ម៉ៃ ដាវិកា បណ្តើរ ម៉ារិអូ ម៉ៅរ៉ឺ ក្លាយជា Super Star លំដាប់អាស៊ី ឡើងទទួលពានរង្វាន់នៅកូរ៉េ។ ពួកគេមានឱកាសជួបតារាល្បីៗ និងបានថតរូបអនុស្សាវរីយ៍ជាមួយ សានដារ៉ា ប៉ាក នៃក្រុមចម្រៀង 2NE1 ទៀតផង ។
ជាកំពូលតារាដែលឧស្សាហ៍បានចូលរួមក្នុងពិធីលំដាប់អន្តរជាតិជាញឹកញាប់ សម្រាប់តារាឯកស្រី ម៉ៃ ដាវិកា។ ចុងក្រោយនេះ នាងទើបតែបណ្តើរតារាឯកប្រុសរូបសង្ហា ម៉ារិអូ ម៉ៅរ៉ឺ ឡើងយន្តហោះទៅទទួលពានរង្វាន់ Asia Special Award ក្នុងពិធី Asca Model Festival ២០១៧ នៅប្រទេសកូរ៉េ។ នេះជាពិធីផ្តល់រង្វាន់ដល់តារាសិល្បករ មកពីប្រទេសផ្សេងៗក្នុងអាស៊ី។ វាជាឱកាសដ៏គួរជាទីមោទនៈ ដែលអ្នកទាំងពីរមានភ័ព្វវាសនាបោះជំហានលើកម្រាលព្រំ ក្រហមទង្គិចស្មាជាមួយតារាល្បីជាច្រើនរូបរបស់អាស៊ី។
ក្រៅពីបានជួបតារាល្បីៗ ស្រីស្អាត ម៉ៃ និងបុរសសង្ហា ម៉ារិអូ ក៏បានទៅចូលរួមកម្មវិធីសប្បាយជាមួយ Idol ល្បីតារាចម្រៀងស្រី សានដារ៉ា ប៉ាក នៃវង់ 2NE1 ព្រមទាំងថតរូបអនុស្សាវរីយ៍ផងដែរ។ លើសពីនេះ សានដារ៉ា ថែមទាំងបានបង្ហោះរូបទាំងអស់នេះ ក្នុងអ៊ីនស្តារក្រាមផ្ទាល់ខ្លួនរបស់នាងថែមទៀត ដោយបរិយាយថា នាងជាប្រិយមិត្ត របស់អ្នកទាំងពីរ ហើយសរសេរពាក្យពេចន៍ស្វាគមន៍ថា {Welcome To Korea Davika & Mario!! Lunch with my friends from Thailand I Love Pee Mak!!! (បងម៉ាក គឺជាឈ្មោះរបស់ ម៉ារិអូ ក្នុងពេលសម្តែងភាពយន្តរឿង “ខ្មោចនាង ណាត”)។
សូមអបអរអ្នកទាំងពីរដែលបានក្លាយ ជា Super Star អាស៊ីថ្មី ដែលកំពុងល្បីល្បាញ នៅពេលនេះ៕