ភ្នំពេញ៖នៅលើបណ្ដាញសង្គមTik Tok កាលពីពេលថ្មីៗនេះFan របស់នាងរ៉េត ស៊ូហ្សាណា បានផុសរូបភាពចាស់ៗរបស់អតីតតារាហង្សមាសរូបនេះជាមួយកូនលោកឧកញ៉ាព្រាប សុវត្ថិ ជាបន្ដបន្ទាប់ដែលសកម្មភាពទាំងនោះគឺស្រីស្រស់និងប្រុសរូបសង្ហារ ស្អិតគ្នាដូចស្កតាំងម៉ែ តែម្ដងហើយអ្នកផុសថែមទាំងឡើងអក្សរថាជា«គូស្នេហ៍ដ៍សាកសមបំផុត» ។ការលើកឡើងបែបនេះដោយសារតែហ្សាណា ត្រៀមចាប់ដៃគូថ្មីជាមួយតារារ៉េប ម៉ាន់ វណ្ណដា នៅផលិតកម្មបារមី ស្របពេលសុវត្ថិ មុនីនាគ តាំងពីចេញពីហង្សមាសកាលពីឆ្នាំ២០២២ នៅមិនទាន់ចូលទ្រនុំថ្មីឡើយ ពោលគឺបានប្រឹងហ្វឹកហាត់ក្បាច់រាំ ដោយជួលទាំងគ្រូរាំទាំងខ្មែរ និងបរទេសមកបង្វឹក។ប្រភពបានឲ្យដឹងថាហ្សាណា ពេលនេះជាតារាមានឥទ្ធិពលផលិតកម្មបារមី ដោយសារថៅកែលោកស្រីឡូរ៉ា ម៉ម ផ្ដល់សិទ្ធិពិសេសឲ្យនាងលើសពីតារាចម្រៀងធម្មតាពោលគឺនាងអាចនិពន្ធចម្រៀង និងដឹកនាំMV ដោយខ្លួនឯងហេតុនេះបើហ្សាណា ចង់ចាប់ដៃគូជាមួយកូនលោកឧកញ៉ាម្ដងទៀតនោះច្បាស់ជាអាចទៅរួច ព្រោះតាមព័តមានថាមេរបស់ហ្សាណា ក៍ចាប់អារម្មណ៍ទៅលើសម្ថភាពរបស់កូនកំលោះទី២លោកឧកញ៉ាព្រាប សុវត្ថិ នេះជាយូណាស់មកហើយ ។ប៉ុន្ដែបញ្ហាធំថាតើលោកព្រាប សុវត្ថិ និងលោកស្រីឡុង ស្រីមុំ បណ្ដោយឲ្យកូនប្រុសទៅបារមី ដែរឬទេ ព្រោះថាពេលនេះកូនច្បង និងកូនពៅរបស់របស់អ្នកទាំងពីរបានក្លាយទៅជាតារាGalaxy ទៅហើយ ហេតុនេះភាគរយខ្ពស់បំផុតដែលគេជឿថាមុនីនាគ ក៍នឹងទៅរួមទ្រនុំជាមួយឪពុករបស់ពួកគេដែរជាមិនខាន។
សូមបញ្ជាក់ថាក្នុងអាជីពចម្រៀងជិត១០ឆ្នាំនាងរ៉េត ស៊ូហ្សាណា មិនដែលប៉ះរឿងអាស្រូវស្នេហានោះទេ ព្រោះឪពុកម្ដាយតាមការពារជាប់ជានិច្ច ហើយថែមទាំងមិនអនុញ្ញាត្តិឲ្យនាងនិយាយទូរស័ព្ទជាមួយប្រុសណាក្រៅពីការងារសិល្បៈទៀតផង។ប៉ុន្ដែហ្សាណា បែជាអាចស្និតស្នាលជាមួយមុនីនាគ ដោយសេរី ហើយឪពុកម្ដាយនាងមិនប្រឆាំងទៅវិញ ។ស្រីស្រស់ប្រុសសង្ហារនេះល្បីបទ«សុំខុសមួយយប់ »នៅពេលដែលពួកគេជ្រកនៅហង្សមាសជាមួយគ្នា ។ប៉ុន្ដែគួរឲ្យស្ដាយកាលពីឆ្នាំ២០២២ លោកស្រីឡុង ស្រីមុំ បានប្រកាសជាសាធារណៈថាសុវត្ថិ មុនីនាគ គ្មានទំនាក់ទំនងស្នេហាជាមួយរ៉េត ស៊ូហ្សាណា ទេសុំកុំឲ្យមហាជនយល់ច្រឡំទៀតអី …។ការថ្លែងបែបនេះរបស់ម្ដាយមុនីនាគ ធ្វើឲ្យហ្សាណា គ្មានប្រតិកម្មអ្វីតបទាំងអស់ ប៉ុន្ដែនាងចាប់ផ្ដើមបញ្ឈប់ការស្និតស្នាលគ្រប់សកម្មភាពទាំងអស់ជាមួយកូនកំលោះទី២ឧកញ៉ាព្រាប សុវត្ថិ បើទោះជាFan នៅតែជម្រុញឲ្យនាងនិងកូនលោកឧកញ៉ាចាប់ដៃគ្នជាថ្មីវិញយ៉ាងណាក៍ដោយ។អ្នកលេងបណ្ដាញសង្គមខ្លះលើកឡើងថាហ្សាណា អាកអន់ស្រពោនចិត្តតិចតួច ព្រោះនាងល្បី និងមានសម្រស់ប៉ុណ្ណឹងដែរមិនគួរណាមិនអាចបន្ដភាពស្និតស្នេហ៍ជាមួយកូនលោកឧកញ៉ាតទៅទៀតបែបនេះសោះ។
គួរកត់សម្គាល់ថារ៉េត ស៊ូហ្សាណា បានជ្រកនៅទ្រនុំថ្មីជាង២ខែដោយចេញបទចម្រៀងបាន៣បទគឺ«Lost » ,« Better Off » និងបទ«ស្ដ្រីសេរី » ។បើទោះជាហ្សាណា មិនសូវចេញច្រៀងតាមConcerts ធំៗដូចមុនដែលអាចនិយាយបានថានាងបាត់ចំណូលខ្លះៗពីការប្រគុំតន្រ្ដីនៅStudio ហង្សមាសក្ដី ប៉ុន្ដែនាងហាក់រីករាយជាមួយផលិតកម្មថ្មីនេះព្រោះម្ចាស់ផលិតកម្មឲ្យសិទ្ធិនាងពិសេសពោលគឺនាងអាចសរសេរបទចម្រៀងដែលខ្លួនស្រលាញ់ និងដឹកMV ហើយធ្វើការផ្ទាល់ជាមួយក្រុមការងារផលិតកម្មដែលភាគច្រើនជាជនជាតិបរទេស។ប៉ុន្ដែគេមិនទាន់អាចសន្និដ្ឋានបានទេថាតើហ្សាណា ជ្រើសផ្លូវត្រូវឬខុស ព្រោះនាងទើបចេញបានត្រឹម៣បទ ខណៈតាមព័តមានថានាងបានកុងត្រាជាមួយបារមី ដល់ទៅ៥ឆ្នាំ ។យ៉ាងណាគេជឿថាបើហ្សាណា អាចចាប់ដៃជាមួយសុវត្ថិ មុនីនាគ សារជាថ្មី ហើយនាងមានដៃគូពិសេសវណ្ណដា ទៀតនោះទីផ្សារចម្រៀងរបស់នាងនឹងមានការប្រែប្រួលជាមិនខាន។អ្វីដែលគួរឲ្យកត់សម្គាល់ដែរមុនទៅដល់បារមី តារាវ័យ២៤ឆ្នាំ ស៊ូហ្សាណា ត្រូវបានគេសន្និដ្ឋានថានាងសល់ទ្រព្យមិនក្រោមកន្លះលានដុល្លារនោះទេ គិតត្រឹមឆ្នាំ២០២៤ ក្នុងនោះគឺផ្ទះ២ល្វែង ,រថយន្ដJeep Rubicon និងហាងសម្លៀកបំពាក់ជាដើម ៕
