ផ្ដាសាយ គួរតមអាហារអ្វីខ្លះ ?

ជំងឺផ្តាសាយ ងាយនឹងកើតបំផុត បើអ្នកមិនបានថែទាំខ្លួន ឬឆ្លងពីអ្នកនៅក្បែរ។ ដូចនេះ បើផ្តាសាយ គួរថែទាំខ្លួនឱ្យរាងកាយរឹងមាំសិន និងតមអាហារ ដូចជា ៖

១-ទឹកក្រូចមានហ្គាស ៖

ជាតិស្ករនៅក្នុងភេសជ្ជៈប្រភេទនេះ កាន់តែធ្វើឱ្យរាងកាយក្តៅ ងាយនឹងរលាកអវយវៈក្នុងរាងកាយ ងាយឆ្លងមេរោគ ព្រោះតែ ប្រព័ន្ធការពាររាងកាយកំពុងតែខ្សោយស្រាប់។ បើចង់ផឹក គួរផឹកទឹកដូង ឬទឹកផ្លែឈើស្រស់ៗ ទើបជាការប្រសើរ។

២-ផលិតផលធ្វើពីទឹកដោះគោ ៖

ចំពោះអ្នកប្រតិកម្មជាមួយនឹងប្រូតេអ៊ីនក្នុងទឹកដោះគោ គួរចៀសវាង ព្រោះវាអាចធ្វើឱ្យសម្បោរខាប់  ពិបាកដកដង្ហើមជាងធម្មតា។ តែបើគ្មានបញ្ហានេះ អ្នកអាចទទួលទានទឹកដោះគោក្តៅៗ ឬទឹកដោះគោជូរ សម្បូរវីតាមីន D ដើម្បីបង្កើនប្រូបៃអូទិកក្នុងរាងកាយ ប្រឆាំងនឹងជំងឺ។

៣-គ្រឿងស្រវឹង ៖

ធ្វើឱ្យថ្នាំដែលលេបចូលទៅគ្មានប្រសិទ្ធភាពឡើយ។ ដូចនេះ បើដឹងថា កំពុងផ្តាសាយ គួរផ្អាកស្រា ឬភេសជ្ជៈដែលមានជាតិស្រវឹងគ្រប់ប្រភេទ។

៤-នំប៉័ងនិងនំស្រួយ ៖

ជាពិសេស នំដែលធ្វើពីម្សៅខាត់ឱ្យស ព្រោះវាងាយនឹងបំប្លែងជាជាតិស្ករ ធ្វើឱ្យរាងកាយកំពុងខ្សោយស្រាប់ កាន់តែទន់ខ្សោយ ជាងមុនទៅទៀត។ បើចង់ទទួលទាននំប៉័ង គួរជាប្រភេទ ហូលវីត ឬហូលហ្គ្រេនវិញ៕