ភ្នំពេញ៖តារាសម្លេងតូចស្រាលដូចកូនក្មេងនាងមាន សូនីតា បង្ហាញអារម្មណ៍ច្របូកច្របល់នារយៈពេលចុងក្រោយនេះដែលមើលទៅនាងហាក់ចង់បានគូស្នេហ៍ដូចគេដែរ ប៉ុន្ដែជាក់ស្ដែងនាងបែជាមិនហ៊ានបណ្ដើរ ម្ចាស់ស្នេហាទៅវិញ បើទោះជាថាលែងចង់ទៅណាម្នាក់ឯង ចង់ទៅទាំងគូក្ដី ។ការទម្លាយចង់មានស្នេហារបស់សូនីតា នេះក៍ត្រូវបានអ្នកលេងបណ្ដាញសង្គមព្រមាននាងដែរ ថា”ប្រយ័ត្នប៉ះប្រុសបោក”ដែលនេះជាការដាស់តឿនដល់នាងក្នុងពេលដែលស្រីស្រស់កុំពុងតែតុកស៊ិកចង់មានស្នេហានេះ។
មាន សូនីតា ថ្លែងសារប្លែកៗដូចជាថា”ចង់ស្គាល់រសជាតិស្នេហ៍ “,”ចង់មានអ្នកនាំដើរលេង លែងចង់Solo ទៀតហើយ “,”ចង់មានអ្នកGood Night “…។
តាមរយៈសារទាំងនេះFan មាន សូនីតា ភាគច្រើនចង់ឲ្យនាងសាកល្បងទៅណាទាំងគូដូចគេទៅ កុំនៅរារែកចិត្តដល់ណាទៀត ប៉ុន្ដែសូនីតា បានគ្រាន់តែ”ចង់ “ប៉ុណ្ណោះ ពោលគឺមិនហ៊ានធ្វើតាមក្ដីស្រម៉ៃរបស់ខ្លួនឡើយ ។
ទោះជាមាន សូនីតា បង្ហាញអារម្មណ៍ឯកោបែបនេះក្ដី ប៉ុន្ដែទាំងនេះអាចគ្រាន់តែនាងចង់Drama ប៉ុណ្ណោះ ព្រោះក្នុងជំនួបជាមួយអ្នកយកព័តមានយើងកន្លងមកនាងធ្លាប់ប្រាប់ថាមានម្ចាស់ចិត្តហើយ ប៉ុន្ដែស្នេហារបស់នាងស្ថិតក្នុងតំណាក់កាលនៅស្វែងយល់ចិត្តគ្នា មិនទាន់អាចកំណត់ពីពេលវេលារៀបការនៅពេលណាបានទេ ។សូនីតា ក៍មិនបង្ហើបថាម្ចាស់ស្នេហារបស់នាងជាអ្នកណាដែរ ខណៈដែលជិត១០ឆ្នាំមកនេះមានដំណឹងថាមន្រ្ដីគយវ័យចំណាស់ម្នាក់បានតាមស្នេហានាងយ៉ាងប្រកិតបំផុត រហូតលោកហ៊ានផ្គាប់ចិត្តដល់ស្រីស្អាតគ្រប់បែបយ៉ាងឲ្យតែនាងព្រមប្រគល់ប្រាណទៀតផង ។តែបុរសដែលសូនីតា ទុកចិត្តជាងគេហើយហ៊ានទៅដើរលេងនៅក្រៅស្រុកតែ២នាក់ ផឹកតែសាសងគ្នាមើលថ្ងៃរះដូចគូស្នេហានោះគឺមានតែលោកម៉ានិត ម្នាក់ប៉ុណ្ណោះ បើទោះជាអតីតតារាចម្រៀងហង្សមាសរូបនោះបានប្រកាសថាចាត់ទុកនាងដូចជាបងស្រីក៍ដោយ ។
មានសូនីតា ត្រូវបានគេចាត់ទុកថានាងហ៊ឺហាមិនចាញ់កូនសេដ្ឋនីនោះទេ ព្រោះដើរកម្សាន្ដ ចាយលុយ នៅទ្វីពអាស៊ី និងអ៊ឺរ៉ុប ដោយជិះយន្ដហោះកៅអីសុទ្ធតែលំដាប់Business Class ទៀតផង បើទោះជាយូៗគេឃើញនាងចេញថតរឿងមួយៗក្ដី ។ចំណុចទាំងនេះហើយដែលធ្វើឲ្យសូនីតា ត្រូវគេសង្ស័យថានាងមានគូស្នេហ៍នៅក្រោយខ្នងជ្រោមជ្រែង តែស្រីស្អាតបែជាថ្ងូរអត់ដៃគូនាំដើរលេងដូចគេទៅវិញ ខណៈដែលសព្វថ្ងៃនាងមានផ្ទះវីឡារ និងជិះរថយន្ដទំនើបៗ រួមទាំងមានហាង៣តំណើរការតំណាលគ្នាគឺហាងក្រម៉ា ,ហាងកាត់ដេរ និងហាងកាហ្វេ “ណ” ។សូនីតា ថាអាជីវកម្មរបស់នាងខាងលើនេះនៅតែតំណើរការជាធម្មតា បើទោះជាបច្ចុប្បន្នសេដ្ឋកិច្ចមិនសូវល្អ និងនៅលើបណ្ដាញសង្គមគេឃើញនាងថាចង់ទៅលេងកាណាដា ។
សូមបញ្ជាក់ថានៅឆ្នាំ២០២៤ នេះតារាដែលធ្លាប់លាក់លៀមរឿងស្នេហាបានងាកមកបង្ហាញម្ចាស់ស្នេហ៍ជាចំហជាបន្ដបន្ទាប់ ព្រោះតែពួកគេដល់វ័យត្រូវរៀបការ និងយកកូន លែងអាចលាក់លៀមបានតទៅទៀត ។ប៉ុន្ដែក្រៅពីសូនីតា តារាដែលនៅតែលាក់មុខប្រុសស្នេហ៍មានដូចជាសុខ ពិសី ,សុខ សោម៉ាវត្តី ,កែវ និសា ,យូរី,ថន លក្ខិណា ,តន់ ច័ន្ទសីម៉ា ,រ៉េត ស៊ូហ្សាណា និងវី ឌីណែត ជាដើម ។ចំពោះសូនីតា វិញបើនាងព្រមបណ្ដើរគូស្នេហ៍ជាសាធារណៈដូចគេមែន នោះដំណឹងថានាងមានស្រីភេទតាមស្នេហាច្រើនជាងប្រុសអាចនឹងចាប់ផ្ដើមកាត់បន្ថយបានខ្លះៗជាមិនខាន ៕
