ភ្នំពេញ៖តារាចម្រៀងលេងសម្រស់នាងSK (អៀង)របស់GenMusix ដែលគេកំពុងតែចាប់អារម្មណ៍លើរូបឆោមនាងជាងសម្លេងហើយគេព្យាករណ៍ថានាងអាចនឹងជាគូប្រជែងដ៍ស្វិតស្វាញជាមួយជាមូយស្រីស្អាតរ៉េត ស៊ូហ្សាណា របស់ហង្សមាស ព្រោះជ្រកក្រោមដំបូលតែមួយតែសម្រស់ពិបាកបែងចែក នោះស្រាប់តែកាលពីថ្ងៃទី១៥ សីហា ហ្សាណា ប្រកាសហើចោលហង្សមាសទៅរួមទ្រនុំផលិតកម្មបារមី បាត់ទៅហើយ។
មានការលើកឡើងថាថៅកែហង្សមាសអាចនឹងលើកនាងSK ឡើងទៅជំនួសនាងរ៉េត ស៊ូហ្សាណា ជាមិនខាន ព្រោះសម្លេងមធ្យមដូចគ្នា ហើយសម្រស់សង្សាររបស់លោកStep ម្នាក់នេះមិនចាញ់ហ្សាណា ឡើយ ។
កញ្ញារ៉េត ស៊ូហ្សាណា តារាចម្រៀងថ្មីរបស់ផលិតកម្មបារមី
លោករ៉េ (Mr.Ray )ជាអ្នកគ្រប់គ្រងតួ និងទីផ្សាររបស់ផលិតកម្មGenMusix ទូរស័ព្ទចូលតែគ្មានអ្នកលើកឡើយកាលពីពេលថ្មីៗនេះ ទើបមិនអាចសុំការបញ្ជាក់បានទេ ។ទោះជាយ៉ាងណាលោករ៉េ ធ្លាប់ប្រាប់ថាSK ជាតារានៅសាខាខាង GenMusix ហេតុនេះបទនាងមិនចេញនៅហង្សមាសទេ បើទោះជាផលិតកម្មតែមួយក្ដី ។មុនហ្សាណា ទៅបារមី នោះដែរលោកRay ថាលោកមិនហ៊ានថាSK និងហ្សាណា មួយណាល្អជាងគ្នាឡើយ ។
SK ទើបតែចេញបានចំនួន២បទប៉ុណ្ណោះក្នុងអាជីពនៅGenMusix គឺបទ”សំខាន់ច្រើនាក់ “និងបទ”រក្សារគម្លាត “ដែលសម្លេងរបស់នាងមធ្យម តែរូបសម្រស់ពិតជាគួរឲ្យក្នក់ក្នាញ់។ប្រភពបានឲ្យដឹងថាថៅកែហង្សមាសនឹងលើកនាងSK មួយក្រឺតទៀតដើម្បីឲ្យនាងឆាប់ល្បីឈ្មោះថែមទៀតនាដ៍ខ្លីខាងមុខនេះគឺឲ្យស្រីស្រស់រូបនេះលេងជាតួឯកភាពយន្ដ ចាប់ដៃជាមួយសង្សារនាងលោកសុខ វិបុល ហៅStep ។ដោយឡែកទាក់ទងរឿងអាជីពចម្រៀងរបស់នាងSK វិញគេជឿរថានាងទៅមុខឬថយក្រោយនោះមួយផ្នែកធំស្ថិតនៅលើកណ្ដាប់ដៃរបស់គូស្នេហ៍នាងលោកStep ព្រោះតារាតែងខ្លួនតាមតារាកូរ៉េលោកRain រូបនេះរិះរកវិធីគ្រប់បែបយ៉ាងទាំងអស់ដើម្បីឲ្យគូស្នេហ៍របស់លោកលេចធ្លោជាងនេះ។ចំណែកការប្រកាសស្នេហារបស់លោកវិបុល លើនាងSK លើឆាកតន្រ្ដីនាពេលកន្លងមកនោះគេជឿរថាវាជាយ័ន្ដការពារខ្លួនស្រីស្អាតSK ដើម្បីកុំឲ្យនាងត្រូវបានប្រុសទាំងឡាយចោមស្នេហាប្រជែងនិងលោកទៀត ។
គួរបញ្ជាក់ថានាងអៀង ហៅSK បានចូលច្រៀងឲ្យហង្សមាសដោយមិនបានឆ្លងកាត់ការប្រលងចម្រៀងកម្មវិធីធំៗរបស់ផលិតកម្មនេះដូចតារាផ្សេងៗទៀតឡើយ ហើយអ្វីដែលគួរឲ្យចាប់អារម្មណ៍នោះពេលនាងបង្ហាញខ្លួនលើកដំបូងកាលីខែកញ្ញា ឆ្នាំ២០២៣ នោះថៅកែហង្សមាសបានធ្វើពិធីសម្ពោធGenMusix ផ្គួបការចេញមុខរបស់នាងតែម្ដងបើទោះជាផលិតកម្មនេះទើបមានតារាចម្រៀង២ដួងគឺនាងSK និងលោកStep ក្ដី ។ប៉ុន្ដែគេឆ្ងល់ថាហេតុអ្វីជិត១ឆ្នាំទៅហើយ នាងSK ទើបចេញបានតែ២បទបែបនេះទៅវិញ ?ទាក់ទងរឿងនេះលោករ៉េ ធ្លាប់ប្រាប់ថាលោកសុខចិត្តផលិតបទចម្រៀងយកគុណភាព មិនមែនចង់បានបរិមាណនោះទេ ។លោកថាក្នុងពេលដ៍ខ្លីខាងមុខនេះSK នឹងចេញបទថ្មីទី៣របស់ខ្លួន ផ្គួបជាមួយការបង្ហាញខ្លួនរបស់តារាថ្មីម្នាក់ទៀតនៅផលិតកម្មនេះ ។
ក្រៅពីSK តារាដែលជ្រើសគូស្នេហ៍ជាតារាដូចគ្នាមានដូចជានាងសែម ឆវី ,ទេព បូព្រឹក្ស ,ម៉ានីកា ,ប៉ាច គីមមួយ ,គង់ ច័ន្ទស្រីមុំ និងឈិន មុន្នីនាថ ជាដើម ។
ទស្សនិកជនរងចាំមើលថាតើSK ដែលឈរនៅលេងសម្រស់ត្រដែតជាងគេនៅហង្សមាសនេះអាចនឹងទប់ទល់ទីផ្សារចម្រៀងជាមួយនាងរ៉េត ស៊ូហ្សាណា នឹងចេញបទថ្មីៗរបស់ខ្លួននៅបារមី នាពេលឆាប់ៗនេះដែរ ឬយ៉ាងណា ?
