ភ្នំពេញ៖នៅ សុនិតា បានចាប់អារម្មណ៍លើវីដេអូស្រីម្នាក់ឈ្មោះសុខ ច័ន្ទធីតា ផិតក្បត់ប្ដីឈ្មោះមឹង សឿន លួចមានសាហាយជាប្រុសកម្មករសំណង់ម្នាក់ណាត់គ្នាចូលផ្ទះសំណាក់រួមរ័កដែលធ្វើឲ្យផ្អើលពេញបណ្ដាញសង្គមកាលពីពេលថ្មីៗនេះដោយអតីតតារាសម្ដែងរូបនេះ ថ្លែងសារដោយហួសចិត្តថា”ស្រដៀងៗ” តែនាងមិនបញ្ជាក់ឲ្យច្បាស់ថាតើស្រដៀងទៅនិងបុរសណាឡើយ ។ប៉ុន្ដែសុនីតា បែជាចេញមុខសរសើរលោកសឿន ថាជាបុរសមានចិត្តធ្ងន់ម្នាក់ទៅវិញ។
នៅ សុនិតា វាចាទាក់ទងរឿងស្រីណាត់ប្រុសចូលផ្ទះសំណាក់ហើយត្រូវប្ដីតាមទាន់ តែសាហាយរត់បាត់នោះថា”សរសើរមនុស្សប្រុសអាចកាន់ទូរស័ព្ទថតប្រពន្ធបានគាត់ចិត្តធ្ងន់ហើយ មានប្លង់ជម្លៀសចេញពីបន្ទប់ទៀត ទ្វាចំហធ្លុង ស្រដៀងៗ “។
ទោះជាមានការវែកញែករឿងនៅ សុនិតា ថាស្រដៀងៗនោះនិងចង់ឲ្យនាងនិយាយឲ្យចំៗតែម្ដងទៅថាប្រុសម្នាក់ណាឲ្យប្រាកដ យ៉ាងណាក៍តារាកូន១រូបនេះមិនព្រមប្រាប់ឲ្យគេអស់ចម្ងល់ឡើយ ពោលគឺទុកឲ្យឆ្ងល់តែម្ដង ។ប៉ុន្ដែតាមប្រភពខ្លះថាសុនិតា នៅតែមានចិត្តប្រចណ្ឌប្ដីខ្លាចតែលួចមានស្រីក្មេង ព្រោះកាលពីដើមឆ្នាំ២០២២ មានព័តមានថាសុនិតា បានចែកផ្លូវគ្នាជាមួយលោកថាវរិទ្ធ នោះនាងក៍បញ្ចេញសញ្ញាហាក់ប្រចណ្ឌហួងហែងប្ដីដែរ រហូតមានដំណឹងថានាងបានចុះចេញពីផ្ទះវីឡារធំស្កឹមស្កៃនៅបុរីប៉េង ហួត បឹងស្នោរ ទៅរស់នៅផ្ទះ១ល្វែងនៅស្ពានគីឡូលេខ៩ នៅខណ្ឌជ្រោយចង្វារ សង្កាត់ព្រែកលាភ ទៀតផង ទើបពេលនោះមានការខ្សឹបខ្សៀវគ្នាថាសុនិតា របូតតំណែងជំទាវបាត់ទៅហើយ ។ប៉ុន្ដែនៅខែឧសភា ឆ្នាំ២០២៣ សុនិតា និងលោកថាវរិទ្ធ បង្ហាញស្នេហាស្អិតល្មូតដូចដើមឡើងវិញហើយនៅថ្ងៃខួបគម្រប់អាយុ៣៤ឆ្នាំ កាលពីថ្ងៃទី៣០ មិថុនា សុនិតា ថែមទាំងត្រូវបានមិត្តរួមអាជីពជម្រុញ និងជូនពរនាងឲ្យបានកូនភ្លោះទៀតផង ដើម្បីឲ្យស្វាមីកាន់តែស្រលាញ់នាងខ្លាំងថែមទៀត និងរក្សារស្នេហាឲ្យបានរឹងមាំជាងនេះ ។ប៉ុន្ដែបែជាគ្មានអ្នកណាឲ្យយោបល់នាងរឿងគួរតែអូសដៃលោកទឹត ថាវរិទ្ធ ចូលរោងការទើបស្នេហាលែងប្រឈមហានិភ័យនោះទេ ដោយម្នាក់ៗចង់ឃើញនាងពពោះម្ដងបានកូន២សំខាន់ជាងរៀបការ ។
គួរបញ្ជាក់ថានៅ សុនិតា បានឡើងឋានៈ២ព្រមគ្នានៅឆ្នាំ២០២៤ នេះគឺជាអនុប្រធានសមាគមសិល្បករខ្មែរ និងជាប្រធានផ្នែកពិធីការរបស់សមាគមសិល្បករខ្មែរ ខណៈដែលស្វាមីនាងលោកទឹត ថាវរិទ្ធ ជារដ្ឋលេខាធិការក្រសួងវប្បធ័ម និងវិចិត្រសិល្បៈ និងជាប្រធានក្រុមប្រឹក្សារបស់សមាគមសិល្បករខ្មែរ ផងដែរ ។សុនិតា ក្រោយចាប់ដៃជាមួយលោកថាវរិទ្ធ ជិត៦ឆ្នាំ និងមានកូនប្រុស១អាយុជាង៥ឆ្នាំនេះ នាងដកខ្លួនពីអាជីពសម្ដែងនិងMC ស្ទើតែទាំងស្រុងហើយឥទ្ធិពលរបស់នាងក៍មិនធម្មតាឡើយ ព្រោះទៅណាមកណាមានគេហៅនាងថា”ជំទាវ”ព្រមទាំងមានតារាខ្លះអាយុច្រើនជាងនាងគោរពនាងទៀតផង។តែតាមព័តមានថាដោយសារតែបារម្ភខ្លាចស្រីក្មេងឆក់ប្ដីទៅបាត់ ហេតុនេះសុនិតា តែងតែចាប់អារម្មណ៍ចំពោះរឿងរ៉ាវស្នេហាផិតក្បត់ដែលធ្លាយនៅលើបណ្ដាញសង្គម ដូចជាករណីនាងសុខ ច័ន្ទធីតា មានសាហាយក្បត់ប្ដីលោកមឹង សឿន បើទោះជាកាលពីថ្ងៃទី២១ សីហា នាងច័ន្ទធីតា បានសាងផ្នួសជាដូនជី លះបង់កិលេសតណ្ហាទៅហើយក្ដី ។ប្រភពបានឲ្យដឹងថាសុនិតា ថ្នមចិត្តប្ដីខ្លាំងណាស់ ដើម្បីរក្សារចំណងស្នេហាមិនឲ្យប្រេះស្រាំ ដែលខុសពីពាក្យថាយកប្ដីចាស់ ពូកែថ្នម។ប៉ុន្ដែនិតា មិនអាចទប់អារម្មណ៍បានឡើយ ប្រសិនដឹងថាប្ដីលួចស្នេហ៍ស្រីក្មេងនោះ ហេតុនេះហើយបានជាតារាជិតដិតនៅតែចង់ឃើញនាងយកកូនថែម ដើម្បីចងជើងប្ដី ។
ក្រៅពីនៅ សុនិតា តារាដែលយកស្វាមីជាបុរសវ័យចំណាស់ឆ្ងាយជាងខ្លួនមានដូចជាអ្នកនាងគឹម លក្ខិណា ,វ៉េត រតនា ,ចាន់ សុធារ័ត្ន និងសិទ្ធី នីកា ជាដើម ៕
