បន្ទាប់ពីចរចាទិញកីឡាករខ្សែប្រយុទ្ធ Griezman មិនបានសម្រេច អីឡូវនេះបិសាចក្រហមMan Utd បានបង្វែរទិសដៅកមកទីញខ្សែការពារជំនួសវិញគឺទិញបានកីឡាករ Victor Lindelof ពីក្លឹបបាល់ទាត់Benfica ក្នុងតម្លៃជិត40 លានដុល្លារ។
តាមកិច្ចសន្យា កីឡាករវ័យ22ឆ្នាំ ទទួលបានកុងត្រា រយៈពេល 4ឆ្នាំ ជាមួយនឹងជម្រើស មួយឆ្នាំ បន្ថែមទៀត ប្រសិនបើសាម៉ីខ្លួនចង់បន្ត។ កីឡាករ Lindelof បានមកដល់ទឹកដីក្រុងManchester កាលពីថ្ងៃពុធដើម្បីពិនិត្យសុខភាព។
តម្លៃដ៏ខ្ពស់កប់ពពកនេះបានធ្វើឲ្យកីឡាករសញ្ជាតិស៊ុយអែតរូបនេះក្លាយជាកីឡាករខ្សែការពារដែលមានតម្លៃខ្លួនខ្ពស់ជាងគេ នៅក្នុងប្រវត្តិសាស្ត្ររបស់ក្លឹបMan Utd បើប្រៀបធៀបទៅនឹងកីឡាករខ្សែប្រយុទ្ធ Rio Ferdinand ដែលមានតម្លៃខ្លួនត្រឹមតែ ជាង36 លានដុល្លារប៉ុណ្ណោះទិញកាលពីឆ្នាំ 2002។
ក្រោយពីចុះហត្ថលេខារួចរាល់ Lindelof បាននិយាយថា៖’’ ខ្ញុំពិតជារំភើបខ្លាំងណាស់ដែលបានមករួមរស់ជាមួយក្លឹបជើងឯកយូរ៉ូបាលីកនេះ។ នៅជាមួយBenfica សេចក្តីសប្បាយរបស់ខ្ញុំមួយបែប។ ខ្ញុំបានរៀនសូត្រនិងទទួលបានបទពិសោធន៍នៅទីនោះ ក៏ប៉ុន្តែទឹកដី Old Tradford ជាមួយលោកម៉ូរីញ៉ ខ្ញុំសង្ឃឹមថានឹងទទួលបានបទពិសោធថ្មីមួយទៀត។
ជាមួយគ្នានេះដែរ គ្រូបង្វឹកសញ្ជាតិព័រទុយហ្គាល់ ក៏បានលើកសរសើរដល់កីឡាកររូបនេះដែរដោយនិយាយថា៖”Lindelof គឺជាកីឡាករវ័យក្មេងមានទេពកោសល្យដែលជាក្តីសង្ឃឹមសម្រាប់ក្លឹបMan Utd ទៅថ្ងៃអនាគត។