Sk មានអង្គរក្សបេះដូង

ភ្នំពេញ៖នៅលើឆាកតន្រ្ដីហនុមានកាលពីពេលថ្មីៗនេះតារាចម្រៀងសុខ វិបុល ហៅStep បានសារ​ភាព​ស្នេហ៍ស្រីស្អាតSK ជាសាធារណៈដែលធ្វើឲ្យស្រីស្រស់​អៀនឡើងនិ​យា​យ​រដាក់រដុប​។លោក​Step ដែលជាប្អូនប្រុសរបស់ពិធីករលោកសុខ សេរីវឌ្ឍនា នោះថែម​ទាំង​ប្រកាសថា​លោក​បាន​​ស្រលាញ់នាងSK រយៈពេល៣ឆ្នាំមកហើយ ដែលការនិយាយចំៗបែប​នេះកម្រមានតារា​ផ្សេងៗ​ទៀតធ្វើដូចតារាហង្សមាសរូបនេះណាស់ ។ប៉ុន្ដែគេអាចយល់​បាន​ថា​នេះមិនមែន​ជា​រឿងចៃដន្យនោះទេ តែលោកStep អាចមានចេតនាចង់ឲ្យប្រុសៗ​ទាំងឡាយ​បានដឹងថា​នាង​ហៀង ហៅSK មិនមែនបេះដូងនៅទំនេរឡើយ គឺមានម្ចាស់បេះដូងហើយ​ដែល​ប្រុសជាអង្គ​រក្សបេះដូងនាងនោះជារូបលោកផ្ទាល់តែម្ដង ។គេជឿថាក្រោយលោកStep ចេញការពារផង សារភាពស្នេហ៍ផងលើស្រីស្អាតSK នេះប្រាកដជាធ្វើឲ្យប្រុសៗដែល​តាមប្រ​ម៉ាញ់បេះដូង​នាង​នោះអាចដកឃ្លាថយមួយជំហ៊ានវិញជាមិនខាន ព្រោះ«ស្នេហ៍មិនឈ្នះស្និត » ។ប៉ុន្ដែគេចាំ​មើល​​ថាតើលោកStep អាចយកឈ្នះដុំដុល្លារដែលប្រុសអ្នកមានចង់ជះលើនាង​SK បានដែរ​យ៉ាងណា ?

គេកត់សម្គាល់ថានាងSK បានក្លាយទៅជាស្រីស្អាតម្នាក់របស់ហង្សមាស​ក្រោយពីនាង​រ៉េត ស៊ូហ្សាណា ដើរចេញ ហើយបើទោះជាសម្លេងនាងមធ្យមមែន តែគេចាប់អារម្មណ៍លើស្រី​ស្រ​ស់​រូបនេះច្រើនទើបធ្វើឲ្យនាងមានទីផ្សារស្ពតពាណិជ្ជកម្មលេចមុខជាបន្ដបន្ទាប់ បើទោះជា​នាង​ទើបហក់ចូលហង្សមាសរយៈពេលខ្លីក្ដី ។ប្រភពបានឲ្យដឹងថាក្រៅពីប្រកាស​ថាខ្លួន​សុំ​ស្នេហ៍​ស្រីស្អាតSK មុនគេនោះ លោកStep ដែលជាអ្នកធ្វើបទចម្រៀងឲ្យនាងច្រៀង​ក៍មាន​គម្រោងឡង់សេស្រីស្រស់មួយក្រឺតទៀតតាមរយៈការថតភាពយន្ដជាមួយគ្នាដែលមានការគាំទ្រពីថៅកែហង្សមាសផងដែរ ។

សូមរំលឹកថាមិនមែនជាលើកទី១ឡើយដែលលោកStep ច្រើនតែឆ្លៀត​ឱកាសសារ​ភាព​​ស្នេហ៍ស្រីស្អាតSK លើឆាកតន្រ្ដីនោះតែជាញឹកញាប់មកហើយ ខណៈដែលពួកគេ​ក៍តែង​តែសាសងស្នេហានៅក្រៅឆាកយ៉ាងស្អិតល្មូតផងដែរ ។បញ្ហានេះលោករ៉េ អ្នកគ្រប់​គ្រង​ផលិត​កម្មGenMusix ធ្លាប់ប្រាប់អ្នកយកព័តមានយើងថាវាជារឿងឯកជន​របស់ពួកគេលោក​មិនអាច​និ​យាយរឿងនេះបានឡើយ ។

SK ត្រូវបានគេស្គាល់តាមរយៈបទ«សំខាន់ច្រើននាក់ » ,«រក្សាគម្លាត »និងថ្មីៗនេះ​ទើប​ចេញបទ«ថ្ងៃមួយ» ដែលនាងចាប់ដៃគូជាមួយលោកStep  ។នាងSK អាចល្បីទៅមុខ ឬនៅ​ទ្រឹង គឺមួយផ្នែកលោកStep ជាអ្នក កំណត់ ព្រោះលោកជាអ្នកនិពន្ធទំនុក​ច្រៀងនិង​Melody ឲ្យ គឺដូចគ្នាទៅនិងនាងទេព បូព្រឹក្ស មានម្ចាស់ស្នេ ហាងួន ចាន់ដេវីត នៅក្រោយខ្នង​ដែរ ។ចំ​ណែក​Fan បានលើកឡើងថានាងSK មានត្រេមុខស្រដៀងទៅនិងកំពូលសម្រស់​នាង​Jisoo សមាជិករបស់ក្រុម ចម្រៀង Blackpink ខណៈដែលលោកStep វិញនិយមតែងខ្លួន ឬខ្លះ​ថាលោកCopy ស្ទីលរបស់តារាល្បីកូរ៉េលោកRain ហេតុនេះស្រីស្រស់ ប៉ះប្រុសរូបសង្ហារ បើក្លាយ​ទៅ​ជាគូ​ស្នេហាពិតប្រាកដជាលើកគ្នាទៅវិញទៅមកជាមិនខាន ។តែអ្នកជំនាញសិ​ល្បៈ​បាន​លើក​ឡើង​​ថារយៈពេលចុង ក្រោយនេះហង្សមាសពិតជាចម្លែកមែន ព្រោះព្រលែង​តារាខ្លាំង​ៗចេញ​សឹងតែអស់ តែបែជាព្យាយាមលើកស្រីស្អាតសាច់សខ្ចីដូចបណ្ដូលចេក​នាង​SK ដែលទឹក​ដមសម្លេង​ត្រឹម​មធ្យម​​ទៅវិញ ។

ក្រៅពីSK តារាដែលផាត់ចោលសំណើរស្នេហ៍មន្រ្ដីធំ តែជ្រើសប្រុសស្នេហ៍ជាតារា​ដូច​គ្នាមានដូចជាអ្នកនាងសែម ឆវី ,ប៉ាច គីមមួយ ,ពេជ្រ សោភា ,ទេព បូព្រឹក្ស ,ម៉ានីកា ,ឈិន មុនីនាថ ,កុល ដាវី និងសួស វីសា ជាដើម ៕