សេដ្ឋកិច្ច៖ វិស័យឯកជនបានរក្សាការព្យាកររបស់ខ្លួននៃកំណើនសម្រាប់សេដ្ឋកិច្ចថៃក្នុងអត្រា៣,៥%ទៅ៤%ដោយសារតែការរីកដុះដាលនៃវិនិយោគសាធារណៈ ទេសចរណ៍និងនាំចេញបើទុកជាសេដ្ឋកិច្ចពិភពលោកមិននឹងនយ៉ាងណាក្តី។
ប្រធានសហព័ន្ធឧស្សាហកម្មថៃលោក Chen Namchaisiri បានថ្លែងបន្ទាប់ពីកិច្ចប្រជុំមួយរវាងគណៈកម្មការចំរុះអចិន្ត្រៃយ៍ស្តីអំពីពាណិជ្ជកម្ម ឧស្សាហកម្មនិងធនាគារ ដែលជំនួបនេះត្រូវបានគេវាយតម្លៃថាសេដ្ឋកិច្ចថៃឆ្នាំនេះនឹងងាយប្រែប្រួលដោយសារតែភាពមិនច្បាស់លាស់កម្រិតខ្ពស់នៃគោលនយោបាយពាណិជ្ជកម្មរបស់សហរដ្ឋអាមេរិក ។
ជាងនេះទៅទៀតកិច្ចប្រជុំនេះបានព្រមានថាការធ្លាក់ចុះនៃប្រាក់ដុល្លារនាពេលថ្មីៗនឹងធ្វើឲ្យរូបិយប័ណ្ណថៃឡើងថ្លៃ។ តែយ៉ាងណាធនាគារថៃនឹងអាចគ្រប់គ្រងស្ថិរភាពនៃប្រាក់បាតរបស់ថៃ។
ជាមួយគ្នានោះដែរក៏មានការកត់សម្គាល់កត្តាវិជ្ជមានដទៃទៀតចំពោះសេដ្ឋកិច្ចរាប់បញ្ចូលភាពភ្លឺស្វាងនៃបែបផែនសេដ្ឋកិច្ចតំបន់ភាគខាងកើត ទេសចរណ៍ ការកើនឡើងនៃតម្លៃផលិតកម្មនិងវិស័យនាំចេញដែលនឹងទំនងជាកើនឡើង១%ទៅ៣% ។
ប្រែសម្រួលដោយ៖ អុីវ វិចិត្រា