ភ្នំពេញ៖ពេញ១ឆ្នាំ២០២៤ នេះគេអាចរកឃើញថាតារាសម្ដែងដែលស៊ិចស៊ីជាងគេប្រចាំឆ្នាំ២០២៤ នេះគឺមាន២ដួងនោះគឺស្រីស្រស់ហ្វា ហ្វា នៅស្រីយី និងតារាកូនកាត់ថៃនាងនែប ព្រំរិទ្ធិកា ដែលយកឈ្នះស្រីស្អាតសាច់សខ្ចីជាច្រើនដួងទៀត ។ការដែលតារាស្រីវ័យក្មេងហ៊ានបង្ហាញសាច់គ្រងតំណែងជាតារាស៊ិចស៊ីបំផុតប្រចាំឆ្នាំនេះ ក្រោយពីវ៉ាង ស្រីណូ ,សម សុជាតា និងសាន សុម៉ាលី ជាដើម បានបោះបង់ឈុតរបូតអាវ បន្ទាប់ពីពួកគេឈានចូលវ័យជ្រេរៀងៗខ្លួនទៅហើយ ។
១៖ហ្វា ហ្វាៈអតីតសង្សារនាយចឺម រូបនេះបានប្រាប់កាលពីខែឧសភា ឆ្នាំ២០២២ ថានាងបានវះកាត់កែសម្រស់ដើមទ្រូង បន្ទាប់ពីចែកផ្លូវជាមួយលោកមេសា ។នាងថាមានចំណុចខ្វះខាតខ្លះៗនៃរូបរាងកាយ ហេតុនេះត្រូវតែបំពេញឲ្យខ្លួនឯងបានស្អាតដូចបំណង តែនាងមិនបានកែចំណុចណាផ្សេងទៀតទេ ។ប៉ុន្ដែយ៉ាងណាតាមព័ត មានថាស្រីយី ក៍បានកែច្រមុះ និងចាក់ចង្កា ដែរ តែនាងអត់សារភាពឡើយ។
ក្រោយកែពង្រីកដើមទ្រូងជិត២ឆ្នាំនេះហ្វា ហ្វា មិនញញើតឡើយ ក្នុងការបញ្ចេញគល់សុដន់ ដែលពេលខ្លះស្លៀកពាក់នៅលើគោកក៍មានដែរ រហូតមានអ្នកខ្លះសួរនាងថាតើចង់លក់ដោះ ឬលក់គុយទាវទៀតផង ព្រោះ តែនាងជាថៅកែហាងគុយទាវទឹកខ្មៅម្នាក់ដែលបើកលក់នៅម្ដុំទួលទំពួង និងចុងក្រោយបានរើរទៅលក់នៅចិញ្ចើមផ្លូវម្ដុំបុរីប៉េង ហួត (បឹងស្នោរ)វិញ ។ហ្វា ហ្វា ធ្លាប់ប្រាប់អ្នកយកព័តមានយើងថានាងស្លៀកពាក់ទៅតាមពេលវេលា ពោលគឺសុភាពក៍បាន ស៊ិចស៊ីក៍បាន អាស្រ័យទៅលើកម្មវិធីដែលនាងចូលរួម។សង្សារចាស់របស់នាយចឺម រូបនេះថាក្រោយចែកផ្លូវគ្នាជាមួយលោកមេសា នាងមិនទាន់មានសង្សារថ្មីទេ ហើយមិនបានចាត់ទុកតារាចម្រៀងសាន់ដេរូបនោះជាគូសត្រូវឡើយ ។តាមព័តមានថាក្រោយស្រីយី កែដើមទ្រូងឲ្យរីកធំនេះនាយចឺម ហាក់ស្ដាយនាងតែនាយលែងហៅហ្វា ហ្វា ថតបទថ្មីៗ ទៀតហើយ ។
២៖នែប ព្រំរិទិ្ធកាៈតារាកូនខ្មែរកាត់ថៃរូបនេះក៍មិនរារែកចិត្តឡើយក្នុងការបង្អួតសម្រស់ដើមទ្រូង តែនាងថាមិនបានកែសុដន់ទេ គឺពីធម្មជាតិ១០០% ។ទោះជាយ៉ាងណាពិធីការិនីរបស់CTN រូបនេះភាពស៊ិចស៊ីរបស់នាងហាក់នៅស្ទើជាងនាងហ្វា ហ្វា បើទោះជាពេលខ្លះនាងហ៊ានស្លៀកឈុតប៊ីគីនី បង្ហាញរបស់ពិសេសឲ្យគ្រប់គ្នាបានឃើញក្ដី ។នាងរិទ្ធិកា ដែលរាងតូចតន់គួរឲ្យក្នក់ក្នាញ់នោះ ធ្លាប់ប្រាប់ថានាងគ្មានចំណាប់អារម្មណ៍កែសម្រស់នោះទេ ហើយពេលនេះនាងបានវិលមកជួបជុំជាមួយសង្សារចាស់វិញហើយ តែមិនប្រាប់ថាប្រុសស្នេហ៍នាងជាអ្នកណាទេ ។
សូមបញ្ជាក់ថានាងនែប ព្រំរិទ្ធិកា ត្រូវបានគេចាប់អារម្មណ៍ក្រោយនាងចេញមុខសម្ដែងរឿងខ្លីៗជាច្រើនជាមួយDJ ផាន់ រ៉ុង ទើបធ្វើឲ្យនាងមានឱកាសថតMV បទចម្រៀងតារាល្បីៗ រួមទាំងស្ពតធំៗទៀតផង។នៅឆ្នាំ២០២៤ នេះក្រៅពីសម្រេចបំណងចាប់អាជីពMC នៅCTN នាងរិទ្ធិកា ក៍ធ្វើឲ្យគេចាប់អារម្មណ៍តាមរយៈនូវការស្លៀកពាក់របស់នាងបញ្ចេញសាច់គល់ភ្លៅនិងដើមទ្រូងមិនប្រណីឡើយ ។អ្វីដែលពិសេសគឺសង្សារនាងគាំទ្រពេញ ទំហ៊ឹងចំពោះការលេងខ្លួនរបស់នាងរិទ្ធិកា ដោយមិនខ្លាចឧកញ៉ា ឆក់កូនកាត់ថៃ រូបនេះទៅបាត់ឡើយ ។
ក្រៅពីហ្វា ហ្វា និងនែប ព្រំរិទ្ធិកា តារាដែលហ៊ានលេងខ្លួនស៊ិចស៊ីនៅឆ្នាំ២០២៤ មានដូចជានាងអៀ ម៉េងលិ ហៅអូនម៉ី និងសេង សុខឃីម និងនាងផាន វីរ៉ាទី ជាដើម ៕