អូស្ត្រាលី ប្រញាប់ស្រាវជ្រាវសំណាកមេរោ…/គ ៣២៣ បាត់ពីមន្ទីរពិសោធន៍ឃ្វីនស៍ឡែនដ៍

អូស្ត្រាលី ៖ គំរូមេរោគ ចំនួន ៣២៣ បានបាត់ពីមន្ទីរពិសោធន៍ក្នុងរដ្ឋឃ្វីនស៍ឡែនដ៍ ( Queensland) ប្រទេសអូស្ត្រាលី ប៉ុន្តែអាជ្ញាធរថា មិនមានគ្រោះថ្នាក់ដល់សាធារណជនឡើយ។

តាមប្រភព  news.com.au បានរាយការណ៍នៅថ្ងៃទី១១ ខែធ្នូ ឆ្នាំ២០២៤ ថា គំរូមេរោគចំនួន ៣២៣ ដែលបាត់ពីមន្ទីរពិសោធន៍ឃ្វីនស៍ឡែនដ៍ (Queensland) ។ អាជ្ញាធររដ្ឋឃ្វីនស៍ឡែនដ៍ បានប្រកាសពីការស៊ើបអង្កេតលើបញ្ហានេះ ដែលបានកើតឡើងនៅមន្ទីរពិសោធន៍មេរោគសុខភាពសាធារណៈរបស់រដ្ឋ ជាលើកដំបូង។មន្ទីរពិសោធន៍ ផ្តល់សេវាពិនិត្យរោគវិនិច្ឆ័យ តាមដាននិងស្រាវជ្រាវលើមេរោគ និងភ្នាក់ងារបង្ករោគ ដែលរីក រាលដាលដោយមូស និងចៃ ខណៈពេលដែលគំរូនៃមេរោគ Hendra, Lysavirus និង Hantavirus ត្រូវបានរកឃើញថាបានបាត់ កាលពីខែសីហា ឆ្នាំ២០២៣។

បើទោះបីជាអ្នកជំនាញសុខភាព ធានាថាមិនមានហានិភ័យដល់សហគមន៍ក៏ដោយ។ ប៉ុន្តែមន្ទីរពិសោធន៍ មិន ទាន់អាចកំណត់ថា តើសម្ភារៈត្រូវបានដកចេញពីកន្លែងផ្ទុកដែលមានសុវត្ថិភាព ឬបំផ្លាញចោលនោះទេ។រដ្ឋមន្ត្រីសុខាភិបាល រដ្ឋឃ្វីនស៍ឡែនដ៍ លោកធីម នីខូលស៍ (Tim Nicholls) បានប្រកាសថា អតីតចៅក្រមតុលាការកំពូល ម៉ារទីន ដូបនីយ៍ (Martin Dobney) នឹងដឹកនាំការស៊ើបអង្កេតលើករណីនេះនេះ។

ចំណែកលោក ជូលៀន ឌ្រូស (Julian Druze) អតីតប្រធានមន្ទីរពិសោធន៍ ដែលកំណត់អត្តសញ្ញាណមេរោគទាំងនេះ និងត្រូវបានតែងតាំងជាសហអ្នកស៊ើបអង្កេត បានថ្លែងថា នាយកដ្ឋានសុខាភិបាលរដ្ឋឃ្វីនស៍ឡែនដ៍ ចាំបាច់ត្រូវស៊ើបអង្កេតថា ហេតុអ្វីបានជារឿងនេះកើតឡើង? និងត្រូវមានវិធីការពារ កុំឱ្យវាកើតឡើងម្តងទៀត។លោកធីម នៅខូលស៍ បាននិយាយថា “ការស៊ើបអង្កេត នឹងធានាថាមិនមានការធ្វេសប្រហែសទេ ជាការឆ្លើយ តបទៅនឹងព្រឹត្តិការណ៍នេះ និងពិនិត្យគោលនយោបាយនិងនីតិវិធីដែលកំពុងត្រូវបានអនុវត្តនៅក្នុងមន្ទីរពិ សោធន៍”។

លោកនីខូលស៍ បានបន្តថា ក្រសួងសុខាភិបាល នៃរដ្ឋឃ្វីនស៍ឡែនដ៍ បានធ្វើការប្រុងប្រយ័ត្ន ចាប់តាំងពីការបាត់បង់ត្រូវបានរកឃើញ រួមទាំងការបណ្តុះបណ្តាលបុគ្គលិកថ្មី និងអនុញ្ញាតឱ្យមានការត្រួតពិនិត្យ ដើម្បីធានាថា សម្ភារៈត្រូវបានរក្សាទុកដោយការទទួលខុសត្រូវ និងត្រឹមត្រូវ។

លោក ចន ចឺរ៉ាដ (John Gerard) ប្រធានផ្នែកសុខភាពសាធារណៈរបស់ឃ្វីនស៍ឡែនដ៍ បានបញ្ជាក់ថា មិនមានហានិភ័យដល់សុវត្ថិភាពសាធារណៈ ពីការបាត់មេរោគទាំងនេះនោះទេ។ លោកបាននិយាយថា គ្មានករណីមេរោគ Hendra ឬមេរោគ lysavirus ត្រូវបានរកឃើញក្នុងមនុស្សនៅឃ្វីនស៍ឡែនដ៍ ទេ ក្នុងរយៈពេល ៥ឆ្នាំ ចុងក្រោយនេះ ហើយមិនមានរបាយការណ៍នៃការឆ្លងមេរោគ hantavirus លើមនុស្សក្នុងប្រទេសអូស្ត្រាលី នោះទេ។

លោកបានថ្លែងថា “វាជារឿងសំខាន់ក្នុងការកត់សម្គាល់ថា គំរូមេរោគបានធ្លាក់ចុះយ៉ាងឆាប់រហ័សនៅខាងក្រៅម៉ាស៊ីនបង្កក ដែលមានសីតុណ្ហភាពទាប ហើយមិនអាចឆ្លងមេរោគបានឡើយ។ វាទំនងជាថា សំណាកត្រូវបានបំផ្លាញនៅក្នុង autoclave ដូចដែលការអនុវត្តក្នុងមន្ទីរពិសោធន៍ទូទៅ និងមិនត្រូវបានកត់ត្រាត្រឹមត្រូវ ហើយវាមិនទំនងទេដែលសំណាក នឹងបញ្ចប់ទៅជាកាកសំណល់ទូទៅ ព្រោះវានឹងត្រូវបានចាត់ទុកថា ជាអ្វីមួយទាំង ស្រុង ក្រៅពីការអនុវត្តក្នុងមន្ទីរពិសោធន៍ធម្មតា»៕