ស្ទើរតែតាំងពីដើមឆ្នាំ២០១៨ នេះ ដែលមាស សុខសោភា បានប្តូរការស្លៀកពាក់ទាំងស្រុងពីភាពសាមញ្ញាទៅជាសិចស៊ីខ្លាំង រហូតមានពេលខ្លះលេចចេញគល់សុដន់យ៉ាងព្រឺព្រួច ជាងតារាសម្តែងដែលចូលចិត្តបញ្ចោញសម្រស់ដើមទ្រូងទៀតផង ទើបធ្វើឱ្យទាំងមហាជន និងអ្នកសិល្បៈជាច្រើន បាននាំគ្នាខ្សឹបខ្សៀវគ្នា ដោយគេសង្ស័យថា សោភា កែសុដន់ផ្គាប់ចិត្តប្តីដុកទ័រ ដែលសាងស្នេហ៍១១ឆ្នាំ តែគ្មានតម្រុយចូលរោងការ…។
ដោយសារតែមិនចង់ឱ្យមានការលេងស្ទីលដដែលៗ ស័ក្តិសមជាអ្នកចម្រៀងល្បីល្បាញនោះ ទើបតាំងពីដើមឆ្នាំ២០១៨ រហូតដល់ពាក់កណ្តាលឆ្នាំនេះ មាស សុខសោភា បានប្តូរការស្លៀកពាក់ទាំងស្រុង បើប្រៀបធៀបកាលពីឆ្នាំមុនៗ ហើយការលេងខ្លួនរបស់នាងទទួលបានការទាក់ទាញច្រើន ទាំងអ្នកសិល្បៈដូចគ្នា និងមហាជន។ ប៉ុន្តែ ទន្ទឹមនឹងនោះ ក៏មានអ្នកខ្លះទៀតបានរិះគន់លើនាងថា ជាអ្នកចម្រៀងល្បីល្បាញស្រាប់ទៅ ហើយម៉េចបានមាស សុខសោភា ទៅចង់ល្បីធ្វើអីរឿងស្លៀកពាក់ចេញគល់សុដន់ហ្នឹង ឬមួយក៏សោភា ចង់គ្រងតំណែងជាតារាចម្រៀងល្បីជាងគេ និងជាតារាសិចស៊ីខ្លាំងជាងគេនៅឆ្នាំ២០១៨?
មាស សុខសោភា ធ្លាប់ត្រូវបានគេរិះគន់ម្តងរួចមកហើយ កាលពីឆ្នាំមុន នៅពេលដែលនាងច្រៀងរាំក្នុងកម្មវិធីមួយ នៅស្តាតអូឡាំពិក ដែលឧបត្ថម្ភដោយក្រុមហ៊ុនស្មាត ហើយអ្នកចម្រៀងល្បីរូបបនេះស្លៀកពាក់សាមញ្ញ ដូចជាអ្នកចម្រៀងធម្មតា មិនសូវល្បី អ៊ីចឹងហើយបើប្រៀបធៀបទៅគូប្រជែងនាងនាងឱក សុគន្ធកញ្ញា វិញ គឺសោភា ចាញ់ដាច់។ ដោយសារតែមានការប្រៀបធៀបបែបនេះ ហើយបានជាធ្វើឱ្យមាស សុខសោភា ចាប់ផ្តើមផ្លាស់ប្តូរទៅលើការស្លៀកពាក់នៅឆ្នាំ២០១៨ នេះ ដោយគ្រងឈុតរ៉ូបថ្លៃៗចូលរួមកម្មវិធី និងហ៊ានបញ្ចោញសម្រស់គល់សុដន់ មើលទៅគួរឱ្យព្រឺព្រួចថែមទៀតផង។ អ្វីដែលស្ទើរតែមិនគួរឱ្យជឿនោះដែរ គឺមាស សុខសោភា លេងខ្លួនមិនឱ្យឱក សុគន្ធកញ្ញា តាមទាន់ទេ ដូចជាចម្រៀងរបស់នាងបទ “My Only One” នោះ សោភា ស្លៀករ៉ូបប្រហោងស្តើងៗ មើលឃើញដល់ខោលីអូខាងក្នុង ហើយមុននេះ នាងបណ្តើរគូស្នេហ៍លោកអ៊ឹត រ៉ាដា ទៅសាងអនុស្សារីយ៍នៅប្រទេសថៃ នោះ អ្នកចម្រៀងផលិតកម្មថោន ថែមទាំងបានលេងខ្លួនស្លៀកលីអូ និងអាវវ៉ែនតា ពណ៌ខ្មៅ នៅលើគោកទៀតផង ដែលការព្រលែងស្ទើរតែអស់នេះ សោភា មិនចាញ់តារាហូលីវូដនោះទេ ទើបធ្វើឱ្យអ្នកខ្លះបានរិះគន់សោភា ថា ចង់ល្បីពេកបញ្ចោញជ្រុល។ ប៉ុន្តែ អ្នកគាំទ្រមាស សុខសោភា នៅតែមានការលើកទឹកចិត្តតារាចម្រៀងថោន ថា នាងស្លៀកឈុតប៊ីគីនីនៅមាត់សមុទ្រ មិនជាជ្រុលនោះទេ កុំឱ្យតែស្រាតទាំងអស់ ទើបខុស ព្រោះទៅមាត់សមុទ្រ មិនអាចស្លៀកហូល ផាមួង បានឡើយ។
ការលេងខ្លួនមួយប្រាវរបស់តារាចម្រៀងមាស សុខសោភា ត្រូវបានអ្នកសិល្បៈជាច្រើនសរសើរថា នាងជាអ្នកចម្រៀងដែលមានរាងស្អាតជាងគេ បើទោះជាសម្រស់ចាញ់ប្រៀបឱក សុគន្ធកញ្ញា ក្តី តែរាងរបស់នាងមិនចាញ់អ្នកបង្ហាញម៉ូដឡើយ ហេតុនេះហើយបានជាក្រុមហ៊ុនធំៗជាច្រើនចង់បានសោភា ធ្វើជាទូតសុច្ឆន្ទៈរបស់គេ ក្នុងការឃោសនាផលិតផលផ្សេងៗ បើទោះជាសោភា ពេលនេះធ្វើជា BA របស់ស្រាបៀរលីអូ ហើយក៏ដោយ។ ជាមួយគ្នានេះដែរ ក៏មានតារាសិល្បកររួមអាជីព និងមហាជន មិនតិចនាក់ទេ ដែលពួកគេបានដាក់ការសង្ស័យថា មាស សុខសោភា កែពង្រីកដើមទ្រូង បានជាមានការបញ្ចោញជាងពេលមុនៗ នៅរយៈពេលចុងក្រោយនេះ ខណៈដែលកន្លងមក សុខសោភា បានទទួលស្គាល់ថា នាងបានកែតែច្រមុះមួយគត់ ក្រៅពីនេះ មិនមានការកែច្នៃផ្នែកណាមួយទៀតលើរាងកាយនោះឡើយ។
ក្រុមអ្នកតាមដានរឿងស្នេហា មាស សុខសោភា បានបញ្ចោញយោបល់ថា តារាចម្រៀងល្បីរបស់ផលិតកម្មថោននេះ អាចកែសម្រស់ដើមទ្រូងឱ្យកាន់តែសិចស៊ីថែមទៀត ដើម្បីចងចិត្តស្វាមីនាង លោកអ៊ឹត រ៉ាដា ឱ្យកាន់តែស្រលាញ់ និងស្មោះស្មគ្រ័តែលើរូបនាងម្នាក់ បន្ទាប់ពីពួកគេបានចាប់ដៃគ្នាសាងស្នេហ៍ជាង១១ឆ្នាំមក។
មាស សុខសោភា ត្រូវបានផលិតកម្មថោន ផ្តល់សិទ្ធិឱ្យច្រើនជាងអ្នកចម្រៀងផ្សេងទៀតនៅទ្រនុំនេះ ដើម្បីផ្គាប់ចិត្តនាងកុំឱ្យទៅចូលរួមជាមួយផលិតកម្មហង្សមាស ដែលជាគូប្រជែងធំ តាមរយៈការអនុញ្ញតឱ្យនាងបើកផលិតកម្មផ្ទាល់ខ្លួន Camtrax។ តែមាស សុខសោភា ថា នាងច្រៀងនៅថោន ដោយគ្មានការកុងត្រានោះទេ ហើយនៅឆ្នាំ២០១៨ នេះ នាងមានគម្រោងថតភាពយន្តឱ្យទូរទស្សន៍មួយ ដែលមិនមែនជាផលិតកម្មថោន ឡើយ ចំណែកការចូល ឬមិនចូលហង្សមាស នោះ នាងត្រូវការសិក្សាឱ្យបានច្បាស់លាស់ជាមុនសិន ទើបធ្វើការសម្រេចចិត្តជាក្រោយ។ មាស សុខសោភា ដែលប្រកាសថា នាងនឹងចូលរោងការនៅ២ឬ៣ឆ្នាំទៀត ខាងមុខនេះ ក៏បានប្រកាសរំសាយមង្គលការជាថ្មីទៀតដែរ ដែលលែងមានការកំណត់ច្បាស់លាស់ដូចមុនទៀត ហើយក្រោយពីនាងឱក សុគន្ធកញ្ញា បានរំសាយចោលមង្គលការជាមួយលោកអ៊ឹង សុខលី នៅឆ្នាំ២០១៨ នេះ តែនៅមិនដឹងថា មាស សុខសោភា គិតចង់រៀបការនៅពេលណានោះទេ ឬក៏ចាំឱ្យឱក សុគន្ធកញ្ញា រៀបការមុនសិន ចាំការតាមក្រោយ ក៏មិនទាន់ហួសពេលនោះដែរ៕