ភ្នំពេញ៖អតីតតារាហង្សមាសរ៉េត ស៊ូហ្សាណា បានជ្រកនៅផលិតកម្មបារមី បាន១ខែហើយ តែពេលនេះមិនទាន់បានចាប់ដៃចេញចម្រៀងជាដៃគូជាមួយតារារ៉េបលោកវណ្ណដា ទេ គឺចេញបទទោលបាន២បទ«Lost » និង«Better Off » ដែលសុទ្ធតែជាបទមានប៉ារូលខ្មែរលាយភាសារអង់គ្លេស ។ចំណែកថ្មីៗនេះនៅលើបណ្ដាញសង្គមTik Tok ស៊ូហ្សាណា ផុសរូបភាពចាស់ៗជាមួយសុវត្ថិ មុនីនាគ ត្រូវបានFan របស់នាង ចែកចាយ និងចាប់អារម្មណ៍ច្រើនទៅលើពួកគេថាជាដៃគូដ៍សាកសម ហើយពួកគេចង់ឲ្យតារាធ្មេញចំពើសរូបនេះចាប់ដៃគ្នាជាថ្មីម្ដងទៀតជាមួយកូនលោកឧកញ៉ាទៀតផង ។ការលើកឡើងបែបនេះដោយសារតែហ្សាណា លែងជាតារាហង្សមាស ខណៈដែលមុនីនាគ ក៍ចេញពីហង្សមាសមិនទាន់ចូលផលិតកម្មថ្មី ប៉ុន្ដែកំពុងបំប៉នសម្ថភាពខ្លួនជួលគ្រូរាំទាំងខ្មែរនិងបរទេសមកបង្វឹគដល់ខ្លួន មុននឹងចេញច្រៀងរាំម្ដងទៀត ។សម្រាប់ហ្សាណា វិញបានផ្អាកបង្ហាញភាពស្និតស្នាលជាមួយកូនទីព្រាប សុវត្ថិ តាំងពីអ្នកស្រីឡុង ស្រីមុំ ម្ដាយមុនីនាគ ប្រកាសកាលពីឆ្នាំ២០២២ ថាកូនប្រុសលោកស្រីគ្មានទំនាក់ទំនងស្នេហាជាមួយហ្សាណា ម្លេះ ដែលធ្វើឲ្យពួកគេលែងថតរាំដាក់តិកតុកឬដើរកម្សាន្ដជាមួយគ្នាដូចមុនទាំងស្រុងតែម្ដង។តែហ្សាណា និងមុនីនាគ នៅតែអាចជាដៃគូគ្នាម្ដងទៀតប្រសិនបើលោកព្រាប សុវត្ថិ ឲ្យកូនប្រុសលោកចូលទៅផលិតកម្មបារមី ដោយមើលរំលងGalaxy នោះ។
គួរបញ្ជាក់ថារ៉េត ស៊ូហ្សាណា ធ្លាប់ធ្វើជាដៃគូចម្រៀងជាមួយលោកដួង វីរៈសិទ្ធ ,លីម តិចម៉េង និងសុវត្ថិ មុនីនាគ ហើយក្នុងចំណោមតារាប្រុសទាំង៣នេះគឺមានតែមុនីនាគ ម្នាក់ប៉ុណ្ណោះដែលមានភាពស្និតស្នាលគ្នាជាមួយនាងជាងគេ ហើយឪពុកម្ដាយហ្សាណា ទុកចិត្តអនុញ្ញាត្តិឲ្យកូនស្រីនិងកូនឧកញ៉ារាំលេងតាមតិកតុកជាមួយគ្នា បើប្រុសផ្សេងវិញកុំថាឡើយកៀកកើយនាង សូម្បីតែនិយាយទូរស័ព្ទក៍ម្ដាយនាងមិនបណ្ដោយដែរ ។
យ៉ាងណាគេចាំមើលថាតើរ៉េត ស៊ូហ្សាណា និងកូនឧកញ៉ាអាចវិលជួបគ្នាជាលើកទី២ ឬអត់ ខណៈដែលអំឡុងជ្រកនៅហង្សមាសជាមួយគ្នាពួកគេទទួលបានគាំទ្រពីយុវវ័យច្រើនគួរសមក្រោយល្បីបទ«សុំខុសមួយយប់ » ។ហ្សាណា ក៍ធ្លាប់ត្រូវថៅកែហង្សមាសលើកឲ្យធ្វើជាតួឯកភាពយន្ដរឿង«បិសាចគួរឲ្យស្រលាញ់» តែជ្រកជាមួយផលិតកម្មធំនេះ៨ឆ្នាំ នាងក៍បាយបាយ ទៅរួមទ្រនុំជាមួយវណ្ណដា វិញម្ដង ដែលរយៈពេល១ខែនេះគេមិនទាន់អាចសន្និដ្ឋានបានថាតើហ្សាណា ខ្លាំង ឬខ្សោយជាងនៅហង្សមាសនោះទេ ប៉ុន្ដែនាងបានព្យាយាមផ្លាស់ប្ដូរមករកអ្វីដែលថ្មីជាStyle របស់ខ្លួននោះគឺការច្រៀងបទខ្មែរលាយអង់គ្លេស ហើយរូបនាងផ្ទាល់ជាអ្នកនិពន្ធចម្រៀងនោះតែម្ដង ។
មហាជនលើកឡើងថាស៊ូហ្សាណា នឹងលែងឯកោទៅណាម្នាក់ឯងអត់ដៃគូទៀតហើយ ប្រសិនបើនាងនិងកូនឧកញ៉ាពិតជាវិលមកស្និតស្នេហ៍លើកទី២ ជាមួយគ្នាម្ដងទៀតនោះ ។ជាមួយគ្នានេះដែរហ្សាណា ដែលចេញមុខតាមConcerts ធំៗជាបន្ដបន្ទាប់នោះថាតើទ្រនុំថ្មីថៅកែជាលោកស្រីឡូរ៉ា ម៉ម នឹងធ្វើឲ្យនាងត្រូវប៉ាន់ដូចវណ្ណដា ដែរ ឬយ៉ាងណា ?
