ភ្នំពេញ ៖ ដើមក្ងោក១ដើម បានបាក់សង្កត់លើរថយន្ត៣គ្រឿងបន្ទាប់ពីមានខ្យល់ កន្រ្តាក់កាលពីវេលាម៉ោង៥និង៤០នាទីល្ងាចថ្ងៃទី១៥ ខែ មីនា ឆ្នាំ ២០១៧នៅចំណុចក្បែរវិមានឯករាជ តាមផ្លូវព្រះសីហនុ ស្ថិតនៅភូមិ៣ សង្កាត់ទន្លេបាសាក់ ខណ្ឌចំការមន ។
ប្រជាពលរដ្ឋដែលទៅហាត់ប្រាណនៅលើសួនច្បារក្បែរវិមានឯករាជបានប្រាប់អោយ ដឹងថានៅរសៀលនេះស្រាប់តែមានធ្លាក់ខ្យល់ខ្លាំងខុសពីធម្មតាធ្វើអោយពួកគាត់សឹងតែឈរហាត់ប្រាណមិនបានស្របពេលនោះស្រាប់តែបាក់ដើមក្ងោកមួយដើមសង្កត់លើរថយន្តចំនួន៣គ្រឿងដែលរថយន្ត២គ្រឿងចតម្ចាស់ទៅហាត់ប្រាណ និងរថយន្តមួយគ្រឿងទៀត កំពុងតែបើកបរតាមផ្លូវព្រះសីហនុទិសដៅពីលិចទៅកើតគឺរថយន្តម៉ាកវីហ្គោពណ៌ខ្មៅ ពាក់ស្លាកលេខភ្នំពេញ២M ៩១១៦បែកកញ្ចក់មុខនិងកញ្ចក់ចំហៀងចំណែករថយន្ត២គ្រឿងទៀតម៉ាកកូរ៉ូឡាពណ៌សពាក់ស្លាកលេខភ្នំពេញ២X ៦១១៥ខូចខាតផ្នែកខាងមុខតិចតួចនិងរថយន្តម៉ាកកាមរី ពណ៌ទឹកប្រាក់ពាក់ស្លាកលេខកំពង់ចាម២A ៦៥៦៨បែកកញ្ចក់ក្រោយដោយសារដើមក្ងោកសង្កត់ពីលើ។
មន្រ្តីសាលាខណ្ឌចំការមនបានបញ្ជាក់បន្ទាប់ពីមានខ្យលកន្រ្តាក់ធ្វើអោយរលំដើមក្ងោកបាក់សង្កត់លើរថយន្តចំនួន៣គ្រឿងបណ្ដាលអោយខូចខាតហើយធ្វើអោយកកស្ទះចរាចរណ៍តាមដងផ្លូវក៏ប្រញាប់ហៅន្ទីរសាធារណការអោយឆាប់អោយកម្លាំងជំនាញចុះកាប់យកដើមចេញពីលើរថយន្តដើម្បីយករថយន្តចេញប្រមាណជាកន្លះម៉ោងទើបខាងមន្ទីរសាធារណ:ការចុះមកដល់កាត់ដើមឈើចេញហើយក៏ចរាចរណ៍ដំណើរការបានធម្មតាវិញចំណែក រថយន្តទាំង៣គ្រឿងខាងមន្ទីរសាធារណ:ការនិងមកធ្វើកំណត់ហេតុជាមួយម្ចាស់រថយន្តតើត្រូវសងការខូចខាតយ៉ាងម៉េច រួចហើយឲ្យយករថយន្តត្រឡប់ទៅជួសជុល រៀងខ្លួន ធ្វើឲ្យម្ចាស់រថយន្តអស់សង្ឃឹមមិនដឹងជាទៅទារសំណងពីខាងណា ៕ គួនចំរើន