ភ្នំពេញ៖មិនមែនជារឿងចៃដន្យនោះទេ ប៉ុន្ដែហាក់ដឹងមុនថាPrivate Jet នោះជាព័ណខ្មៅ លាយតែមព័ណលឿង ទើបនាងពេជ្រ សូលីកា ស្លៀកសំពត់ព័ណខ្មៅ អាវខ្មៅ ឡូហ្គោអាវ និងស្បែកជើងម៉ាក LV ព័ណលឿងឲ្យស៊ីគ្នាទៅនិងយន្ដហោះ ឯកជននោះតែម្ដង ។ប៉ុន្ដែរហូតមកដល់ពេលនេះគេនៅមិនដឹងថាតើម្ចាស់Private Jet នោះជាប្រុសណាឡើយ តែម្ចាស់ផេកឈ្មោះDr.Mony Ho បានផុសរូបសូលីកា ជិះPrivate Jet នោះជាមួយសំណេរថា«កា ឯង ទៅមុនចុះ មិនបានទៅទេ ប្រពន្ធខ្ញុំលាក់ប៉ាស្ព័រ ខ្ញុំបាត់ហើយ » ។
Fan របស់ពេជ្រ សូលីកា បានប្រតិកម្មចំពោះបុរសខាងលើនេះជាខ្លាំងដោយថែមទាំងដាស់តឿនលោកទៀតផង ថាតើច្រឡំមនុស្សទេដឹង ?ជាមួយគ្នានេះដែរស្រាប់តែមានអ្នកខមិនជេរសូលីកា ថាបានបោកប្រាស់លុយជំពាក់តុងទីនគេយកទៅហ៊ឺហា ទៅវិញ…។ប៉ុន្ដែស្រីពេជ្រ គ្មានប្រតិកម្មតតបទៅនិងអ្នកថានាងបោកប្រាស់លុយតុងទីន គេនោះទេ ស្របពេលអ្នកដែលគាំទ្រតារារូបនេះនៅតែឆ្ងល់ថាសូលីកា បោកលុយតុងទីនគេពីពេលណា និងទទួចឲ្យអ្នកខមិននគួរពិនិត្យឲ្យបានច្បាស់លាស់ជាមុនសិនទៅ ក្រែងច្រឡំមនុស្ស ។
អ្នកមេម៉ាយកូន១ពេជ្រ សូលីកា បានប្រកាសកាលពីថ្ងៃទី២៩ ខែ១១ ថាធ្លាក់ខ្យល់ចឹងនាង ចង់បានភួយសាច់ ហើយ២ថ្ងៃបន្ទាប់ពោលគឺនៅថ្ងៃទី១ ខែ១២ ស្រាប់តែនាងទៅលេងមាត់សមុទ្រ ស្លៀកឈុតប៊ីគីនីបញ្ចេញសាច់ គល់ភ្លៅឡើងសខ្ចី នាំឲ្យប្រុសៗមិនតិចនាក់ទេ ជ្រួលជ្រើម និងថាបើល្អម្លឹងៗ កោតតែលោកគឹម ហាន ដាច់ចិត្តទៅចោលកើត។យ៉ាងណាក្រោយស្រីពេជ្រ បង្អួតសាច់សខ្ចីបានតែ១សប្ដាហ៍ពោលគឺនៅថ្ងៃទី៧ ខែ១២ ស្រាប់តែនាងឡើងជិះPrivate Jet យ៉ាងរំភើយ ដែលគេសង្ស័យថាម្ចាស់យន្ដហោះឯកជននោះអាចជាប្រុសដែលសុំធ្វើជាភួយសាច់របស់នាងស្រីពេជ្រ ប៉ុន្ដែលោកមិនព្រមបង្ហាញមុខរួមគ្នាជាមួយសូលីកា ឡើយ ។តែតាមរយៈការនាំស្រីស្អាតពេជ្រ សូលីកា ជិះPrivate Jet តែម្នាក់ឯងហើយលោកកំដរនាងដោយលាក់មុខបែបនេះគេជឿថាប្រុសនោះបើមិនមែនជាសេដ្នីទេ ក៍លំដាប់ឧកញ៉ាដែរ ទើបមានលទ្ធភាពបែបនេះ។អ្នកលេងបណ្ដាញសង្គមខ្លះលើកឡើងថាសូលីកា លេចសញ្ញារកបានភួយសាច់ហើយ បើដូចច្នេះមែននៅខែធ្លាក់ខ្យល់នេះនាងនិងបានភាពកក់ក្ដៅឡើងវិញ លែងរងារកាយ៉ាទៀតហើយ ។
ពេជ្រ សូលីកា បានចែកផ្លូវជាមួយអតីតប្ដីលោកគឹម ហាន ជាង២ឆ្នាំហើយ បន្សល់កូនប្រុស១ អាយុជាង៤ឆ្នាំ ។កាលពីពាក់កណ្ដាលឆ្នាំ២០២២ ស្រីពេជ្រ ធ្លាប់បង្ហាញសញ្ញាមានស្នេហាថ្មីជាមួយប្រុសម្នាក់វ័យខ្ទង់៣០ស្ដើង លើIG តែក៍បានស្ងាត់ទៅវិញ ខណៈដែលពេលខ្លះពេលច្រៀងនៅPub នាងស្រក់ទឹកភ្នែកម្នាក់ឯងក៍មានដែលគេសង្ស័យថាអ្នកមេម៉ាយអាចអាលោះអាល័យអតីតគូដណ្ដឹង។ទោះជាយ៉ាងណាការឡើងកូដបទចម្រៀង២បទចុងក្រោយ«ថែការចងចាំ » និង«បើអូនជួបគេ » ធ្វើឲ្យស្រីពេជ្រ កាន់តែមានមន្ដស្នេហា ដែលប្រុសមិនតិចទេ ចង់ធ្វើជាភួយសាច់នាង ។ប៉ុន្ដែការដែលអ្នកមេម៉ាយហ៊ឺហា ត្រូវគេយកPrivate Jet ដឹកដើរលេងឲ្យបានកក់ក្ដៅឡើងវិញនោះធ្វើឲ្យប្រុសៗដែលមានទ្រព្យល្មមៗ ចាប់ផ្ដើមខ្ទាតចេញជាមិនខាន ព្រោះពិបាកប្រជែងម្ចាស់យន្ដហោះឯកជន ដែលអាចក្លាយជាភួយសាច់របស់ស្រីពេជ្រ ។
ក្រៅពីពេជ្រ សូលីកា តារាដែលធ្លាក់ខ្លួនមេម៉ាយតែនៅមានមន្ដស្នេហាមិនធម្មតានោះមានដូចជាពេជ្រ សោភា ,សុខ សោម៉ាវត្តី និងកែវ និសា ជាដើម ។តែស្រីពេជ្រ អាចនឹងរកបានភួយសាច់មុនគេ ព្រោះតាមដំណឹងថានាងនឹងបញ្ចេញម្ចាស់ស្នេហាថ្មី មុនពេលអតីតប្ដីរៀបការប្រពន្ធថ្មី ឆាប់ៗនេះ ៕
