ភ្នំពេញ ៖ បុរសម្នាក់រួមជាមួយស្រីស្នេហ៍ បាត់បង់អស់ម៉ូតូzoomerមួយគ្រឿង និងទូរស័ព្ទដៃមួយគ្រឿង ខណៈដែលគេងកើយភ្លៅគ្នាលង់លក់ ជ្រុលនៅលើសួនច្បារ មុខវត្តឧណាលោម សង្កាត់ផ្សារកណ្តាល ខណ្ឌដូនពេញ កាលពីវេលាម៉ោង៣ទៀបភ្លឺ ថ្ងៃទី១៩ ខែមេសា ឆ្នាំ២០១៧ ។
ជនរងគ្រោះ មានឈ្មោះ ម៉ៅ សុភ័ក្រ ភេទប្រុស អាយុ២៥ឆ្នាំ មុខរបរបើកបររថយន្ត ស្នាក់នៅផ្ទះជួលភូមិ ជ្រៃកោង សង្កាត់ចោមចៅ មានស្រុកកំណើតភូមិថ្កូវ ឃុំត្រពាំងគង ស្រុកសំរោងទង ខេត្តកំពង់ស្ពឺ ។ ចំណែកស្រីស្នេហ៍ ជាគូរសង្សារមានឈ្មោះ ភាព សុជាតិ អាយុ២១ ឆ្នាំ មុខរបរ កម្មកររោងចក្រ ស្នាក់នៅភូមិត្រពាំងថ្លឹង សង្កាត់ចោមចៅ ។ រីឯមូ៉តូជនសង្ស័យលួចយកទៅបាត់ម៉ាក Zoomer x ពណ៌ទឹកក្រូច ពាក់ស្លាកលេខ ភ្នំពេញ 1CC-2139 ។
តាមការរៀបរាប់ពីជនរងគ្រោះ បានឲ្យដឹងថា មុនកើតហេតុ ខ្លួនរួមជាមួយស្រីស្នេហ៍ ជិះម៉ូតូឌុបគ្នាដើរលេង កោះពេជ្រ ចេញពីកន្លែងមួយចូលកន្លែងមួយ ពេញមួយយប់ រហូតដល់វេលាម៉ោង៣ទៀបភ្លឺ ថ្ងៃទី១៩ ខែមេសា ជិះម៉ូតូឌុបគ្នា ទៅអង្គុយ ចាក់ខ្ចៅ មាត់ទន្លេ នៅសួនមុខវត្តឧណាលោម ងងុយដេកពេក គឥកកើយគេងភ្លៅ លង់លក់មួយភាំង ដឹងខ្លួនបាត់ម៉ូតូ និងទូរស័ព្ទដៃសាំសុងមួយគ្រឿងដោយសុវត្តិភាព ទើបស្វាងងងុយ ភ្លឺទាំងភ្នែក រត់ទៅប្តឹងប៉ូលីសក្បែរនោះ គេប្រាប់ថា អត់ឯកសារអត់ទទួលបណ្តឹងទេ ដេញឲ្យទៅរកឯកសារម៉ូតូសិន ធ្វើឲ្យជនរងគ្រោះ មិនដឹងទៅណា រត់ទៅផ្ទះនៅភូមិជ្រៃកោង សង្កាត់ច៩មចៅ ហើយរកឯកសារ មិនទាន់ដោយសារ កាតគ្រីនៅ ឪពុកមា រងចាំយកមកឲ្យ រហូតដល់រសៀលថ្ងៃទី១៩ ខែមេសា ជនរងគ្រោះ រត់ទៅប្តឹងប៉ូលីសប៉ុស្តិ៍ចោមចៅ ខណ្ឌពោធិសែនជ័យ សួរនាំទៅ ធ្វើឲ្យប៉ូលីសស្រលាំងកាំង ភាំង តាមពិតរឿងហេតុកើតឡើង នៅក្នុងទឹកដីមូលដ្ឋាន ខណ្ឌដូនពេញ ទើបប្រាប់ឲ្យជនរងគ្រោះ ទៅប្តឹងនៅ សង្កាត់ផ្សារកណ្តាល ខណ្ឌដូនពេញវិញ ទើបត្រឹមត្រូវ ៕