ភ្នំពេញ៖ក្នុងអាជីពចម្រៀង តារាល្បី ឬមិនល្បីដោយសារតែសម្លេងជាគោលសំខាន់ជាងគេ ប៉ុន្ដែទន្ទឹមនិងនោះកាយវិការ អត្តចរិត និងក្រមសីលធ័មជាមួយរៀមច្បង និងមហាជនរឹតតែមិនអាចខ្វះបានឡើយ ។យ៉ាងណាសម្រាប់ឆ្នាំ២០២៤ នេះគេឃើញតារា៦ដួង ដែលមានសម្រស់ទាក់ទាញជាងទឹកដមសម្លេងរបស់ពួកគេទៅទៀត ធ្វើឲ្យម្នាក់ៗមានFan តាមហែហមមិនចាញ់តារាលំដាប់ជូរមុខទេ ។
១៖រ៉េត ស៊ូហ្សាណាៈតារាមានត្រេមុខស្រដៀងកូនកាត់ជប៉ុនរូបនេះ ធ្លាប់ត្រូវបានគេរិះគន់ថានាងច្រៀងមិនកើត តែបានសម្រស់យោង។ប៉ុន្ដែក្រោយស៊ូហ្សាណា ចេញបទ”ឈប់
“និង”សង្ស័យ “ ធ្វើឲ្យអ្នកធ្លាប់មិនចេះស្ដាប់បទនាងនៅស្ងៀមវិញ ព្រោះថាហ្សាណា មានសម្លេងម្យាងដែលសាកសមជាតារាចម្រៀងម្នាក់។សម្លេងមធ្យម រួមទាំងរូបសម្រស់គួរឲ្យបេតីនោះនៅទីបំផុតហ្សាណា បានក្លាយជាតារាវ័យក្មេងតែម្នាក់នៅហង្សមាស
ដែលលេចធ្លោជាងគេហើយមានទីផ្សារទាំងចម្រៀងនិងស្ពត។ប៉ុន្ដែគួរឲ្យស្ដាយដៃគូសំខាន់របស់នាងគឺសុវត្ថិ មុនីនាគ កូនប្រុសទី២របស់លោកព្រាប សុវត្ថិ លែងស្និតស្នេហ៍នាងដូចមុនទៀតហើយ បន្ទាប់ពីលោកស្រីឡុង ស្រីមុំ បានប្រកាសកាលពីឆ្នាំ២០២២ ថាកូនប្រុសគាត់គ្មានទំនាក់ទំនងស្នេហាជាមួយហ្សាណា ទេ ។
២៖SK ៖ម្ចាស់បទ”សំខាន់ច្រើននាក់” និង”រក្សាគម្លាត “របស់ផលិតកម្មGenMusix រូបនេះ ក៍មានសម្លេងមធ្យមដែរ ប៉ុន្ដែសម្រស់របស់នាងពិតជាគួរឲ្យបេរី និងការតុបតែងខ្លួនពេលខ្លះស្រដៀងតារាកំពូលសម្រស់របស់កូរ៉េនាងJISOO សមាជិកក្រុមចម្រៀងBlackpink ។តែSk ដែលមានឈ្មោះដើមថាអៀង នោះត្រូវបានដៃគូចម្រៀងរបស់នាងលោកStep ប្រកាសសារភាពស្នេហានៅលើឆាកតន្រ្ដីទៅហើយ ហេតុនេះបុរសទាំងឡាយដែលលង់សម្រស់នាងជាងសម្លេងនោះបើចង់តាមស្នេហានាងដែរពិបាកទៅរួច ។
៣៖ពេជ្រ សូលីកាៈអតីតតារាចម្រៀងហាងបុប្ផាជាយដែន និងផលិតកម្មM រូបនេះរូបសម្រស់ក៍ទាក់ទាញជាងសម្លេងដែរ ហើយក្រោយចែកផ្លូវអតីតគូដណ្ដឹងលោកគឹម ហាន ជាង១ឆ្នាំនេះបន្សល់កូនប្រុស១នាងមិនទាន់បង្ហាញម្ចាស់ស្នេហ៍ថ្មីឲ្យប្រាកដទេ ។ពេជ្រ សូលីកា ឬគង់ ស្រីពេជ្រ មានយុវវ័យចូលចិត្តនាងច្រើនដោយសារតែពូកែតុបតែងខ្លួន ហើយក្រៅពីច្រៀងនាងក៍អាចធ្វើជាតួឯកភាពយន្ដបានដែរ ព្រោះទេពកោសល្យសម្ដែងមិនចាញ់តារាអាជីពឡើយ ។
៤៖ទេព បូព្រឹក្សៈតារាកូន១រូបនេះល្បីឈ្មោះមិនមែនដោយសារសម្លេងទេ គឺព្រោះតែក្បាច់រាំ និងការតុបតែងខ្លួនប្លែកៗ រួមទាំងរូបសម្រស់លេចធ្លោម្នាក់។បូព្រឹក្ស ហៅស្រីនិច្ច ព្យាយាមរក្សារទីផ្សារចម្រៀងរបស់ខ្លួនឲ្យលោតឡើងវិញ បន្ទាប់ពីបានដកខ្លួនជាច្រើនខែតាំងពីមុននិងក្រោយសម្រាលកូន ហើយពេលនេះនាងល្បីថែមទៀត ឬមិនអាចទៅរួចគឺស្ថិតនៅលើកណ្ដាប់ដៃរបស់លោកងួន ចាន់ដេវីត ព្រោះប្ដីនាងជាអ្នកធ្វើភ្លេង និងMelody ឲ្យនាងច្រៀង ។
៥៖យូរីៈអតីតតារាRock និងសាន់ដេរូបនេះល្បីដោយសារតែក្បាច់រាំ និងការតុបតែងខ្លួន ដូចនាងទេព បូព្រឹក្សដែរ ព្រោះសម្លេងមធ្យម ហើយក្រោយបែកលោកថៅកែជា នី ជាង២ឆ្នាំនេះយូរី តារាហង្សមាសនៅមិនទាន់បញ្ចេញម្ចាស់ស្នេហាថ្មីឲ្យគេឃើញឡើយ ។យ៉ាងណាសម្រស់ឆើតឆាយដូចយូរី មិនខ្វះប្រុសចាំត្រងស្នេហាទេ ហេតុនេះគេជឿរថានាងនឹងភ្ជាប់ស្នេហាថ្មីជាមួយប្រុសដែលមានរូបរាងសង្ហារនិងមានទ្រព្យជាងថៅកែ បន្ទាប់ពីស្រីស្រស់បានប្រេះឆាស្នេហាចំនួន៣លើកមកហើយ។
៦៖បេប៊ីៈនាងជុំ រចនាពេជ្រ ហៅបេប៊ី ខានឡើងឆាកជាង៣ឆ្នាំ ទើបតែពេលនេះវិលមកអុកឡុកកាន់ក្បាលមីក្រូសារជាថ្មី ប៉ុន្ដែមិនទាន់ជោគជ័យដូចការរំពឹងទុកនោះទេ ។បេប៊ី ក៍មានទឹកដមសម្លេងមធ្យមម្នាក់ដែរ ហើយកន្លងមកគេចាប់អារម្មណ៍ទៅលើរូបសម្រស់និងក្បាច់រាំនាងច្រើនជាងសម្លេង។អតីតតារាសម្ដែងនិងពិធីការិនីរូបនេះក្រោយចាកចេញពីថោន ពេលនេះនាងផលិតបទចម្រៀងដោយខ្លួនឯង ដែលភាគច្រើនជាបទញាក់ ខណៈដែលកន្លងមកលេចឭថានាងមានប្រុសដល់២នាក់តាមស្នេហានាងព្រមគ្នានោះគឺលោកអភិបាលខណ្ឌម្នាក់និងឧកញ៉ាម្នាក់ទៀត ។ប៉ុន្ដែទាំងបេប៊ី និងម្ដាយនាងអ្នកស្រីប៊ុន ណារី អះអាងដូចគ្នាថាអត់ដែលស្គាល់ប្រុសទាំង២រូបនោះទេ ៕
