ភ្នំពេញ ៖ ស្រ្តី២នាក់ បាននាំគ្នាទៅទិញម្សៅលាបមុខនៅផ្សារអូដឹមទុកមួយសន្ទុះចោរលួចកាច់កយក ម៉ូតូបាត់ បង្កអោយមានកាភ្ញាក់ផ្អើលនៅវេលាម៉ោង៦និង៣០នាទីនៅផ្សារអូដឹម ស្ថិតនៅភូមិអង្គ សង្កាត់ចោមចៅ ខណ្ឌពោធិ៍សែនជ័យ។
ជនរងគ្រោះឈ្មោះម៉ែន ង៉ែតភេទស្រី អាយុ២៥ឆ្នាំ មុខរបររោងចក្រ ស្នាក់នៅភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ មានភូមិកំណើតនៅភូមិតាប៉ោ ឃុំសំឡី ស្រុកកំពង់រោទិ៍ ខេត្តស្វាយរៀង មានប្តីឈ្មោះ សំ សែត អាយុ២៨ឆ្នាំ មុខរបរកម្មកររោងចក្រ រស់នៅជាមួយគ្នា ។
ម៉ូតូដែលត្រូវជនសង្ស័យលួចម៉ាកហុងដាឌ្រីម សេរ៊ី២០១២ ពណ៌ខ្មៅ ពាក់ស្លាកលេខ ភ្នំពេញ.1BJ1985។
សមត្ថកិច្ចបានអោយដឹងថា បន្ទាប់ពីជនសង្ស័យលួចម៉ូតូបាត់ជនរងគ្រោះបានអោយប្តី
ទៅដាក់ពាក្យបណ្តឹងជំនួស តែដោយពេលសួរនាំប្មិនដឹងដំណើររឿងបានអោយហៅ ជនរងគ្រោះមកវិញ។
បើតាមប្រភពពត៌មានពីជនរងគ្រោះជាប្រពន្ធបាននិយាយថាមុនពេលកើតហេតុនាងបានទៅទិញម្សៅផាត់មុខជាមួយស្រ្តីម្នាក់ទៀតនៅផ្សារអូដឹមដោយចតម៉ូតូទុកនៅមុខផ្សារចាក់ សោកត្រឹមត្រូវហើយចូលទៅក្នុងផ្សារជាង១០នាទីលុះចេញមកវិញស្រាប់តែមិនឃើញម៉ូតូ ធ្វើឲ្យរូបគាត់ហួសចិត្តថាចោរអីក៏ប៉ិនលួចម្ល៉េះ ណាមួយនឹកស្តាយម៉ូតូជាទ្រព្យរបស់នាងពិបាករកប្រាក់ណាស់ទម្រាំសន្សំលុយទិញបានម៉ូតូមួយគ្រឿងនេះ ។
ក្រោយពេលកើតហេតុនាងព្រមទាំងប្តីរួមទាំងក្រុមគ្រួសារបានមកពាក្យបណ្តឹងប៉ុសិ៍្តនគរបាលរដ្ឋបាលចោមចៅដើម្បីអោយសមត្ថកិច្ចជួយអន្តរាគមន៍ ៕ ថោង ធីម