Saturday, March 29, 2025
Homeសន្ដិសុខសង្គមសន្តិសុខសង្គមឆ.../បោកលក់សាច់អនឡាញ ជា---/ប់ខ្នោះ

ឆ…/បោកលក់សាច់អនឡាញ ជា—/ប់ខ្នោះ

ភ្នំពេញៈ កម្លាំងនាយកដ្ឋាននគរបាលទេសចរណ៍ នៃអគ្គស្នងការដ្ឋាននគរបាលជាតិ បានចាប់ខ្លួនបុរសម្នាក់ ដែលបង្កើតទំព័រហ្វេសប៊ុក (Facebook Page) ក្លែងក្លាយ ដើម្បីបោកប្រាស់អ្នកដទៃ ក្រោមរូបភាពផ្គត់ផ្គង់សាច់ តាមហាង តែនៅពេលទទួលលុយកក់ហើយ បានប្រើគ្រប់មធ្យោបាយដើម្បីផ្តាច់ទំនាក់ទំនងជាមួយជនរងគ្រោះ ក្នុងនោះមានទាំងជនបរទេសផងដែរ ដែលរងគ្រោះ។

ការចាប់ខ្លួននេះ ធ្វើឡើងដោយអនុវត្តតាមបទបញ្ជា និងការចង្អុលបង្ហាញពីនាយឧត្តមសេនីយ៍ ស ថេត អគ្គស្នងការនគរបាលជាតិ។

លោកឧត្តមសេនីយ៍ឯក រុន រ័ត្នវាសនា ប្រធាននាយកដ្ឋាននគរបាលទេសចរណ៍ បានឱ្យដឹងថា ជនសង្ស័យដែលកម្លាំងជំនាញចាប់ខ្លួន ឈ្មោះគឹម រដ្ឋា អាយុ៣៧ឆ្នាំ មានលំនៅ ភូមិខ្នាចខាងជើង ឃុំបឹងត្រាញ់ខាងជើង ស្រុកសំរាង ខេត្តតាកែវ។

លោកបានអះអាងថា ជនល្មើសរូបនេះ បង្កើត Facebook Page ជាច្រើនដើម្បីបោកប្រាស់ប្រជាពលរដ្ឋ ក្នុងនោះមានទាំងភ្ញៀវបរទេសផងដែរ។ ចំពោះ Facebook Page ទាំងអស់នោះ រួមមាន ៈ សែនជ័យ ដង្ខៅជ្រូកសាច់។ សេវាកម្មទិញលក់ កសិផល និងផលិតផលកសិកម្មកម្ពុជា។ CAM-Growth Agri-Services Company។ សេវាកម្មផ្គត់ផ្គង់មាន់ និងទាសាច់ គ្រប់ប្រភេទ។ សេវាកម្ម ទិញលក់មាន់ស្រែកម្ពុជា។ សេវាកម្មទិញលក់មាន់គ្រប់ប្រភេទ និងគណនីហ្វេសប៊ុក ឈ្មោះ Ratha Kim ។ Ratha Kim (ដង្ខៅកសិកម្ម)។  ពាយ័ព្យដេប៉ូបោះដុំជ្រូកកណ្តុរ។ សែនជ័យ ដង្ខៅជ្រូកសាច់។ សេវាកម្មទិញលក់ មាន់ស្រែកម្ពុជា និងបានបង្កើត Facebook Pages និង Accounts ក្លែងក្លាយជាច្រើនទៀត ព្រមទាំងបណ្តាញតេឡេក្រាម (Telegram) ដើម្បីឆបោកលុយ ពីជនជាតិបរទេស និងប្រជាពលរដ្ឋខ្មែរស្លូតត្រង់ ជាច្រើនករណី។

ក្រោយពីជំនាញសាកសួរ ជនល្មើសរូបនេះ បានសារភាពទទួលស្គាល់ថា ខ្លួនពិតជាបានធ្វើការឆបោកលុយពីជនជាតិខ្មែរ និងជនបរទេស ជាច្រើនករណី តាមបណ្តាញសង្គម ប្រាកដមែន។

ដូច្នេះសូមជម្រាបជូនប្រជាពលរដ្ឋទាំងអស់ ដែលរងគ្រោះពីការឆបោកលុយរបស់ឈ្មោះគឹម រដ្ឋា អាចទំនាក់​ទំនងមកដាក់ពាក្យបណ្តឹងបន្ថែមបាន នៅការិយាល័យនីតិវិធី នៃនាយកដ្ឋាននគរបាលទេសចរណ៍ អគ្គស្នងការដ្ឋាននគរបាលជាតិ នៅរៀងរាល់ម៉ោងធ្វើការ។ សម្រាប់ ទំនាក់ទំនងក្នុងការដាក់ពាក្យបណ្តឹង សូមទូរស័ព្ទទៅ​កាន់លេខទូរស័ព្ទ តៀះលិនេ របស់ការិយាល័យនីតិវិធី 010 665 675 ៕

RELATED ARTICLES