តាមប្រភពព័ត៌មានពីគ្រូពេទ្យដែលតាមដានពិនិត្យសុខភាពរបស់លោកម៉ារ៉ាដូណា ដែលជាអ្នកគាំទ្របាល់ទាត់ក្រុមជម្រើសជាតិអាហ្សង់ទីន បានឲ្យដឹងថា សុខភាពរបស់ម៉ារ៉ាដូណា កំពុងធ្លាក់ចុះទ្រុឌទ្រោមខ្លាំង ក្រោយពីចំណាយពេលវេលាអង្គុយទស្សនាការប្រកួតក្រុមជម្រើសរបស់លោកទាំងបីប្រកួតកន្លងមក។
តាមរូបភាពវីឌីអូ រាល់ពេលនៃការប្រកួត លោកម៉ារ៉ាដូណា មានសម្តែងកាយវិការ និងអារម្មណ៍តានតឹងខ្លាំង ដោយសារតែទម្រង់លេងរបស់អាហ្សង់ទីន ធ្លាក់ចុះយ៉ាងខ្លាំង ស្ទើរតែគ្មានឱកាសឡើងទៅវគ្គ១៦ក្រុម។
រូបភាពវីឌីអូដដែលនោះ បានបង្ហាញថា អតីតកីឡាករឈ្នះពានបាល់ទាត់ពិភពលោក ១៩៨៦ ម៉ារ៉ាដូណា បានសម្តែងការរំភើបញាប់ញ័រ រហូតសឹងតែគាំងបេះដូងដើរលេងរួច ត្រូវបានមិត្តភក្តិដែលជាគ្រូពេទ្យ ជួយគ្រាហ៍ចេញពីកន្លែងអង្គុយ ដើម្បីបន្ធូរអារម្មណ៍ និងធ្វើចលនាបេះដូងផងដែរ។ ក្រោយពីធ្វើការពិនិត្យទៅ លោកមិនមានបញ្ហាអ្វីធ្ងន់ធ្ងរនោះទេ ដោយគ្រាន់តែរំភើបចិត្តចំពោះលទ្ធផលនេះប៉ុណ្ណោះ។
យ៉ាងណា លោកគ្រូពេទ្យបាននិយាយថា ទោះបីជាយ៉ាងណាក្តី លោកគ្រូពេទ្យបានផ្តល់ដំបូន្មានឲ្យលោកម៉ារ៉ាដូណា សម្រាកឲ្យបានច្រើន ឧស្សាហ៍ពិគ្រោះយោបល់ជាមួយគ្រូពេទ្យ។
ប្រព័ន្ធផ្សព្វផ្សាយអាហ្សង់ទីន បានផ្សាយថា លោកម៉ារ៉ាដូណា មានជំងឺលើសឈាមប្រចាំកាយ ដោយសារតែលោកធ្លាប់មានប្រវត្តិប្រើប្រាស់សារធាតុញៀនកូកាអ៊ីន៕