កំពង់ស្ពឺ៖ ក្មេងស្រីទើបតែមានអាយុ៣ឆ្នាំ លង់ទឹកក្នុងអាងស្លាប់ នៅចំណុចបន្ទប់ទឹកក្នុងផ្ទះ ខណៈម្តាយរវល់ធ្វើម្ហូប នៅភូមិបូរីកម្មករ សង្កាត់រការធំ ក្រុងច្បារមន ខេត្តកំពង់ស្ពឺ។
ហេតុការណ៍ក្មេងស្រីលង់ទឹកអាងស្លាប់ បង្កឲ្យមានការភ្ញាក់ផ្អើលកាលពីព្រឹកថ្ងៃទី១០ ខែមិថុនាឆ្នាំ២០១៧។
ម្តាយមីងក្មេងស្រីរងគ្រោះបាននិយាយថា ក្មួយស្រីរបស់គាត់មានឈ្មោះវន យ៉ាយ៉ា អាយុ៣ឆ្នាំ បានលេងទឹកអាងក្នុងបន្ទុបទឹកក្នុងផ្ទះ ស្ថិតក្នុងភូមិបុរីកម្មករ សង្កាត់រការធំ ក្រុងច្បារមនខេត្តកំពង់ស្ពឺ។
ប្រភពបានបន្តថា ក្រោយពីក្មេងលង់ទឹក ហើយឪពុកម្តាយបានយកទៅសង្គ្រោះនៅឯមន្ទីរពេទ្យខេត្តកំពង់ស្ពឺ ប៉ុន្តែក្រុមគ្រូពេទ្យមិនអាចជួយសង្គ្រោះបាននោះទេ ព្រោះក្មេងស្រីដាច់ខ្យល់ស្លាប់តាំងពីពេលលង់ម្ល៉េះ ហើយពេទ្យបានឲ្យឪពុកម្តាយក្មេងស្រីយកសពទៅធ្វើបុណ្យតាមប្រពៃណី៕