សេដ្ឋកិច្ច៖ អង្គមូលនិធិរូបិយវត្ថុអន្តរជាតិ (IMF) កាលពីថ្ងៃអង្គារនេះបានដំឡើងការព្យាករទុករបស់ខ្លួនសម្រាប់កំណើនសេដ្ឋកិច្ចសកលលោកក្នុងឆ្នាំ២០១៧នេះដោយលើកឡើងពីភាពក្លៀវក្លានៃទីផ្សារហិរញ្ញវត្ថុនិងការរើបឡើងវិញនៃភាពទៀងទាត់ដែលគេទន្ទឹងរង់ចាំជាយូរមកហើយក្នុងផ្នែកផលិតកម្មនិងពាណិជ្ជកម្មដែលគាំទ្រដល់ការធ្វើឲ្យប្រសើរឡើងនៃចក្ខុវិស័យនាថ្ងៃអនាគត ។
ក្នុងព្រឹត្តិការណ៍ចក្ខុវិស័យសេដ្ឋកិច្ចពិភពលោកចុងក្រោយបំផុតរបស់ខ្លួន IMF បានព្យាករទុកថាសេដ្ឋកិច្ចសកលលោកនឹងរីកធំធាត់ឡើង៣,៥%ក្នុងឆ្នាំ២០១៧នេះដែលជាការបង្កើនសន្ទុះពីកំណើន៣,១%ដែលសម្រេចបានកាលពីឆ្នាំ២០១៦ ហើយក៏ជាការកែប្រែថ្មី០,១ពិន្ទុពីការប៉ាន់ប្រមាណទុករបស់ខ្លួនកាលពីខែមករា ។
ចំណែកសម្រាប់ឆ្នាំ២០១៨ IMF បានព្យាករទុកនូវកម្រិតមិនប្រែប្រួលនៃកំណើន៣,៦% ។
ប្រធានសេដ្ឋវិទូរបស់អង្គការ IMF លោក Maurice Obstfeld បានថ្លែងនៅក្នុងសន្និសិទកាសែតមួយកាលពីថ្ងៃអង្គារនេះថាការគ្រោងទុកថ្មីរបស់យើងសម្រាប់ឆ្នាំ២០១៧គឺមានកម្រិតខ្ពស់ជាងអ្វីដែលយើងបានរំពឹងទុកក្នុងការកែកុនថ្មីកាលពីពេលមុនរបស់យើងទៅទៀត ។ ទាំងនេះគឺមកពីដំណឹងនៃភាពល្អប្រសើរនៃសេដ្ឋកិច្ចក្នុងតំបន់អឺរ៉ុបនឹងអាស៊ីដែលគួរកត់សម្គាល់ក្នុងតំបន់អាស៊ីនោះគឺចិននិងជប៉ុនតែម្តង ។
ប្រែសម្រួលដោយ៖ អុីវ វិចិត្រា