តាមប្រភពព័ត៌មានពីវិទ្យុអេស្ប៉ាញ ផ្សាយកាលពីថ្ងៃអង្គារទី៧ មីនា ២០១៧ បានឲ្យដឹងថា ក្លឹបស្តេចដំរី ស Real Madrid បានបង្ហាញចំណាប់អារម្មនណ៍ ចង់បានកីឡាករខ្សែប្រយុទ្ធ Eden Hazard ពីក្លឹបតោខៀវ Chelsea សម្រាប់រដូវកាលដោះដូរ ខាងមុខនេះ។
បន្ទាប់ពីទទួលបានដំណឹងនេះ កីឡាករ Hazard បានបង្ហាញការរំភើបចិត្តយ៉ាងខ្លាំង ស្របពេលដែលរូបគេកំពុងតែចង់ចាកចេញពីក្លឹប Chelsea ផងដែរ។
រហូតមកដល់ពេលនេះ កីឡាករវ័យ២៦ឆ្នាំ រកគ្រាប់បាល់ឲ្យតោខៀវ Chelsea បាន១០ គ្រាប់ ក្នុងការបង្ហាញវត្តមាន២៥ប្រកួត ។
ប្រភពព័ត៌មានដដែលនោះក៏បានឲ្យដឹងទៀតថា កីឡាករ Hazard គឺជាអាទិភាពទី១ក្នុងបញ្ជីទិញដូរកីឡាកររបស់ Real Madrid ។ ក្លឹប Real Madrid អាចនឹងដោះដូរកីឡាករ Hazard ជាមួយកីឡាករ James Rodriguez ។
ការសម្លឹងចង់បានកីឡាករសញ្ជាតិបែលហ្ស៊ិករូបនេះបានកើតឡើបន្ទាប់ពី កីឡាករ Isco និង James Rodriguez អាចនឹងចាកចេញពីក្លឹបនេះនៅដំណាច់រដូវកាលនេះ។
កីឡាករ Hazard បានចូលមករួមរស់ជាមួយតោខៀវ Chelsea តាំងពីឆ្នាំ២០១២ បន្ទាប់ផ្លាស់មកពីក្លឹបបាល់ទាត់បារាំង Lille ។ នៅជាមួយក្លឹបនេះ ធ្លាប់ស៊ុតបាល់បាន៥២ គ្រាប់ ក្នុងការបង្ហាញវត្តមាន១៦៤ប្រកួត។
ដោយ៖ ហេង ដេត