ថវិកា៖ ក្រសួងហិរញ្ញវត្ថុបានឲ្យដឹងថារដ្ឋាភិបាលកូរ៉េខាងត្បូងបានចំណាយជិត៩០ទ្រីលានវ៉ុន(៧៩,៨ប៊ីលានដុល្លារ) នៃថវិការដ្ឋសរុបរបស់ខ្លួនក្នុងអំឡុងត្រីមាសដំបូងនៃឆ្នាំ២០១៧នេះ ដែលជាផ្នែកមួយនៃកិច្ចខិតខំប្រឹងប្រែងរបស់ខ្លួនក្នុងគម្រោងចំណាយដើម្បីពង្រីកសេដ្ឋកិច្ច ។
ក្រសួងយុទ្ធសាស្ត្រនិងហិរញ្ញវត្ថុបានឲ្យដឹងថាការចំណាយថវិការដ្ឋដោយរដ្ឋាភិបាលនិងបណ្តាគ្រឹះស្ថានសាធារណៈសម្រាប់រយៈពេល៣ខែដំបូងនៃឆ្នាំ២០១៧នេះមានចំនួន៨៩,៣ទ្រីលានវ៉ុនកើនឡើង១,៨ទ្រីលានវ៉ុនធៀបនឹងទិសដៅគ្រោងទុក ៨៧,៤ទ្រីលានវ៉ុន ។
ក្រសួងបានថ្លែងថាតួលេខខាងលើនេះស្មើនឹង៣១,៧%នៃថវិកា២៨១,៧ទ្រីលានវ៉ុនដែលរដ្ឋាភិបាលបានដាក់នៅម្ខាងសម្រាប់ប្រតិបត្តិជាហិរញ្ញវត្ថុជំហានដំបូងក្រៅពីថវិការដ្ឋ ៤០០ទ្រីលានវ៉ុនរបស់កូរ៉េខាងត្បូងសម្រាប់ឆ្នាំ២០១៧ ។
រដ្ឋាភិបាលថ្នាក់ខេត្តបានចំណាយ៥២,១ទ្រីលានវ៉ុននៃថវិកាដែលបានកំណត់ក្នុងអំឡុងពេល៣ខែ ។
ទោះជាយ៉ាងណាក្រសួងហិរញ្ញវត្ថុកាលពីមុននេះបានព្យាករទុកថាប្រទេសកូរ៉េខាងត្បូងនឹងពង្រីកសេដ្ឋកិច្ចបាន២,៦%ក្នុងឆ្នាំ២០១៧ និងថយចុះ០,៤ពិន្ទុធៀបនឹងការប៉ាន់ប្រមាណទុកកាលពីមុនដែលមានកម្រិត៣%។
ប្រែសម្រួលដោយ៖ អុីវ វិចិត្រា