ភ្នំពេញ : សមត្ថកិច្ចនគរបាលល្បាតក្នុងមូលដ្ឋាន ហើយបានសហការជាមួយសន្តិសុខក្នុងកោះ ពេជ្រ ក៏មកដល់រោងកម្មករក៏ប្រទះឃើញបុរស២នាក់ លួចពួនសម្ងំប្រើប្រាស់គ្រឿងញៀន ហើយកម្លាំងចុះទៅឃាត់ខ្លួន និងដកហូតវត្ថុតាង កាលវេលាម៉ោង១០និ៣០នាទីព្រឹក ថ្ងៃទី៣១ ខែ ឧសភា ឆ្នាំ២០១៧ នៅចំណុចបរិវេណសាលមហាស្រពកោះពេជ្រ ក្រុម៧៨ ស្ថិតនៅភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
ជនសង្ស័យទី១ មានឈ្មោះ យ៉ាន សុធី ភេទប្រុស អាយុ២៧ឆ្នាំ មុខរបរកម្មករតុការ ក្នុងកោះពេជ្រ ស្នាក់នៅរោងកម្មករក្នុងកោះពេជ្រ មានស្រុកកំណើតនៅភូមិក្នោកការ ឃុំបារ៉ុង ស្រុកល្វាឯម ខេត្តកណ្ដាល ជនសង្ស័យទី២ មានឈ្មោះ មឿន រ៉ាមី ភេទប្រុស អាយុ១៧ឆ្នាំ មុខរបររត់ការ ស្នាក់នៅក្នុងកោះពេជ្រ មានស្រុកកំណើតភូមិដងគូម ឃុំកំពង់អូស ស្រុកពញ្ញាឮ ខេត្តកណ្ដាល បានសារភាពថា ពួកគេទិញថ្នាំញៀន១កញ្ចប់ តម្លៃ២មឺុនរៀល ពេលកំពុងជក់ប្រើប្រាស់គ្រឿង ក៏ត្រូវសមត្ថកិច្ចនិងសន្តិសុខមកដល់ ឃាត់ខ្លួនទាំង២នាក់តែម្ដង ។
សមត្ថកិច្ចនគរបាលរដ្ឋបាលទន្លេបាសាក់ ល្បាតក្នុងមូលដ្ឋាន ហើយសហការជាមួយកម្លាំងសន្តិសុខ ក្នុងកោះពេជ្រ ក្រោយមកល្បាតមកដល់រោងកម្មករស្នាក់នៅ ក៏ធ្វើការត្រួតពិនិត្យរកឃើញបុរស២នាក់ កំពុងជក់ប្រើប្រាស់គ្រឿងញៀន ក៏ធ្វើការឃាត់ខ្លួនជនសង្ស័យ២នាក់ និងឧបករណ៍ជក់ថ្នាំញៀន ហើយចំណែកថ្នាំញៀនជនសង្ស័យបានប្រើប្រាស់អស់ហើយ រួចក៏ធ្វើការនាំខ្លួនមកប៉ុស្តិ៍ ដើម្បីសាកសួរនាំ ហើយក្រោយពីសាកសួរនាំជនសង្ស័យទាំង២នាក់ បានសារភាពខ្លួនទិញថ្នាំញៀនមកជក់១កញ្ចប់ តំលៃ២មឺុនរៀល ហើយពេលទំនេរពីការងារ ក៏ជក់ប្រើប្រាស់ហើយសមត្ថកិច្ចមកដល់ ធ្វើការឃាត់ខ្លួន ដកហូតវត្ថុតាង រួមមានឧបករណ៍សម្រាប់ជក់ថ្នាំញៀន ចំនួន១កំប្លេ និងកន្រ្តៃសម្រាប់កាត់ទុយោជក់គ្រឿងញៀន និងកសាងសំណុំរឿងពីបទប្រើប្រាស់សារធាតុញៀនខុសច្បាប់ និងបញ្ជូនទៅអធិការដ្ឋាននគរបាលខណ្ឌចំការមន ដើម្បីចាត់ការបន្ត ។