ភ្នំពេញ: ស្រ្តីជាជនសង្ស័យម្នាក់ ព្រមទាំងគ្រឿងញៀន៣កញ្ចប់តូចត្រូវបាន កម្លាំងសមត្ថកិច្ចប៉ុស្តិ៍ឃាត់ខ្លួនបានខណៈដែលជនសង្ស័យរូបនោះកំពុងតែឈរចែកចាយគ្រឿងញៀនរួចហើយបាននាំខ្លួនទៅសាកសួរនៅប៉ុស្តិ៍នគរបាលផ្សារដើមថ្កូវ
ហេតុការណ៍ឃាត់ខ្លួននេះបានធ្វើឡើងនៅវេលាម៉ោង ៩និង៣៥នាទីយប់ ថ្ងៃទី១០ខែមិនា ឆ្នាំ២០១៧ នៅចំណុចមុខដីឡូត៏គ្មានលេខ ផ្លូវ ៤៧៨ ក្រុម ២៤ ភូមិ ៣ សង្កាត់ផ្សារដើមថ្កូវ ខណ្ឌចំការមន
ជនសង្ស័យមានឈ្មោះ ពុំ ស្រីភណ្ឌ ភេទស្រីអាយុ២៣ឆ្នាំ មុខរបរ រើសអេតចាយ ស្នាក់នៅ ក្រោមស្ពានផ្សារទឹកខ្មៅ ក្រុងទឹកខ្មៅ មានស្រុកកំនើត នៅភូមិក្រពើហារ ក្រុងតាខ្មៅ
ដកហូតថ្នាំញៀនប្រភេទក្រាមពណ៌សរថ្លាចំនួន៣កញ្ចប់តូច
តាមសម្ដីលោកមេប៉ុស្តិបានអោយដឹកថា មុនពេលកើតហេតុ កម្លាំងសមត្ថកិច្ចប៉ុស្តិ៍ផ្សារដើមថ្កូវបានធ្វើការល្បាតក្នុងមូលដ្ឋាន ដើម្បីទប់ស្កាត់បទល្មើសផ្សេងៗនិងការពារសន្តិសុខជូនប្រជាពលរដ្ឋ ស្របពេលនោះក៏ប្រទះឃើញនារីម្នាក់កំពុង ឈររេរា នៅម្តុំដីឡូអត់លេខដោយមានការសង្ស័យកម្លាំងសមត្ថកិច្ចបានសុំធ្វើការត្រួតពិនិត្យនិងឆែកឆេរ ស្រាប់តែរកឃើញថ្នាំញៀនប្រភេទក្រាមពណ៌សរថ្លាចំនួន៣កញ្ចប់តូច ដែលជនសង្ស័យបានលាក់ទុកនៅក្នុងថង់មាស ឃើញដូច្នេះកម្លាំងបាននាំខ្លួនជនសង្ស័យព្រមទាំងវត្ថុតាងយកទៅធ្វើការសាកសួរនៅប៉ុស្ត៍នគរបាលផ្សារដើមថ្កូវ ។
នៅពេលសមត្ថកិច្ចសាកសួរជនសង្ស័យបានសារភាពថារូបនាងពិតបានជួញដូរនិងប្រើប្រាស់គ្រឿងញៀនទាំងនេះពិតប្រាកដមែន ហើយថ្នាំញៀននេះគឺរូបនាងបានយកឈ្មួញម្នាក់មកលក់បន្តក្នុងមួយកញ្ចប់តម្លៃ២ម៉ឺនរៀល តែថ្នាំញៀនទាំងនេះគឺរូបនាងមិនទាន់បានលក់ផងក៍ត្រូវសមត្ថកិច្ចឃាត់ខ្លួនបានតែម្តង ។
បន្ទាប់ពីសាកសួររួចជនសង្ស័យព្រមទាំងវត្ថុតាងត្រូវបានសមត្ថកិច្ចកសាងសំណុំរឿងបញ្ជូនខ្លួនទៅអធិការដ្ឋានខណ្ឌចំការមនដើម្បីចាត់ការបន្តទៀត៕ ណន រ៉ាត់