អាមេរិក៖តារាចម្រៀងសាន់ដេសួន លីនដា បានហោះទៅអាមេរិកដោយចាប់ដៃជាមួយម្ចាស់បទ«លក់ស្រែចូលបា » លោកមិញ សុធីវណ្ណ និងតារាប្រុស២ដួងទៀតគឺលោកគង់ ឌីណា និងលោកវណ្ណារ៉ា ច្រៀងសម្ដែងឆ្លងឆ្នាំសកលនៅទីក្រុងឡូវែល(Lowell) សហរដ្ឋអាមេរិកនៅថ្ងៃទី៣១ ខែ១២ ឆ្នាំ២០២៤ ដើម្បីអបអរពិធីឆ្លងឆ្នាំសកល២០២៤ ឈានចូល២០២៥ ។នេះមិនមែនជាលើកទី១ឡើយ សម្រាប់លីនដា តែជាញឹកញាប់ណាស់មកហើយ ដែលនាងចេញទៅច្រៀងរកលុយនៅបរទេស ខណៈដែលទីផ្សារក្នុងស្រុកវិញនាងមិនសូវសកម្មដូចតារាល្បីៗផ្សេងទៀតឡើយ ។
គួរបញ្ជាក់ថាអំឡុងពេលដែលលីនដា ចេញទៅច្រៀងសម្ដែងនៅអាមេរិកនេះដែរ ចំពេលដែលតារាជាច្រើនរបស់សាន់ដេកំពុងតែជាប់ដៃកើបលុយក្នុងស្រុក តែលីនដា ហោះទៅបរទេសដើម្បីប្រមូលលុយដុំតែម្ដង។តាំងពីប្រឡូកក្នុងសិល្បៈមកលីនដា ជាតារាចម្រៀងម្នាក់ដែលត្រូវបានឪពុកតាមនាងស្អិតគ្រប់ជំហ៊ាន ទើបមិនធ្លាប់លេចឭថានាងមានគូស្នេហាឡើយ តែការទៅអាមេរិកនេះគ្មានឪពុកនាងជូនទៅដូចការចេញច្រៀងតាមឆាកក្នុងស្រុកទេ ។គេចាំមើលថាលីនដា ក្រៅពីប្រមូលបានលុយដុំនាងអាចរកបានសង្សារជាបុរសនៅអាមេរិកឬអត់ ខណៈដែលមានតារាខ្មែរជាច្រើនដួងមកហើយជ្រើសគូស្នេហ៍ជាបុរសខ្មែរអាមេរិកមានដូចជាគឹម លក្ខិណា ,វ៉េត រតនា ,សារ៉ាយ សក្ខណា និងយ៉ាន់ ស្រីពេជ្រ ជាដើម ៕
