កសិកម្ម៖ តាមតួលេខថ្មីរបស់រដ្ឋាភិបាលបង្ហាញថាមីយ៉ាន់ម៉ារកចំណូលបាន២,៩៣ប៊ីលានដុល្លារពីការនាំចេញផលិតផលកសិកម្មក្នុងអំឡុងឆ្នាំសារពើពន្ធចាស់ដែលបានបញ្ចប់ត្រឹមខែមីនាកើនឡើង៣១៥លានដុល្លារធៀបនឹងឆ្នាំមុន។
ផលិតផលកសិកម្មស្មើនឹង២៥%នៃការរកប្រាក់ចូលពីការនាំចេញទំនិញក្នុងអំឡុងឆ្នាំនោះ ។ សណ្តែកគឺជាផលិតផលស្ថិតនៅលំដាប់កំពូលក្នុងបញ្ជីដែលត្រូវបានលក់ចេញទៅបរទេសដែលមានទំហំទឹកប្រាក់១,៤ប៊ីលានដុល្លារ។
ក្រសួងពាណិជ្ជកម្មបានឲ្យដឹងថាចំណែកមុខទំនិញជាប់លំដាប់លេខរៀងបន្ទាប់នោះគឺអង្ករ ក្នុងនោះមានអង្ករបាក់មានទំហំទឹកប្រាក់៥៥៤លានដុល្លារ ពោតពណ៌លឿង២៥៣លានដុល្លារនិងកៅស៊ូ២០០លានដុល្លារ ។
ជាមួយនិងការប្រឈមនឹងអាកាសខុសប្រក្រតី កង្វះសមត្ថភាពនិងបច្ចេកទេសក្នុងការដឹងថាតើត្រូវទទួលបានផលដូចម្តេចក៏ដូចជាឯករាជ្យភាពលើតម្រូវការទីផ្សារបរទេស មីយ៉ាន់ម៉ាកំពុងបង្កើតនូវកិច្ចខិតខំប្រឹងប្រែងផ្សព្វផ្សាយផលិតកម្មកកសិកម្ម ខណៈមានការកត់សម្គាល់អំពីការចំណាយថ្លៃដឹកជញ្ជូនកម្រិតខ្ពស់ជាមួយនិងបណ្តាប្រទេសដទៃក្នុងតំបន់ ។
ទោះជាយ៉ាងណាក្រសួងពាណិជ្ជកម្មបានថ្លែងថាក្រៅពីឧស្សាហកម្មកសិកម្ម ការនាំចេញធនធានធម្មជាតិ នេសាទនិងសម្លៀកបំពាក់នឹងជួយធ្វើឲ្យប្រសើរឡើងនូវសមត្ថភាពនិងគុណភាព។
ប្រែសម្រួលដោយ៖ អុីវ វិចិត្រា