នៅឆ្នាំ២០១៨នេះ គេកត់សម្គាល់ឃើញថា មានតារាចម្រៀងនិងសម្ដែងជាស្រីស្អាតវ័យក្មេងៗ ងាកមកលេងម៉ូដវីឡាប្រជែងគ្នាយ៉ាងហ៊ឺហា ដែលមើលទៅមិនចាញ់តារាហូលីវូដឡើយ ក្នុងនោះមានដូចជា នាងទេព បូព្រឹក្ស , មាន សូនីតា , នៅ សុនិតា និងបេប៊ី និងថន លក្ខិណា ។
តើស្រីស្អាតៗខាងលើនេះ បានលុយមកពីណាទិញវីឡាតមម្លៃរាប់សែនបែបនេះ នេះជាចម្ងល់របស់មហាជនដែលបានជជែកគ្នាមិនចេះចប់…។
ទេព បូព្រឹក្ស ៖ ទិញវីឡាតម្លៃ១៤ម៉ឺនដុល្លារ នៅបុរីប៉េង ហួតបឹងស្នោរ ហើយអះអាងថាជាការទិញផ្ដាច់តែម្ដង មិនមានការបង់រំលស់ទេ។ ទេព បូព្រឹក្ស ដែលមានតម្លៃខ្លួនច្រៀង១កម្មវិធី ជាង១ពាន់ដុល្លារនោះ ប្រាប់ថា ក្នុង១ខែ ប្រាក់ចំណូលពីការច្រៀងដែលផាត់ការចំណាយទៅលើក្រុមរាំនិងសម្លៀកបំពាក់ហើយនោះ សល់យ៉ាងហោចណាស់ក៏៥ពាន់ដុល្លារដែរ បានន័យថា ក្នុង១ឆ្នាំ អាចរកប្រាក់បានពី៥ទៅ៦ម៉ឺនដុល្លារ។
ទោះជាយ៉ាងណា តារាលេងក្បាច់រាំទេព បូព្រឹក្ស ដែលមានទំនាក់ទំនងស្នេហាជាមួយតារាចម្រៀងរ៉េប ជ្រកក្រោមដំបូលហង្សមាស តែមួយ លោកងួន ចាន់ដេវីដ នោះ បែរជាមានព័ត៌មានថា នាងមានស្នេហ៍ជាមួយមន្ដ្រីធំផ្កាយ៤ម្នាក់ទៅវិញ ទើបគេសង្ស័យថា លោកធំនោះជាអ្នកឈរនៅក្រោយខ្នងនៃភាពហ៊ឺហារបស់ស្រីក្មេងរូបនេះ ព្រោះថា ក្រោយបានវីឡាហើយ បូព្រឹក្ស ហៅស្រីនិច្ច ក៏ទិញរថយន្ដទំនើប Land Cruiser V8 តម្លៃជិត១០ម៉ឺនដុល្លាផងដែរ។
មាន សូនីតា ៖ តារាសម្តែងសំឡេងស្រាលតូចម្នាក់ ក្លាយទៅជាម្ចាស់វីឡាស្កឹមស្កៃនៅបុរីប៉េង ហួត បឹងស្នោរ ដូចទេព បូព្រឹក្ស ដែរ តែតាមប្រភពថា វីឡានាងមានតម្លៃជាង៣០ម៉ឺនដុល្លារឯណោះ។ មាន សូនីតា ក៏បោះទុនបើកហាងលក់ក្រមាចំណាយលុយអស់ជាង៣ម៉ឺនដុល្លាថែមទៀត ទើបធ្វើឲ្យមហាជននិងអ្នកសិល្បៈមិនតិចទេ ដែលបានស្ញប់ស្ញែងពីអតីត Freshie Girl ម្នាក់នេះ។
មាន សូនីតា ដែលសម្ងំថតរឿងឲ្យហង្សមាស ក្នុងតំណែងជាតួឯកជាមួយលោកណាខុន នោះ ធ្លាប់មានព័ត៌មានថា មានស្រីថៅកែលក់ពេជ្រម្នាក់តាមសុំស្នេហា តែដំណឹងចុងក្រោយ បែរជាលេចឮថា នាងមានលោកគយវ័យចំណាស់ម្នាក់តាមស្នេហ៍ស្អិតដូចតុកកែ ស្របពេលដែលសូនីតា បានផ្លាស់ប្ដូរម៉ូដរថយន្តទំនើបៗជាបន្ដបន្ទាប់ ដូចជា ជិះ Mazda ជាដើម។
ថន លក្ខិណា ៖ ក្រោយទិញបានផ្ទះល្វែង១ជុង ក្បែរដេអិន កណ្ដាលទីក្រុង តាំងប្រឡូកសិល្បៈដំបូងនោះ ពិធីការិនីដែលកែបបូរមាត់ពីធំទៅតូចស្ដើងនេះ បានទិញវីឡាតម្លៃជាង២០ម៉ឺនដុល្លារ នៅទល់មុខសាកលវិទ្យាល័យកសិកម្មព្រែកលៀប ហើយបានធ្វើពីធីសម្ពោធយ៉ាងគគ្រឹកគគ្រេង។
ការក្លាយទៅជាម្ចាស់កម្មសិទ្ធវីឡាស្កឹមស្កៃរបស់ថន លក្ខិណា នៅពេលនេះ ក្រោយពេលដែលនាងបានប្ដូរចិត្តពីការជិះរថយន្ដ Lexus LX 570 មកទិញវីឡាវិញ ហើយការមានផ្ទះត្រឹម២នេះ មិនទាន់គ្រប់គ្រាន់ឡើយសម្រាប់លក្ខិណា។ ថន លក្ខិណា បានគេចវេះមិនព្រមប្រាប់ប្រភពនៃប្រាក់ចំណូលដែលនាំឲ្យនាងមានប្រាក់រាប់សែនដុល្លារក្នុងដៃឡើយ ស្របពេលដែលមានតារាជាច្រើននាំគ្នាខ្សឹបខ្សៀវថា លក្ខិណា មានលោកថៅកែជនជាតិថៃ ម្នាក់តាមស្នេហ៍។
នៅ សុនិតា ៖ ថ្មីៗនេះ រាងស្ពឹកមុខបន្ដិច ព្រោះតែនៅ សុនិតា ត្រូវបានមិត្តភក្ដិនាងបកអាក្រាតថា ស្រីស្រស់ម្នាក់នេះមានប្រុសស្នេហ៍ច្រើនពេក រហូតដល់រាប់មិនអស់ឡើយ។ នៅ សុនិតា ទិញវីឡាតម្លៃជាង២០ម៉ឺនដុល្លារ នៅបុរីជីពម៉ុងលែន ក្បែរផ្សារទំនើបអ៊ីអន២ ផ្លូវជា សុផារ៉ា ដែលមានព័ត៌មានថា នាងបានកាដូវីឡានោះពីកូនប្រុសអ្នកជំនួញអចលនទ្រព្យម្នាក់។
នៅ សុនិតា ដែលទិញវីឡា ហើយមិនហ៊ានសម្ពោធដូចថន លក្ខិណា នោះ ត្រូវបានគេសង្ស័យថា នាងមានគូស្នេហ៍មិនមែនជាបុរសនៅលីវឡើយ ទើបបានជាកន្លងមក នាងព្យាយាមគេចៗពីអ្នកកាសែត ក្រោយធ្លាយរឿងលោកអភិបាលខណ្ឌម្នាក់តាមដាក់អន្ទាក់ស្នេហ៍។
បេប៊ី ៖ ស្រីស្រស់ម្នាក់នេះកាន់តែលេងខ្លួនសិចស៊ីទៅៗ តាំងពីឡើងកូដ ចុងក្រោយនេះ ស្បែកសាច់នាងក៏កាន់តែម៉ដ្ឋខៃគួរឲ្យចង់អង្អែលដែរ។ ប៉ុន្តែគួរឲ្យស្ដាយ ព្រោះមានដំណឹងថា នាងជុំ រចនាពេជ្រ ហៅបេប៊ី នេះ មានលោកឧកញ៉ាដល់ទៅ២នាក់តាមប្រជែងស្នេហ៍។
បេប៊ី បានទិញវីឡាតម្លៃជាង២០ម៉ឺនដុល្លារដែរ នៅបុរីប៉េងហួត ហើយអ្វីដែលចម្លែកនោះ អ្នកម្ដាយរបស់នាងប្រាប់ថា លុយទិញវីឡានោះគាត់បានរាប់ (ចងការ) គេទេ គ្មានអ្នកណាម្នាក់ឧបត្ថម្ភឡើយ…។
ក្រៅពីតារាស្រីវ័យក្មេង៥ដួងនេះ តារាល្បីៗផ្សេងៗទៀតដែលកំពុងដេកវីឡាតម្លៃរាប់សែនដុល្លារនោះ មានដូចជា អ្នកនាងម៉េង កែវពេជ្ជតា, ឈួន សុវណ្ណឆៃ, យុគ ចិន្ដា , តេង លក្ខិណា , បេនីយ៉ាំង , ពេជ្រ ខេនឌី , ប៊ុន ផៃលីន ជាដើម ខណៈដែលអតីតតារាស្រីល្បីឈ្មោះ៣ដួង ក្លាយជាសេដ្ឋិនីមានទ្រព្យច្រើនជាងគេ គឺអ្នកនាងស្រីតូច ចំណាន , ពេជ្រ ច័ន្ទបរមី និងឱក បូរី ៕
