ភ្នំពេញ៖ហ៊ិន ច័ន្ទនីរ័ត្ន បានចេញមុខសរសើរប្ដីនាងលោកឌី ពេជ្រ ថាមិនត្រឹមតែឲ្យនាងបន្ដការងារសិល្បៈដែលបានតស៊ូជាច្រើនឆ្នាំមកហើយនោះទេ ប៉ុន្ដែប្ដីថែមទាំងព្រមថតនិងចេញមុខលក់ផលិតOnline រួមគ្នាជាមួយនាងទៀតផង។តារារួមអាជីពបានលើកឡើងថានីរ័ត្ន សំណាង បានប្ដីចេះយល់ចិត្ត ហើយថែមទាំងជាបុរសដែលមានទ្រព្យមហាសាលទៀតផង។
ការចេញមុខលើកពីគុណសម្បត្តិប្ដីរបស់ហ៊ិន ច័ន្ទនីរ័ត្ន នាពេលនេះក្រោយពីលោកពេជ្រ ដែលជាពោះម៉ាយទ្រព្យស្ដុក ដែលអាចនិយាយបានថាទោះជានីរ័ត្ន មិនចាំបាច់ធ្វើការងារសិល្បៈក៍នាងអាចរស់នៅដោយសុខសាន្ដនិងមិនខ្វះលុយចាយនោះមិនបានហួងហែងភរិយាលោកក្នុងការលេងសិល្បៈនោះទេ ទើបធ្វើឲ្យនីរ័ត្ន នៅតែចេញធ្វើMC នៅប៉ុស្ដិ៍បាយ័ន និងតាមក្រុមហ៊ុនAgency ជាធម្មតា ។ប៉ុន្ដែទាក់ទងការថតភាពយន្ដខ្នាតធំ ឬរឿងដុំដូចមុនវិញច័ន្ទនីរ័ត្ន នឹងមិនផ្ដោតដូចកាលនៅក្រមុំឡើយ ពិសេសគឺរឿងដែលមានឈុតស្នេហាអោបថើបគេជឿរថានាងនឹងមិនទទួលថតសម្ដែងនោះទេ ព្រោះខ្លាចប៉ះទង្គិចអារម្មណ៍ស្វាមី បើទោះជាលោកពេជ្រ មិនបានដាក់ល័ក្ខខណ្ឌដល់ភរិយាលោកក្នុងារសម្ដែងក្ដី ប៉ុន្ដែនីរ័ត្ន អាចនឹងបន្ដថតរឿងតែប្រវត្តិសាស្រ្ដរបស់ថ្នាក់ដឹកនាំប៉ុណ្ណោះ ។
ហ៊ិន ច័ន្ទនីរ័ត្ន បានក្លាយទៅជាប្រពន្ធលោកឌីពេជ្រ ត្រូវជាក្មួយសម្ដេចតេជោ ក្រោយនាងបានក្រាបផ្ទឹមជាមួយពោះម៉ាយកូន១រូបនេះកាលពីថ្ងៃទី២២ ខែ១២ ឆ្នាំ២០២៣ ប៉ុន្ដែក្រោយមានប្ដីជាង៨ខែនេះនាងមិនទាន់ប្រកាសមានផ្ទៃពោះកូនដំបូងនោះទេ បើទោះជានីរ័ត្ន ប្រាប់មិត្តជិតដិតនាងមាន សូនីតា ថាខ្លួនចង់បានកូននៅឆ្នាំរោង នេះហើយនាងធ្វើតេស្ដជាមួយគ្រឿងអេឡិចត្រូនិច្ច បង្ហាញសញ្ញាបានកូនដល់ទៅ៣ ភ្លាមៗក្រោយរៀបការ និងច្រើនតែស្លៀកពាក់បែបរលុងៗ ដូចស្រ្ដីមានផ្ទៃពោះក៍ដោយ ប៉ុន្ដែពេលនេះនាងនៅតែអត់ទាន់មានផ្ទៃពោះដដែល។
ប្រភពបានឲ្យដឹងថាការដែលហ៊ិន ច័ន្ទនីរ័ត្ន ត្រូវប្ដីនាងស្រលាញ់ខ្លាំងនិងថ្នាក់ថ្នមចិត្តពិធីការិនីធ្មេញចំពើសរូបនេះដល់ម្លឹងដោយសារតែនាងស្រលាញ់កូនដើមប្ដីដូចកូននាងបង្កើតដែរ ហេតុនេះហើយធ្វើឲ្យក្មួយសម្ដេចមិនត្រឹមតែព្រមឲ្យនាងលេងសិល្បៈបន្ដទៀតទេ ប៉ុន្ដែលោកថែមទាំងលើកទឹកចិត្តប្រពន្ធចំពោះការបន្ដអាជីពចាស់ រហូតដល់ចេញមុខលក់Online រួមគ្នាទៀត បើទោះជាគេដឹងថាលោកពេជ្រ មមាញឹកជាមួយអាជីវកម្មជាច្រើនក្នុងដៃដូចជាក្រុមហ៊ុនDDI company ,DDI Concrete និងផ្សារបឹងបៃតងជាដើម តែលោកនៅតែឆ្លៀតជួយមុខរបរប្រពន្ធ ។
គេចាំមើលថាហ៊ិន ច័ន្ទនីរ័ត្ន អាចយកកូននៅឆ្នាំរោង នេះបានសម្រេចដូចបំណង ឬអត់ ?
