ភ្នំពេញ៖ហ៊ិន ច័ន្ទនីរ័ត្ន ហុចថ្ពាល់ឲ្យប្ដីថើបនៅថ្ងៃខួបអាពាហ៍ គម្រប់១ឆ្នាំ កាលពីថ្ងៃទី២២ ខែ១២ ខណៈដែលFan ជូនពរឲ្យនាងរក្សារបានចំណងស្នេហាយូអង្វែង និងជាពិសេសឆាប់បានកូនង៉ាឆាប់ៗ ។ប៉ុន្ដែក្រោយច័ន្ទនីរ័ត្ន ក្លាយទៅជាភរិយាលោកឌី ពេជ្រ ១ឆ្នាំនេះនាងមិនទាន់ពពោះកូនដំបូងឡើយ បើទោះជានាងមាន សូនីតា ដែលជាអ្នកស្និតបំផុត និងនីច័ន្ទរ័ត្ន ធ្លាប់ប្រាប់ថានីរ័ត្ន ចង់រៀបការភ្លាម យកកូនភ្លែត ព្រោះនាងចង់បានកូននៅឆ្នាំ រោង ក្ដី តែផែនការណ៍នោះអត់ទាន់បានសម្រេចដូចចិត្តឡើយ ហើយអាចនឹងអាចរៀបគម្រោងយកកូនជាលើកទី២ នៅឆ្នាំម្សាញ់ ឬឆ្នាំ២០២៥ ខាងមុខម្ដងទៀត ។
សូមបញ្ជាក់ថាហ៊ិន ច័ន្ទនីរ័ត្ន បន្ទាប់ពីរៀបការប្ដីលោកឌី ពេជ្រ ថ្ងៃទី២២ ខែ១២ ឆ្នាំ២០២៣ ពោលគឺ១ឆ្នាំមកនេះអ្នកនាងមិនដែលបង្ហាញខ្លួនតាមMV និងភាពយន្ដថ្មីៗទេ គឺនៅតែបន្ដអាជីពជាពិធីការិនីនៅបាយ័ន និងតាមក្រុមហ៊ុនAgency ប៉ុណ្ណោះ បើទោះជាស្វាមីនាងមិនដែលបង្ហាញសញ្ញាហួងហែងប្រចណ្ឌប្រពន្ធក៍ដោយ តែនីរ័ត្ន ទំនងជាមិនវិលទៅថតរឿងនិងខារ៉ាអូជាថ្មីឡើយ លើកលែងតែភាពយន្ដនោះជារឿងបែបប្រវត្តិរបស់ថ្នាក់ដឹកនាំ។ផ្ទុយទៅវិញនីរ័ត្ន បែជាដឹកដៃប្ដីមកជួយផ្សព្វផ្សាយនាងរកស៊ីលក់Online ទៅវិញ បើទោះជាលោកពេជ្រ មានមុខជំនួញធំៗក្នុងកណ្ដាប់ដៃជាច្រើនក្ដី ។
រយៈពេល១ឆ្នាំគត់ក្រោយមានស្វាមីនេះដែរគេឃើញហ៊ិន ច័ន្ទនីរ័ត្ន គេកត់សម្គាល់ថានាងមិនត្រឹមតែកាត់បន្ថយអាជីពសិល្បៈសឹងតែទាំងស្រុងនោះទេ ប៉ុន្ដែឥទ្ធិពលរបស់នាងក៍ខុសពីមុនដែរ ព្រោះតារារួមអាជីពខ្លះបានហៅនាងថាជា«ជំទាវៗ » ហើយនាងជិះរថយន្ដម៉ាកទំនើបៗ មិនចាញ់តារាដែលបានប្ដីអ្នកធំផ្សេងទៀតឡើយ ។ចំណែកផលិតករដែលធ្លាប់ហៅនាងថត១រឿង៥ពាន់ដុល្លារ នោះក៍ប្ដូរទៅហៅតួផ្សេង ព្រោះតែគេជឿថានីរ័ត្ន មិនអាចសម្ដែងទៅតាមអ្នកដឹកនាំរឿងបញ្ជាដូចមុនទេ ពិសេសគឺឈុតស្នេហា ហើយនាងក៍មិនចាប់អារម្មណ៍លុយល្អិតពីសិល្បៈតែ១ច្រកទៀតឡើយ ។
ក្រៅពីហ៊ិន ច័ន្ទនីរ័ត្ន តារាដែលយកប្ដីពោះម៉ាយមានដូចជាអ្នកនាងលី ម៉ារីណា ,កែវ ពេជ្រពិសី និងកែវ ពិសី ជាដើម ប៉ុន្ដែក្នុងចំណោមតារាទាំងនោះនីរ័ត្ន តែម្នាក់គត់ដែលបែកបាក់សង្សារលោកឌី ពេជ្រ ដល់ទៅ៨ឆ្នាំ ហើ យទីបំផុតពួកគេក្លាយទៅជាប្ដីប្រពន្ធគ្នាស្របច្បាប់ តាមរយៈអាពាហ៍ ពិពាហ៍ ។នីរ័ត្ន អាចនឹងទទួលបានការថ្នាក់ថ្នមពីស្វាមីជាងនេះថែមទៀត ប្រសិនបើនាងពពោះកូនទី១ឲ្យលោកពេជ្រ ដូចបំណងនៅឆ្នាំម្សាញ់ខាងមុខ ខណៈដែលតាមព័តមានថាស្វាមីនាងក៍ពេញចិត្តពិធីការិនីរូបនេះខ្លាំង ព្រោះនាងស្រលាញ់កូនស្រីដើមប្ដីដូចជាកូននាងបង្កើតដែរ ។តែច័ន្ទនីរ័ត្ន ដែលគេចាត់ទុកថាជានារីមានសំណាងព្រោះបានប្ដីពោះម៉ាយមានទ្រព្យស្ដុក រូបនេះមិនទាន់បង្ហាញមុខជំនួញធំណាផ្ទាល់ខ្លួនឡើយ ក្រោយការប្ដី១២ខែ នេះគឺនៅតែបន្ដលក់អ៊ឺវ៉ាន់តាមOnline ដដែល ។ចំណែកតារាដែលធ្វើខួបអាពាហ៍ ពិពាហ៍ នៅខែ១២ នេះដូចនីរ័ត្ន ដែរមានដូចជាសុគន្ធ និសា (ថ្ងៃទី១ខែ១២) និងមាស សុខសោភា (ថ្ងៃទី២៨ ខែ១២)…៕
