ថៃ៖ វិទ្យាស្ថានគ្រឿងអលង្ការនិងត្បូងកែច្នៃថៃបានរៀបចំខ្លួនជំរុញឲ្យប្រទេសប្រែក្លាយជាមជ្ឈមណ្ឌលគ្រឿងអលង្ការមួយលើសកលលោក ។
អគ្គនាយកវិទ្យាស្ថានគ្រឿងអលង្ការនិងត្បូងកែច្នៃថៃលោក Phornsawat Watthanakul បានឲ្យដឹងថាវិទ្យាស្ថានបានត្រៀមវិធានការណ៍នានាដើម្បីជួយជំរុញឲ្យប្រទេសថៃប្រែក្លាយជាមជ្ឈមណ្ឌលគ្រឿងអលង្ការមួយលើពិភពលោក ។ ហើយគណៈរដ្ឋមន្ត្រីថ្មីៗនេះបានយល់ព្រមកាត់បន្ថយកាតព្វកិច្ចពន្ធនាំចូលលើផលិតផលត្បូងកែច្នៃស្រេចនិងគ្រឿងអលង្ការផ្សេងៗ ។
គម្រោងប្រតិបត្តិការនេះនឹងផ្តោតលើការផ្គត់ផ្គង់វត្ថុធាតុដើមមកពីបណ្តាប្រទេស អាហ្រ្វិកខាងកើតនិងសមាជិកអាស៊ានដូចជា ឡាវ មីយ៉ាន់ម៉ា និងកម្ពុជា ។
វិទ្យាស្ថានគ្រឿងអលង្ការនិងត្បូងរបស់ថៃថែមទាំងបានសហការជាមួយនិងក្រសួងកិច្ចការបរទេសរៀបចំធ្វើកិច្ចសហប្រតិបត្តិពាណិជ្ជកម្មពិសេសជាមួយប្រទេសមូសំប៊ិកនិងម៉ាដាហ្គាស្កាដែលជាប្រភពដ៏ធំបំផុតលើពិភពលោកនៃត្បូងកែច្នៃរួចនិងការអភិវឌ្ឍធនធានមនុស្សនិងជាអ្នកយល់ដឹងអំពីផលិតកម្មថ្មីតាមរយៈការស្រាវជ្រាវដោយបណ្តាសាកលវិទ្យាល័យនិងអង្គការពាក់ព័ន្ធ ។
ប្រែសម្រួលដោយ៖ អុីវ វិចិត្រា