ម៉ុត ណៈប៉ះផាត់ តារាសិចស៊ីធ្លាប់ជាតួឯកក្នុងរឿង “ស្រីណាមិនយំ” និងរឿង “ឈាមពីរពណ៌” បានធ្វើឱ្យស្រីៗមិនតិចទេ លួចច្រណែន ព្រោះក្នុងថ្ងៃទទួលបរិញ្ញាបត្រ នាងបានបើកចំហសង្សាររូបសង្ហាជាពាណិជ្ជករវ័យក្មេងឈ្មោះ ចេប៉ែន សហថាត់។
មុននេះបន្តិច តារាចម្រៀង និងសម្តែងរូបនេះ បើកចំហបេះដូងថា ពេលនេះបេះដូងនាងមិនទំនេរទេ ព្រោះកំពុងមើលចិត្តថ្លើមគ្នាជាមួយអ្នកធុរកិច្ចម្នាក់។ តែនាងពុំដែលបង្ហោះរូបឱ្យប្រិយ មិត្តបានឃើញសោះ។
ចុងក្រោយនេះ នៅថ្ងៃទី១១ ខែមិថុនា ឆ្នាំ២០១៧ នាងក៏បានបង្ហោះប្រុសរូបសង្សារឱ្យប្រិយមិត្តឃើញច្បាស់តែម្តង ដោយភាគីប្រុសបានមកចូលរួមអបអរក្នុងថ្ងៃដែល ម៉ុត ទទួលបរិញ្ញាបត្រ។ អ្នកដែលបានឃើញរូប ចេប៉ែន ជញ្ជក់មាត់សរសើរថា អ្នកកំលោះនេះពិតជាសង្ហា នៅវ័យក្មេង ហើយថែមទាំងមានមុខរបរមិនធម្មតាទៀតផង៕
