ភ្នំពេញ៖ ស្រ្តីម្នាក់បន្ទាប់ពីលង់ស្នេហ៍តាមការច្រឡំលេខទូរស័ព្ទ រហូតបានកូនប្រុសម្នាក់ អាយ៥ឆ្នាំ ត្រូវប្រពន្ធដើមទៅជេរប្រមាថ ព្រមទាំងនាំបក្ខពួកទៅគំរាមចង់សម្លាប់ដល់បន្ទប់ជួល ធ្វើឲ្យនាងភ័យខ្លួនបានទៅដាក់ពាក្យបណ្តឹងនៅប៉ុស្តិ៍នគរបាលចោមចៅ បង្កឲ្យមានការភ្ញាក់ផ្អើលកាលពីយប់ថ្ងៃទី២៧ ខែកក្កដា ឆ្នាំ២០១៧ នៅបន្ទប់ជួលភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ។
ស្រ្តីប្រពន្ធចុងមានឈ្មោះ មុតរ័ត្ន សុគន្ធា អាយុ២៥ឆ្នាំ មុខរបរកម្មកររោងចក្រ ស្នាក់នៅផ្ទះជួលភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ មានស្រុកកំណើតនៅភូមិស្រែព្រៀល ឃុំស្វាយទៀប ស្រុកចំការលើ ខេត្តកំពង់ចាម។ ប្តីឈ្មោះ រស់ សំណាង អាយុ៣៤ឆ្នាំ មុខរបរកម្មកររោងចក្រ ស្នាក់នៅជាមួយគ្នា មានស្រុកកំណើតនៅខេត្តព្រៃវែង ចំណែកប្រពន្ធដើមមានឈ្មោះ ស្រីណាត អាយុជាង៣០ឆ្នាំ ស្នាក់នៅផ្ទះជួលភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ មានស្រុកកំណើត នៅខេត្តព្រៃវែង ។
បើតាមសម្តីស្រ្តីជាជាប្រពន្ធចុង បាននិយាយថា រូបគាត់និងប្តីបានស្រឡាញ់គ្នា៦ឆ្នាំមកហើយ តាមរយៈការច្រឡំលេខទូរស័ព្ទ ក៏បានរាប់អានទាក់ទងស្រឡាញ់គ្នា ដោយបុរសជាប្តីបានកុហកថា រូបគាត់ជាបុរសពោះម៉ាយ ក៏បានស្រឡាញ់គ្នា និងទៅសែនព្រេននៅឯស្រុកកំណើត តែមិនបានរៀបការទេ។ រហូតរស់នៅជាមួយគ្នាប្តីប្រពន្ធមានផ្ទៃពោះបានទៅសម្រាលកូននៅផ្ទះម្តាយក្មេក ទើបដឹងថា បុរសជាប្តីមានប្រពន្ធនិងកូនម្នាក់ នៅមិនទាន់លែងលះគ្នា ប៉ុន្តែស្រ្តីជាប្រពន្ធដើមក៏មិនដែលមករករឿងអីរូបគាត់ដែរ រហូតមដល់បច្ចុប្បមានកូនប្រុសម្នាក់អាយុ៥ឆ្នាំទៅហើយ ។
ប្រភពដដែលបានបន្តទៀតថា នៅថ្ងៃទី២៦ ខែកក្កដា ឆ្នាំ២០១៧ ស្រ្តីជាប្រពន្ធដើមបានមក
រករឿងនៅមុខបន្ទប់របស់ខ្លួន ដោយជេររូបគាត់និងម្តាយគាត់ថា មីសំផឹងទាំងម៉ែទាំងកូន ពេលនោះរូបគាត់បានឆ្លើយប្រាប់ថា ខ្ញុំមិនមែនសំផឹងឡើយ ហើយម្តាយខ្ញុំគាត់មិនយកប្តីគេទេ គាត់មានប្តីត្រឹមត្រូវ។ នៅវេលាម៉ោង៤ល្ងាច ថ្ងៃទី២៧ ខែកក្កដា ស្រាប់តែម្តាយរបស់គាត់បានទៅសួរស្រ្តីជាប្រពន្ធដើមថា ម្តេចបានជាទៅជេរគាត់ទាំងម្តាយទាំងកូនអញ្ចឹង ទើបបង្កឲ្យមានការឈ្លោះប្រកែកគ្នា និងវាយតប់គ្នាទៅវិញទៅមកមួយប្រាវ ។ លុះដល់វេលាម៉ោងកើតហេតុខាងលើ ស្រ្តីជាប្រពន្ធដើមបាននាំបុរស់២នាក់ ទៅគំរាមកំហែងចង់សម្លាប់រូបគាត់ដល់បន្ទប់ជួល ហើយរូបគាត់បានទៅប្តឹងសមត្ថកិច្ចអន្តរាគមន៍ភ្លាមផងដែរ តែស្រ្តីជាប្រពន្ធដើមបានត្រឡប់ទៅវិញបាត់ហើយ ។
ក្រោយពេលកើតហេតុ ស្រ្តីជាប្រពន្ធដើមបានទៅដាក់ពាក្យបណ្តឹងនៅប៉ុស្តិ៍នគរបាលចោម ចៅ ជួយអន្តរាគមន៍ និងសុំដាក់ពាក្យបណ្តឹងរក្សាទុក និងបានបញ្ជាក់ប្រាប់សមត្ថកិច្ចថា រូបគាត់មិនចង់មានបញ្ហាអ្វីឡើយ បើស្រ្តីជាប្រពន្ធដើមចង់បានប្តី យកទៅវិញចុះ តែរូបគាត់សុំយកតែកូនទេ ព្រោះរូបគាត់បានចាកចេញពីប្តីទៅនៅឯប៉ៃលិន ម្តងរួចមកហើយ ដោយសារតែរឿងលែងប្រពន្ធមិនដាច់ស្រេច ធ្វើឲ្យគាត់ពិបាកចិត្តពេក។
សមត្ថកិច្ចបានហៅបុរសជាប្តីមកសួរពីរដំណើររឿង ហើយសមត្ថកិច្ចឲ្យជ្រើសយកតែម្នាក់ តើយកមួយណា បុរសខាងលើសុំពេលគិតសិន ដោយក្នុងចិត្តរារែកចង់យកទាំងពីរតែម្តង ៕