ខេត្តកំពង់ចាម ៖ កម្លាំងកងរាជអាវុធហត្ថ នៃទីបញ្ជាការកងរាជអាវុធហត្ថខេត្តកំពង់ចាម បានបង្ក្រាបក្មេងទំនើងម្នាក់ ឈ្មោះករុណាពេជ្រ ដែលជិះម៉ូតូប្រើប្រាស់បំពង់ស៊ីម៉ាំងម៉ូតូកែច្នៃបំពងសំឡេងឮខ្លាំង បង្កការរំខានដល់ប្រ ជាពលរដ្ឋ។
ការបង្ក្រាបក្មេងទំនើងនេះ បានធ្វើឡើង កាលពីវេលាម៉ោង ៧និង១០នាទីយប់ ថ្ងៃទី២៦ ខែធ្នូ ឆ្នាំ២០២៤ នៅចំ ណុចរង្វង់មូលត្រើង ស្ថិតក្នុងភូមិខែលជ័យ ឃុំអូរស្វាយ ស្រុកកំពង់សៀម។
ក្មេងទំនើងដែលត្រូវបានកម្លាំងជំនាញអាវុធហត្ថចាប់ឃាត់ខ្លួន មានឈ្មោះសុខុម ករុណាពេជ្រ ភេទប្រុស អាយុ១៦ឆ្នាំ មុខរបរជាងឡាន រស់នៅភូមិក្រសាំងពុល ឃុំមៀន ស្រុកព្រៃឈរ។
តាមប្រភពមន្ត្រីកងរាជអាវុធហត្ថខេត្ត បានឱ្យដឹងថា មុនពេលកើតហេតុ កម្លាំងមូលដ្ឋានកងរាជអាវុធហត្ថស្រុកកំពង់សៀម បានចុះល្បាតក្នុងភូមិសាស្ត្រស្រុកកំពង់សៀម ពេលនោះបានឃើញក្មេងទំនើងម្នាក់ កំពុងប្រព្រឹត្តសកម្មភាពជិះម៉ូតូ ០១គ្រឿង ម៉ាក Suzuki Riders ពណ៌សលាយខ្មៅ គ្មានស្លាកលេខ ជិះម៉ូតូដោយប្រើប្រាស់បំពង់ស៊ីម៉ាំងកែច្នៃខុសបច្ចេកទេស បំពងសំឡេងលាន់រំពង ធ្វើឱ្យមានការរំខានដល់ប្រជាពលរដ្ឋនៅក្នុងភូមិ។ប្រភពដដែល បានបន្តថា ភ្លាមនោះកម្លាំងសមត្ថកិច្ចបានហៅឱ្យឈប់ ដើម្បីធ្វើការសាកសួរ ហើយជាលទ្ធផល អ្នកបើកបរម៉ូតូ ឈ្មោះសុខុម ករុណាពេជ្រ និងម៉ូតូ ១គ្រឿងខាងលើ ត្រូវបានកម្លាំងជំនាញ បញ្ជូនទៅកាន់បញ្ជាការដ្ឋានកងរាជអាវុធហត្ថខេត្ត ដើម្បីអនុវត្តតាមនីតិវីធី៕