ភ្នំពេញ ៖ បុរសម្នាក់ស្រវឹងស្រាបើករ៉ឺម៉កម៉ូតូបុករថយន្តតាក់ស៊ីម៉ែត្រហើយចុះទៅរកវាយ អ្នកបើករថយន្តតាក់ស៊ីម៉ែត្រប៉ះចំអ្នកបើកជាកីឡាករប្រដាល់ជើងចាប់សៅប៊ុននឿនដាល់មួយដៃសន្លប់មួយសន្ទុះដឹងខ្លួនវិញស្វាងស្រា ដែលហេតុការណ៍នេះកើតឡើងកាលពីកាលវេលាម៉ោង១១និង៣០នាទីយប់ថ្ងៃទី១៥ខែមីនាឆ្នាំ២០១៧តាមបណ្តោយផ្លូវព្រះសីហនុកែងផ្លូវរដ្ឋសភាស្ថិតនៅក្នុងសង្កាត់ទន្លេបាសាក់ខណ្ឌចំការមន។
សាក្សីដែលឃើញហេតុការណ៍បានអោយដឹងថាមុនពេលកើតហេតុគេបានឃើញបុរសម្នាក់ដែលគេស្គាល់ថាជាកីឡាករប្រដាល់ជើងចាស់ សៅប៊ុននឿន បើករថយន្តតាក់ស៊ីម៉ែត្ររបស់ក្រុមហ៊ុនខ្មែរម៉ាកតូយ៉ូតាព្រូសពណ៌ត្រួយចេក ពាក់ស្លាកលេខភ្នំពេញ2AK4110តាមបណ្តោយផ្លូវព្រះសីហនុក្នុងទិសដៅលិចទៅកើតខណៈពេលមកដល់មកដល់រង្វង់មូលសម្តេចជួនណាតក៏ស្រាប់តែមានបុរសម្នាក់ជាអ្នករត់រ៉ឺម៉កម៉ូតូក្នុងស្ថានភាពស្រវឹងស្រាធ្វើដំណើរមកតាមបណ្តោយផ្លូវរដ្ឋសភាក្នុងទិសដៅពីត្បូងទៅជើង មិនបានបន្ថយល្បឿនអកហ្ស៊ឺជាមួយរថយន្តតាក់ស៊ីម៉ែត្ររេចង្កូតជ្រុលទៅបុកចំទ្វារខាងស្តាំបណ្តាលអោយក្រពិតទ្វារខាងស្តាំភ្លាមៗនោះដែលម្ចាស់រ៉ឺម៉កម៉ូតូចុះពីលើម៉ូតូចង់រករឿងវ៉ៃតៃកុងរថយន្តតាក់ស៊ីម៉ែត្រដែលជាកីឡាករប្រដាល់ជើងចាស់ត្រូវកីឡាករប្រដាល់សៅប៊ុននឿនវាយមួយដៃ
បណ្តាលអោយសន្លប់អស់មួយភាំងរងរបួសបែកមាត់។
ក្រោយពេលកើតហេតុម្ចាស់រ៉ឺម៉កម៉ូតូដឹងខ្លួនខុសបានសុំទោសកីឡាករសៅប៊ុននឿនតែដោយសាររថយន្តខូចខាតដែរកីឡាករដែលជាអ្នកបើករថយន្តទាមទារសំណងចំនួន50$អ្នកបើករ៉ឺម៉កម៉ូតូអត់មានប្រាក់សុំសង15$ដើម្បីបញ្ចប់រឿងនៅកន្លែងកើតហេតុ៕
ឥន សាន់ស៊ីដេ