”ត្រូវតែស្អាតគ្រប់ពេលវេលា “។
សូមបញ្ជាក់ថាហ្វា ហ្វា ស្ថិតក្នុងចំណោមតារាស៊ិចស៊ីនៅឆ្នាំ២០២៤ មានដូចជានាងសេង សុខឃីម និងអៀ ម៉េងលិ ហៅអូនម៉ី ជាដើម ។ស្រីយី ដែលរងការរិះគន់ខ្លាំងពេលលេងឈុតក្ដៅសាច់ជាមួយលោកឡៅ បញ្ញា នោះពេលនេះនាងបន្ធូដៃបន្ដិចក្នុងការលេងឈុតរបូតអាវ តែផលិតករភាគច្រើននៅតែមិនអាចមើលរំលងនាងបានឡើយ ព្រោះថាហ្វា ហ្វា សាកសមជាងគេក្នុងការលេងឈុតស្រើបសា្រលទាំងនោះ បន្ទាប់ពីអតីតតារាស៊ិចស៊ីមានដូចជានាងវ៉ាង ស្រីណូ ,សាន សុម៉ាលី ,ពេជ្រ អាវីហ្សា និងបេនីយាំង ជាដើមបានចូលនិវត្តន៍អស់។
ហ្វា ហ្វា ធ្លាប់និយាយថានាងទទួលយកការិះគន់ ដើម្បីស្ថាបនា ប៉ុន្ដែនាងសំណូមពរយ៉ាងទទូចថាសូមឲ្យអ្នកមិនពេញចិត្តស្នាដៃនាងកន្លងមកទៅមើលរឿងនោះឲ្យចប់សិនចាំវាយតម្លៃតាមក្រោយ ។ចំណែកអ្នកដឹកនាំរឿងថាស្រីយី មិនមែនស៊ីតែរឿងស៊ិចស៊ីនោះទេ តែនាងអាចលេងតួកម្សត់ ស្លូតក៍បានហេតុនេះហើយបានជាពួកគេនៅតែបន្ដហៅនាងថតរឿងថ្មីៗជាបន្ដបន្ទាប់ ។
ហ្វា ហ្វា បានប្ដូរមកជារាប់អាននាយចឺម ជាធម្មតា បើទោះជាពួកគេចែកផ្លូវគ្នាកណ្ដាលទី ធ្វើឲ្យបរាជ័យគម្រោងរៀបការក្ដី ។តារាចូលចិត្តកែសម្រស់រូបនេះមានទាំងប្រុសចាស់និងក្មេងតាមស្នេហារហូតមានអាណិកជនខ្មែរនៅក្រៅស្រុកខ្លះចង់ធានាយកនាងទៅចិញ្ចឹមដោយមិនចាំបាច់ឲ្យធ្វើការងារសិល្បៈទៀតផង ។ប៉ុន្ដែអតីតសង្សារនាយចឺម រូបនេះជឿរថាស្នេហាគឺជារឿងនិស្ស័យ ទើបមនុស្ស២នាក់ស្គាល់គ្នា ស្រលាញ់គ្នាទៅរួច ហើយសម្រាប់នាងអត់ត្រូវការមនុស្សប្រុសណាល្អឥតខ្ចោះទេ គឺចង់បានតែបុរសម្នាក់ចេះយល់ចិត្តនាង នោះអាចរស់នៅជាមួយគ្នាបានហើយ ៕
