កាត់ដេរ៖ លោក Le Tien Truong អគ្គនាយកក្រុមហ៊ុនកាត់ដេរនិងវាយនភ័ណ្ឌជាតិវៀតណាម (Vinatex) បានឲ្យដឹងថាវិស័យវាយនភ័ណ្ឌនិងកាត់ដេររបស់វៀតណាមនៅតែកំពុងមានកំណើនល្អប្រសើរក្នុងផ្នែកនាំចេញទៅកាន់ទីផ្សារសហរដ្ឋអាមេរិកបើទុកជាគ្មានវត្តមាននៃកិច្ចព្រមព្រៀងភាពជាដៃគូអន្តរប៉ាស៊ីហ្វិក (TPP) យ៉ាងណាក្តី ។
ខណៈដែលវិស័យនេះត្រូវបានវាយតម្លៃពីគុណប្រយោជន៍ដ៏ប្រសើរបំផុតពីកិច្ចព្រមព្រៀង TPP រហូតមកដល់ពេលនេះវានៅតែរីកចម្រើនជឿនលឿនទៅមុខដោយគ្មាន TPP ដដែលស្របពេលវៀតណាមកាន់កាប់ផ្សារហ៊ុនធំជាងគេបំផុតទី២លើពិភពលោកនៅសហរដ្ឋអាមេរិកនិងជប៉ុន។
ប្រទេសទាំងពីរក៏ជាទីផ្សារនាំចេញដ៏សំខាន់ពីរនៃផលិតផលវាយនភ័ណ្ឌនិងកាត់ដេររបស់វៀតណាមផងដែរ ។
បណ្តាសហគ្រាសនានាក្នុងវិស័យនេះបន្តធ្វើការវិនិយោគក្នុងផ្នែកគ្រឿងយន្តនិងបច្ចេកវិទ្យាដើម្បីធ្វើឲ្យប្រសើរឡើងនូវផលិតភាពរបស់ពួកគេ កាត់បន្ថយការចំណាយ និងបង្កើននូវភាពប្រកួតប្រជែងរបស់ពួកគេក្នុងទីផ្សារទាំងពីរ។
លោក Truong បានថ្លែងថា TPP ត្រឹមតែផ្តល់នូវលក្ខខណ្ឌអនុគ្រោះមួយផ្សេងទៀតសម្រាប់ការនាំចេញតែប៉ុណ្ណោះ ។
ចំណែកអនុប្រធានសមាគមកាត់ដេរនិងវាយនភ័ណ្ឌវៀតណាមលោក Truong Van Cam បានគូសបញ្ជាក់ថាសក្តានុពលសម្រាប់ការនាំចេញវាយនភ័ណ្ឌនិងកាត់ដេររបស់វៀតណាមក្នុងទីផ្សារផ្សេងៗគឺសហរដ្ឋអាមេរិកតែម្តង ។
ក្រៅពី TPP វៀតណាមបានចុះហត្ថលេខាហើយក៏នឹងចុះកិច្ចព្រមព្រៀងពាណិជ្ជកម្មសេរីជាច្រើនទៀតផងដែរ ។ លោកថាការដកខ្លួនរបស់សហរដ្ឋអាមេរិកពី TPP នឹងមិនប៉ះពាល់ដល់វិស័យនេះឡើយ ។
គួរបញ្ជាក់ថាការលំហូរវិនិយោគក្នុងវិស័យនេះនឹងមានសន្ទុះថយចុះក្នុងអំឡុងឆ្នាំ២០១៧-២០១៨ ធៀបនឹងអំឡុងឆ្នាំ២០១៣-២០១៤ ។ ក្នុងឆ្នាំ២០១៧វិស័យកាត់ដេរនិងវាយនភ័ណ្ឌរបស់វៀតណាមបានដាក់ទិសដៅសម្រេចឲ្យបានកំណើនក្នុងអត្រា៧ទៅ៨%និងរកចំណូលពីការនាំចេញឲ្យបាន៣០ប៊ីលានដុល្លារ។
ប្រែសម្រួលដោយ៖ អុីវ វិចិត្រា