ភ្នំពេញ៖មាស សុខសោភា បានលេងម៉ូដសក់ថ្មីនៅចុងខែ២នេះគឺព័ណលឿង ដែលមើលទៅមិនចាញ់យុវវ័យឡើយ បើទោះជានាងមានអាយុជាង៤០ឆ្នាំទៅហើយក្ដី ។អ្វីដែលគួរឲ្យក្នក់ក្នាញ់នោះគឺសុខសោភា បញ្ចេញគល់សុដន់កាន់តែទ្រលុកទ្រលន់ ធ្វើឲ្យរូបសម្រស់នាងកើនការចាប់អារម្មណ៍ថែមមួយកម្រិតទៀត ។ប៉ុន្ដែទាំងការស្លៀកពាក់ លេងម៉ូដសក់របស់សោភា មានការគាំទ្រច្រើនជាងរិះគន់ ព្រោះនាងធ្វើខ្លួនទៅតាមពេលវេលា ខណៈប៉ុន្មានឆ្នាំចុងក្រោយនេះសោភា ក៍មិនធ្លាប់ថតពាក់អាវវ៉ែនតាខ្មៅ ចំហនាំឲ្យស្រីៗនៅខេត្តតាកែវជិះម៉ូតតាមផ្លូវធ្វើតាមនាងរហូតផ្អើលដល់ម៉ៃ សុគន្ធ ចេញមុខប្រតិកម្មដូចលើកមុនទៀតដែរ ។
ទាក់ទងការបញ្ចេញគល់សុដន់គួរឲ្យចង់គយគន់របស់មាស សុខសោភា នេះដែរមិនមានដំណឹងថានាងបានកែពង្រីកដើមទ្រូងនោះទេ ព្រោះកន្លងមកគេដឹងថានាងបានកែតែច្រមុះប៉ុណ្ណោះ ស្របពេលដែលសា្វមីនាងលោកអ៊ឹត រ៉ាដា វិញទោះជានាងស្លៀកពាក់ស៊ិចស៊ីយ៉ាងណា ឬលេងម៉ូដសក់ម៉េចក៍លោកមិនដែលជំទាស់ទេ គឺតែងតែគាំទ្រនិងលើកទឹកចិត្តដល់ភរិយាគ្រប់ពេលវេលាទាំងអស់ ដែលបញ្ហានេះហើយធ្វើឲ្យសោភា ចេញសារនៅថ្ងៃខួបអាពាហ៍ ពិពាហ៍ រៀងរាល់ថ្ងៃទី២៨ ខែ១២ ដោយសរសើរប្ដីថាជាបុរសម្នាក់ដែលហ៊ានលះបង់អ្វីៗគ្រប់បែបយ៉ាងទាំងអស់ដើម្បីនាង។
សូមបញ្ជាក់ថាមាស សុខសោភា បានច្រៀងផលិតកម្មខ្លួនឯងCamtraxMusic ឈានចូលឆ្នាំទី២ហើយក្រោយនាងដើរចេញពីរាម ដោយមិនអើពើទៅនិងផលិតកម្ម៣ផ្សេងទៀតដែលរងចាំត្រងយកនាងគឺGalaxy ,ហង្សមាស និងថោន នោះឡើយ ។អ្វីដែលសោភា បង្ហាញឲ្យតារាអាជីពផ្សេងទៀតបានឃើញច្បាស់នាពេលនេះថាទោះជានាងលែងច្រៀងផលិតកម្មធំដែលមានបុគ្គលិគគ្រប់ផ្នែកចាំជួយដូចមុនមែន តែនាងនៅតែល្បី និងមានទីផ្សារ ។សកម្មភាពរបស់សុខសោភា បែបនេះហើយនាំឲ្យតារាជាច្រើនទៀតបានដើរតាមគន្លងរបស់នាងដូចជាអតីតតារាហង្សមាសពេជ្រ សោភា ,សុគន្ធ និសា ,ពេជ្រ សូលីកា ,ទេព បូព្រឹក្ស និងវី ឌីណែត ជាដើមពេលនេះបានងាកមកផលិតបទចម្រៀងដោយខ្លួនឯង មិនចូលទ្រនុំថ្មីទេ ។ប៉ុន្ដែយ៉ាងណាអ្នកជំនាញសិល្បៈព្រមានសុខសោភា ថាបើសិនជានាងនៅតែច្រៀងបទចាស់ៗឡើងវិញច្រើនជាងបទថ្មី តាមកម្មវិធីធំៗនោះអាចធ្វើឲ្យនាងពិបាកទប់ទល់ជាមួយតារាជើងថ្មីៗដែលពួកគេចេញបទថ្មីៗសឹងតែជារៀងរាល់ថ្ងៃនោះជាមិនខាន ។
អ្នកលេងបណ្ដាញសង្គមបានលើកឡើងថាទោះជាឆ្នាំថ្មីមាស សុខសោភា លេងខ្លួនបែបស្ទាវបន្ដិចមែន ប៉ុន្ដែតារាបានប្ដីអាណិកជនខ្មែរកាណាដារូបនេះនៅតែដក់ជាប់ទៅនិងអបិយជំនឿ និងជាអ្នកកាន់ព្រះពុទ្ធសាសនាយ៉ាងខ្ជាប់ខ្លួនផងដែរ ក្រោយនាងបានជួបអង្គហាឦស្វរៈសិមោក្ខ- ពេជ្រ សង្វារវង្ស ហៅលោកតាសក់សភ្នំត្បែង ។ប្រភពថាសោភា ថែមទាំងចេះចាំធ័ម ព្រះពុទ្ធជាច្រើនផងដែរ តាមរយៈការអានសៀវភៅធ័ម និងការផ្ដល់ដំបូន្មានពីលោកតាសក់សភ្នំត្បែង ។
មាស សុខសោភា បានអំពាវនាវឲ្យFan នាងស្វែងយល់ទាក់ទងសភាវធម័នោះ ថា« តោះបងប្អូនរៀនចំរើននាមព្រះដោយយកចិត្តបរិសុទ្ធមេត្តាករុណាសង្វែកដល់សភាវធម៌ជុំវិញខ្លួនរួចហើយនិងអថិដ្ថាន នាមព្រះឥ តិ បិ សោ ភ ក វា ពុទ្ធោ ភ ក វា សូត្រ 21 រឺ សូត្រ108 ដងនោះ »។
អ្នកចូលចិត្តស្ដាប់ចម្រៀងមាស សុខសោភា ប បានលើកឡើងថាមាស សុខសុខភា និងពេជ្រ សោភា ស្រលាញ់រាប់អានគ្នាណាស់ ព្រមទាំងមានកេរ្ដិ៍ឈ្មោះល្បីដូចគ្នា ប៉ុន្ដែតារាទាំងពីរកាន់សាសនាផ្សេងគ្នា។សុខសោភា ជឿស៊ប់ទៅនិងអបិយជំនឿនិងព្រះពុទ្ធសាសនា ខណៈដែលសោភា ជាគ្រីស្ទានជាង២០ឆ្នាំទៅហើយ ។
គេចាំមើលថាមាស សុខសោភា ក្រោយលេងខ្លួនអាយុ១៨ឆ្នាំនៅដើមឆ្នាំ២០២៥ នេះនាងកាន់តែល្បីថែមទៀត ហើយអាចមានដំណឹងរៀបការជាលើកទី៣ ដែរឬទេ ?