នៅលើបណ្ដាញសង្គម Facebook និង Instagram កាលពីថ្ងៃអង្គារទី ២២ កុម្ភៈ ២០១៧ តារាឆ្នើមរបស់ Real Madrid គឺកីឡាកររ៉ូណាលដូ បានថតបង្អួតថយន្តស៊េរីទំនើប១គ្រឿងម៉ាក Bugatti Veyron ។ Bugatti Veyron ត្រូវបានគេចាត់ទុកថាជារថយន្តលឿនបំផុតលើលោក គឺមានមានល្បឿន៤៣១គីឡូម៉ែត្រក្នុង១ម៉ោង ហើយតម្លៃរបស់វាគឺ ១,៧លានផោនស្មើនឹង២,១២លានដុល្លារ ។ រថយន្តនេះផលិតដោយក្រុមហ៊ុនអាល្លឺម៉ង់ Bugatti Automobiles S.A.S។
គួររំឮកថា កីឡាកររឆ្នើមប្រចាំឆ្នាំ ២០១៦ រូបនេះបានទិញរថយន្តទំនើប តាំងពីទើបចប់ការប្រកួតពានរង្វាន់យូរ៉ូ២០១៦ ។ក្រៅពីរថយន្តទំនើបមួយគ្រឿងនេះ កីឡាករសញ្ជាតិព័រទុយហ្គាល់ មានរថយន្តទំនើបៗជាច្រើនគ្រឿងថែមទៀត៕
ដោយ៖ ហេង ដេត