ភ្នំពេញ ៖ បុរសពីរនាក់ត្រូវបានក្រុមអ្នកបើកតាក់ស៊ីម៉ែត្រពណ៌លឿងព្រួតវៃប៉ោងភ្នែកនិង បាក់ធ្មេញដោយសារតែរឿងបើកភ្លើងហ្វាចាំងភ្នែកអ្នកទាំងពីរនោះដែលកំពុងតែផឹកស៊ីបង្កជាជម្លោះវ៉ៃគ្នាទៅវិញទៅមកបង្កភាពរញ៉េរញ៉ៃពេញផ្លូវកាលពីវេលាម៉ោង១១និង២០នាទីយប់ថ្ងៃទី ២០ ខែមេសា ឆ្នាំ២០១៧ ត្រង់ចំនុចមុខផ្សារទំនើបស៊ុបភើស្តរ ស្ថិតតាមបណ្ដោយផ្លូវ១៩៨៦ ស្ថិតក្នុងសង្កាត់ភ្នំពេញថ្មី ខណ្ឌសែនសុខ ។
តាមប្រភពព័ត៌មានភាគីខាងរ៉ឺម៉កម៉ូតូបានអោយដឹងថាមុនពេលកើតហេតុរូបគាត់ទាំងពីរនាក់មានឈ្មោះ នួន ភារម្យ ភេទប្រុស អាយុ២៨ឆ្នាំ មុខរបរអ្នករត់រ៉ឺម៉កម៉ូតូ ស្នាក់នៅភូមិពោងពាយ សង្កាត់ភ្នំពេញថ្មី ខណ្ឌសែនសុខនិងឈ្មោះប៉ូយ ភេទប្រុស អាយុ២៧ឆ្នាំ មុខរបររោងចក្រ ស្នាក់នៅភូមិពោងពាយសង្កាត់ភ្នំពេញថ្មី ខណ្ឌសែនសុខ ដែលកំពុងអង្គុយផឹកស៊ីលើរ៉ឺម៉ករបស់ខ្លួននោះ ស្រាប់តែពេលនោះខាងតាក់ម៉ែត្រក្រុមហ៊ុន choice ពណ៌លឿងមួយគ្រឿងពាក់ស្លាកលេខភ្នំពេញ 2AH 1437 បានបើកមកឈប់ក្បែរកន្លែងរបស់គាត់ទាំងពីរនាក់នោះផឹកស៊ី ខណៈពេលដែលពួកគាត់កំពុងតែជជែកគ្នាលឺៗថា អីគ្រាន់តែផឹកប៉ុណ្ណឹងស្រវឹង សង្ស័យតែខាងអ្នកបើកបររថយន្តស្ដាប់ច្រឡំបានហើយស្រែកមកវិញថា អញផឹកប៉ុណ្ណឹងអត់ទាន់ស្រវឹងទេវើយហើយខាងរថយន្តតាក់ស៊ីម៉ែត្របានបន្តថា ហែងនឹងស្អីហា អញមានគ្នាអញ ស្រាប់តែបន្តិចក្រោយមកខាងបក្សពួកខាងរថយន្តតាក់ស៊ីម៉ែត្របានមកដល់ចំនួនបីគ្រឿងហើយបានចុះពីរថយន្តស្ទុះទៅព្រួតវាយអ្នកទាំងពីរនាក់នោះបណ្ដាលអោយម្នាក់បាក់ធ្មេញនិងប៉ោងភ្នែកចំនែកឯម្នាក់ទៀតប៉ោងមុខមាត់ដែរ ។
បើតាមសម្ដីរបស់ខាងភាគីម្ខាងទៀតដែលជាអ្នកបើកបររថយន្តតាក់ស៊ីម៉ែត្រchoiceនោះមានឈ្មោះ នឿន ស៊ីនឿន ភេទប្រុស ស្នាក់នៅក្នុងសង្កាត់ភ្នំពេញថ្មី ខណ្ឌសែនសុខ បានអោយដឹងថាមុនពេលកើតហេតរូបគាត់បានបើករថយន្តចូលទៅរកទិញអីនៅក្នុងម៉ាត តេលា ដែលនៅពីមុខទីតាំងកើតហេតុខាងលើ ក្រោយមកអ្នកបើកបរខាងលើមិនសូវជាស្រួលខ្លួនក៍បានបើករថយន្តបំណងចតឈប់សំរាកដើម្បីរង់ចាំយកភ្ញៀវ ខណៈពេលដែលគាត់បានបើករថយន្តមកជិតកន្លែងអ្នកទាំងពីរនាក់ខាងលើកំពុងតែផឹកស៊ីនោះស្រាប់តែភ្លើងហ្វារថយន្តបានចាំងទៅចំគាត់ទាំងពីរនាក់បណ្ដាលអោយបុរសម្នាក់ក្នុងចំនោមពីរនាក់នោះបានដើរមកសំដៅរថយន្តរបស់គាត់ហើយប្រើអាក្បកិរិយាមិនគួរសមដាក់គាត់ហើយថែមទាំងប្រមាថដល់គាត់ជាអ្នករត់តាក់ស៊ីម៉ែត្រទៀតផងតែពេលនោះដោយមិនចង់ប្រកាន់ជាមួយនិងអ្នកស្រវឹងទើបគាត់បានប្រាប់ទៅអ្នកទាំងពីរនាក់នោះថា ស្រវឹងហើយទៅៗ ហើយភ្លាមនោះភ្ញៀវរបស់អ្នករត់តាក់ស៊ីបានទូរសព្ទ័មកអោយទៅដឹកគេ ហើយម្ចាស់រថយន្តបានបើកទ្វារចូលក្នុងរថយន្តស្រាប់តែខាងរ៉ឺម៉កម៉ូតូទៅធាក់ទ្វាររថយន្តរបស់គាត់បណ្ដាលអោយគាត់ខឹងទើបស្ទុះទៅវ៉ៃអ្នកទាំងពីរនាក់នោះបណ្ដាលអោយម្នាក់បាក់ធ្មេញនិងម្នាក់ទៀតរងរបួសបន្តិចបន្តួច ក្រោយមកគេឃើញមានបក្សពួករបស់ខាងរថយន្ត តាក់ស៊ី ជាច្រើនគ្រឿងដើម្បីមកជួយដោះស្រាយគ្នា ។
ក្រោយពេលកើតហេតុសមត្ថកិច្ចមូលដ្ឋានបានចុះមកដល់ចំនុចកើតហេតុហើយបាននាំខ្លួនអ្នកទាំងអស់នោះមកកាន់អធិការដ្ឋានខណ្ឌសែនសុខដើម្បីធ្វើការឃាត់ខ្លួនរងចាំការសាកសួរនិងចាត់ការតាមនីតិវិធី៕ សោលវណ្ណៈ