ភ្នំពេញ:ស្រ្ដីជនជាិតហូរឡង់ម្នាក់ ខណៈកំពុងតែដើរតាមផ្លូវចេញពីហូបអាហារត្រលប់ទៅសណ្ធាគារវិញត្រូវបានជនសង្ស័យដែលមានគ្នា២នាក់បានធ្វើសកម្មភាពឆក់យកកាបូបស្ពាយ តែមិនបានសំរេច ហើយជនសង្ស័យទាំងពីរនាក់នោះក៍ត្រូវសមត្ថកិច្ចដេញឃាត់ខ្លួនបានភ្លាមៗផងដែរ ។ ហេតុការណ៍នេះបង្ករអោយមានការភ្ញាក់ផ្អើលនៅវេលាម៉ោង២០និង១៥នាទីយប់ ថ្ងៃទី២៧ ខែកុម្ភៈ ឆ្នាំ២០១៧ ចំនុចផ្លូវ៣១០កែងនិងផ្លូវ៦៣ សង្កាត់បឹងកេងកង១ ខណ្ឌចំការមន
ជនរងគ្រោះមានឈ្មោះ Talma verschuur Anglai ភេទស្រី ជនជាតិ ហូល្លង់ អាយុ២២ឆ្នាំ មុខរបរ ទេសចរណ៍នៅកម្ពុជា ស្នាក់នៅសណ្ធាគារ ក្នុងសង្កាត់បឹងកេងកង១ ខណ្ឌចំការមន ជនសង្ស័យមានឈ្មោះ ឈុន ជានាត ភេទប្រុស អាយុ១៩ឆ្នាំ មុខរបរជាងតុទូ ស្នាក់នៅភូមិកោះនរា សង្កាត់និរោធ ខណ្ឌច្បារអំពៅ (ជាអ្នកបើកម៉ូតូ )ចំនែកម្នាក់ទៀតមានឈ្មោះ ជា រ៉ា ភេទប្រុស អាយុ១៧ឆ្នាំ មុខរបរជាងតុទូ ស្នាក់នៅ សង្កាត់ផ្សារកណ្តាល១ ខណ្ឌដូនពេញ (ជាអ្នកឆក់)ដកហូតម៉ូតូ ម៉ាកស៊ុយសុគី និកពណ៌ខ្មៅលាយក្រហម ពាក់ស្លាកលេខ ភ្នំពេញ 1CG 0574 ដែលជនសង្ស័យជិះធ្វើសកម្មភាពចំនួនមួយគ្រឿង
តាមសម្ដីអ្នកបកប្រែ បានអោយដឹកថា ជនរងគ្រោះ គាត់បានចេញពីហូបអាហារនៅម្តុំហាងមួយនៅផ្លូវ៦៣ គោលបំណងត្រលប់ទៅសណ្ឋាគាររបស់ខ្លួនដែលនៅក្បែរនោះដោយ បានធ្វើដំណើរដោយថ្មើរជើង តាមផ្លូវ៦៣ក្នុងទិសដៅ ពីជើងទៅត្បូង ខណៈមកដល់ចំនុចកើតហេតុ ខាងលើ ក៏តែមានជនសង្ស័យ២នាក់ ជិះម៉ូតូមួយគ្រឿងម៉ាក ស៊ុយសុគីនិក ពណ៌ខ្មៅលាយក្រហម ពាក់ស្លាកលេខ ភ្នំពេញ1CG 0574 បានជិះមកជិតរួចអ្នកអង្គុយខាងក្រោយ បានធ្វើសកម្មភាពឆក់យកកាបូបស្ពាយ ពីរូបនាង តែមិនបានសំរេចបណ្តាលអោយរូបនាងដួលរងរបួសរលាត់ដៃជើង ហើយភ្លាមៗនោះជនសង្ស័យបានបន្ថែមល្បឿនម៉ូូតូបើករត់ តែស្របពេលនោះកម្លាំងសមត្ថកិច្ចដែលកំពុងតែល្បាតក្នុងមូលដ្ឋានឃើញហេតុការណ៍ជាក់ស្តែង បានបើកដេញតាមពីក្រោយ រួចហើយបានបោះដៃតាមវិទ្យុទាក់ទង អោយកម្លាំងគ្រប់បណ្ដាប៉ុស្តិ៍ តាមជួយស្ទាក់ចាប់ រហូតមកក្រោយនៅក្រសួងធនធានទឹកផ្លូវ៥០៨ សង្កាត់ផ្សារដើមថ្កូវ ខណ្ឌចំការមន ទើបកម្លាំងសមត្ថកិច្ចប៉ុស្តិ៍ផ្សារដើមថ្កូវដេញឃាត់ខ្លួនជនសង្ស័យសង្ស័យទាំង២នាក់ រួចហើយបាននាំខ្លួនទៅសាកសួរនៅអធិការដ្ធានខណ្ឌចំការមន ។ នៅចំពោះមុខសមត្ថកិច្ចជនសង្ស័យបានសារភាពថា ពួកគេពិតបានធ្វើសកម្មភាពឆក់យកកាបូបពីជនរងគ្រោះពិតប្រាកដមែន តែឆកមិនបានសំរេចក៍ត្រូវសមត្ថកិច្ចដេញឃាត់ខ្លួនបានតែម្តងទៅ ។
ក្រោយពេលកើតហេតុ ជនសង្ស័យបានមកដាក់ពាក្យបណ្ដឹងនៅអធិការដ្ធានខណ្ឌចំការមន ហើយរបស់របរដែលនៅកាបូបស្ពាយ គឺមានទូរស័ព្ទម៉ាកអាយហ្វូន៥មួយគ្រឿង កាម៉ាមួយ ប៉ាស្ព័រមួយសន្លឹក ម៉ាស៊ីនគិតលេខមួយ ព្រមទាំងសោរបន្ទប់មួយ ហើយសភា:ទាំងអស់នេះគឺមិនបានបាត់បង់នោះទេ ។
ដោយជនសង្ស័យវិញត្រូវបានជនសង្ស័យកសាងសំណុំរឿងនិងឃុំខ្លួនបណ្ដោះអាសន្ននៅអធិការដ្ធានខណ្ឌចំការមន ដើម្បីបញ្ជូនខ្លួនទៅតុលាការ៕