ភ្នំពេញ៖នៅលើបណ្ដាញសង្គមនៅព្រឹកថ្ងៃទី១១ ខែ២ នេះមានការចែកចាយ(Share) រឿងតារាសម្ដែងជើងចាស់លោកចា រិទ្ធី ដោយថែមទាំងមានការចាត់ទុកថាលោកជាតារាសម្ដែងតែ១គ្មាន២ សាកសមបំផុតគឺលើរឿងតួអ្នកមាន«ចិញ្ចឹមស្រីក្មេង»។
ការលើកឡើងបែបនេះដោយភ្ជាប់ជាមួយលោកចា រិទ្ធី ថតបទលោកអាន គុណកូឡា «ស្រលាញ់បង អោយដូចបងស្រលាញ់អូនបានទេ?» ដែលឈុតឆាកនោះលោករិទ្ធី ដណ្ដើមសង្សារកូឡា ចិញ្ចឹមស្រីក្មេងនោះលួចលាក់ ប្រើទឹកលុយជះលើនាង ដោយមានទាំងអង្គរក្សហែហមការពារតារាជើងចាស់រូបនេះមិនឲ្យកូឡា ធ្វើអ្វីកើតលើលោកទៀតផង។ដោយមើលឃើញពីទេពកោសល្យរបស់លោករិទ្ធី ដ៍ប៉ិនប្រសព្វលេងឈុតចិញ្ចឹមស្រីក្មេង សាកសមបែបនេះហើយទើបអ្នកលេងបណ្ដាញសង្គមបានជូនពានទៅតារាវ័យជិត៦០ឆ្នាំរូបនេះថាលោកវ៉ាដាច់គេហើយឈុតចិញ្ចឹមស្រីក្មេងនោះមិនអាចអ្នកណាលេងសមដូចតារាជើងចាស់រូបនេះឡើយ ។
ហ្វេសបុកឈ្មោះSreyngim Bou ខមិនថា «សមណាស់ ព្រោះសាច់ឈាមមុខមាត់គាត់ ក្រអត់កើតទេ » ។ហ្វេសបុកឈ្មោះBong Thom ខមិនថា«មិនឲ្យសមយ៉ាងម៉េច បើលោកបង ធ្លាប់ចិញ្ចឹមស្រីមែនហ្នឹង » ។ហ្វេសបុកឈ្មោះក្មេង ស្រែ ខមិនថា«ក្រៅសាច់រឿង ក៍មិនអន់ដែរតាមមើល » ។ហ្វេសបុក ឈ្មោះសុខបញ្ញា សាក់ ខមិនថា«នៅតាអាចារ្យអេមួយទៀត »។ហ្វេសបុកឈ្មោះសារីរតនាតា ខមិនថា«មែនតើ សម្ដែងសមជាងគេរឿងចិញ្ចឹមស្រីក្មេង »។
លោកគឹម ផល្លី អ្នកដឹកនាំសម្ដែងMV បទ«ស្រលាញ់បង អោយដូចបងស្រលាញ់អូនបានទេ?» របស់សាន់ដេ បានប្រាប់«នគរធំ » តាមទូរស័ព្ទកាលពីរសៀលថ្ងៃទី១១ ខែ២ ថាលោកបានធ្វើការជាមួយលោកចា រិទ្ធី តាំងពីឆ្នាំ២០១៨ ម្លេះ ហើយបទដែលលោកហៅលោករិទ្ធី សម្ដែងគឺស្ទើតែទាំងស្រុងជាបទឲ្យគាត់លេងជាតួអ្នកមាន បងធំ បែបចាស់ស្ទាវ ចិញ្ចឹមស្រីក្មេងៗហ្នឹងតែម្ដង។លោកផល្លី បន្ថែមថាលោករិទ្ធី ពិតជាសម្ដែងសាកសមមែនរឿងតួមានអង្គរក្ស ការពារ ហែហមគាត់ ហើយគាត់ចិញ្ចឹមស្រីក្មេង ។លោកថាឲ្យតែមានចម្រៀងបទណាលោកដឹកនាំសម្ដែងមានឈុតទាំងនោះគឺត្រូវតែអញ្ជើញគាត់មកសម្ដែង ហើយគាត់មិនដែលបដិសេធទេលេងឈុតនោះទេ ។អ្នកដឹកនាំសម្ដែងសាន់ដេរូបនេះក៍ឆ្លៀតសរសើរលោកចា រិទ្ធី ដែរថាទោះជាគាត់ជាតារាជើងចាស់ មានបទពិសោធន៍ច្រើន ជីវភាពធូធារយ៉ាងណាក៍ដោយតែលោករិទ្ធី ធ្វើការគោរពពេលវេលាណាស់ គឺមានតែទៅចាំយើងមុន ហើយលោករិទ្ធី ថតសម្ដែងលេងម៉ាអស់ៗដើម្បីឲ្យសាកសមទៅនិងសាច់រឿង ហេតុនេះក្រោយៗបើមានបទណាលោកត្រូវដឹកនាំទាក់ទងរឿងមានប្រុសអ្នកមានចិញ្ចឹមស្រីទៀតលោកនឹងហៅលោករិទ្ធី មកសម្ដែងជាថ្មី ព្រោះមានតែគាត់ទេលេងឈុតមួយនេះសមជាងគេ ។
ប្រភពខ្លះថាលោកចា រិទ្ធី នៅក្រៅឆាកក៍មានស្រីក្មេងៗចង់ឲ្យលោកចិញ្ចឹមដូចក្នុងMV ដែរ ដែលបញ្ហានេះធ្វើឲ្យលោករិទ្ធី ពិបាកទទួលសំណើរព្រោះថាលោកមានប្រពន្ធកូនពីរនាក់(ស្រី១)ដែលមានកូនប្រសារពីរនាក់ដែរហើយ អីចឹងបើគិតតែឆ្លើយOK ចិញ្ចឹមស្រីក្មេងដូចខារ៉ាអូខេនោះច្បាស់ជាធ្វើឲ្យកាន់តែរវល់ច្រើនទៅលើការផ្គត់ផ្គងជួយស្រីក្មេងៗនោះជាងការរសកស៊ីផ្នែកសណ្ឋាគារនិងផ្ទះសំណាក់ជាមិនខាន ។គេចាំបានថាលោកចា រិទ្ធី ដែលធ្លាប់ដឹកនាំការប្រគុំតន្ត្រីប៉ុស្ដិ៍លេខ៥ និងSeatv នោះក៍ធ្លាប់ត្រូវបានគេចោទលោកថាសម្រាប់តារាស្រីស្អាតក្មេងៗចង់ឡើងច្រៀងទាល់តែឲ្យខ្លួនលោកទើបលោកសារ៉េឲ្យឡើងឆាកទៀតផង ដែលពាក្យនេះលោកធ្លាប់និយាយថាជារឿង«អគតិបំផុត»សម្រាប់លោក »។
យ៉ាងណាមជ្ឈដ្ឋានមហាជនចាំមើលថាក្រោយអ្នកលេងហ្វេសបុកឲ្យពានលេខ១ទៅលោកចា រិទ្ធី រឿងសម្ដែងសមជាងគេឈុតចិញ្ចឹមស្រីក្មេងនោះមកនៅក្រៅឆាកលោករិទ្ធី ហ៊ានចិញ្ចឹមស្រីដូចក្នុងMV ឬយ៉ាងណា ?
