ភ្នំពេញ៖តារាចម្រៀងគង់ ស្រីពេជ្រ ហៅពេជ្រ សូលីកា បានបង្ហាញសញ្ញាចង់បានស្វាមីថ្មីចំខែកត្តិកនេះតែម្ដង ដែលនាងថាដើម្បីកុំឲ្យរងាកាយ៉ា ។សារនេះប្រាកដណាស់ស្រីពេជ្រ ពេលនេះកំពុងតែឯកោខ្លាំង ហេតុនេះគេជឿថាអ្នកចង់ធ្វើជាភួយរបស់នាងប្រាកដជាមានចំនួនច្រើននាក់ ដើម្បីចូលខ្លួនមកឲ្យអ្នកមេម៉ាយរូបស្រស់ដណ្ដប់ មានភាពកក់ក្ដៅឡើងវិញ ។
ពេជ្រ សូលីកា វាចាថា«ធ្លាក់ខ្យល់ចឹង បើមានភួយសាច់ ដណ្ដប់ឲ្យបាត់រងា មិនដឹងល្អម៉េចទេ » ។
Fan ស្រីពេជ្រ ជាច្រើនបានលើកឡើងថានាងឆ្លាតណាស់ ព្រោះចូលដល់ខែកត្តិកភ្លាម ចង់រកភួយសាច់ភ្លែត អីចឹងពួកគេជូនពរឲ្យនាងបានភួយនោះដូចបំណង ។
ពេជ្រ សូលីកា បានធ្លាក់ខ្លួនមេម៉ាយកូនមួយជាង២ឆ្នាំមកហើយ ក្រោយចែកផ្លូវអតីតគូដណ្ដឹងលោកគឹម ហាន ដែលជាអ្នកច្នៃម៉ូតមកពីប្រទេសអូស្រា្ដលី ដែលពេលនេះកូនប្រុសនាងមានអាយុជាង៤ឆ្នាំ បានមកលើនាងគ្រប់គ្រង ។ប៉ុន្ដែស្រីពេជ្រ បានអនុញ្ញាតិឲ្យលោកហាន ជួបមុខកូនគ្រប់ពេលដែលលោកចង់ ផ្ទុយពីនាងភិន សុដាលីស ហាមអតីតប្ដីលោកប៉ែន ចំរ៉ុង មិនឲ្យជួបមុខកូនស្រីជាង៨ឆ្នាំមកហើយ ។គេជឿថាសាររបស់នាងស្រីពេជ្រ នេះប្រាកដជាធ្វើឲ្យប្រុសមិនតិចនាក់ទេ ដែលជ្រួលជ្រើមចង់ចូលខ្លួនទៅធ្វើជាភួយសាច់នាងកុំឲ្យរងា នៅខែកត្តិកនេះ ខណៈដែលខ្លះទៀតមិនជឿថាមេម៉ាយកូនមួយស្រួយដូចដូងដុតរូបនេះទុកបេះដូងឲ្យនៅទំនេររហូតដល់ជាង២ឆ្នាំនេះ ឡើយ តែគេសង្ស័យថានាងមានម្ចាស់ចិត្តថ្មីដោយគ្រាន់តែមិនបើកចំហ ច្រើនជាង ។
សូមបញ្ជាក់ថាពេជ្រ សូលីកា ក្រោយលែងប្ដីនាងបានបង្ហាញសញ្ញាមានស្នេហាថ្មីតាមIG មួយភ្លែតជាមួយបុរសម្នាក់វ័យខ្ទង់ជាង៣០ឆ្នាំ តែពេលនេះក៍ស្ងាត់បាត់ដំណឹងទៅវិញ ខណៈដែលអតីតតារាហង្សមាសរូបនេះបានឡើងកូដគួរសមនារយៈពេលចុងក្រោយនេះ ដូចជាអាចរកប្រាក់ចំណូលបានរាប់ម៉ឺនដុល្លារ ក្នុង១ខែៗ ក្រោយល្បីត្រឹមតែ២បទនៅចុងឆ្នាំ២០២៤ គឺ«ថែការចងចាំ » និងបទ«បើអូនជួបគេ » ។ការប្រកាសរកភួយសាច់របស់ស្រីពេជ្រ នាពេលនេះគឺចំពេលដែលថ្មីៗនេះដែរនាងមាន សូនីតា បានបង្ហាញសញ្ញាចង់បានគួរដូចមិត្តភក្ដិដែរ ហេតុនេះបានជាមានការលើកឡើងថាចូលដល់ខែកត្តិកភ្លាមតារាស្រីស្អាតៗក្រមុំ មេម៉ាយ ចាប់ផ្ដើមជ្រួលជ្រើមរកភួយសាច់រៀងៗខ្លួនតែម្ដង ។
តាមព័តមានថាប្រុសៗដែលចង់ធ្វើជាម្ចាស់ចិត្តរបស់នាងពេជ្រ សូលីកា នារយៈពេលចុងក្រោយនេះភាគច្រើនជាបុរសវ័យចំណាស់ និងអាណិកជនក្រៅស្រុក តែគេជឿថាស្រីពេជ្រ អាចនឹងមិនដើរជាន់ដានចាស់ធ្វើជំទាវលាក់មុខម្ដងទៀតទេ ហេតុនេះប្រុសវ័យក្មេងរូបសង្ហារ ហើយមានទ្រព្យស្ដុកអាចមានសង្ឃឹមក្នុងការធ្វើជាភួយ សាច់របស់នាងជាងប្រុសចាស់ ។
ក្រៅពីពេជ្រ សូលីកា តារានៅបន្ដជីវិតមេម៉ាយនៅឆ្នាំ២០២៤ នេះមានដូចជាសុខ សោម៉ាវត្តី ,សុខ ស្រីនាង និងពេជ្រ សោភា ជាដើម ។គេចាំមើលថាតើស្រីស្អាតរូបណារកបានភួយសាច់មុនគេ ?
